Author: admin

17 Mar

Коалиција СЕКСУАЛНИ И ЗДРАВСТВЕНИ ПРАВА НА МАРГИНАЛИЗИРАНИ ЗАЕДНИЦИ Ве поканува, во вторник, 22.03, во 19.30, во клубот ГЕМ на:

Проекција на филмот ПАРИЗ ГОРИ и
Дискусија на тема: Како да го запалиш својот идентитет?
Воведничар: Станимир Панајотов
Фасцилитатор: Славчо Димитров

Вашето присуство и придонес кон дискусијата ќе ни претставува посебно задоволство и огромна чест.


Париз гори е документарен филм од 1990 година во режија на Џени Ливингстон. Сниман во втората половина од 80те години на минатиот век, овој филм претставува хроника на т.н. ball култура (култура на балови) во Њујорк и различните етницитети вклучувајќи ги Афроамериканците, Латино геј луѓето и трансродовата заедница во нивни рамки.

Џени Ливингстон посветува 7 години на создавање на овој филм во кој е сконцентрирана на интервјуа со клучните фигури од светот на баловите кои фрлаат различни светла врз културата на баловите, но и врз нивните личности. Во филмот, насловите (куќа, мајка, читање и други) покажуваат како субкултурата која филмот ја отсликува ги извлекува зборовите од белиот и хетеронормативен свет и ги исполнува со алтернативни значења. Филмот, исто така, истражува како субјектите во него се справуваат со расизмот, хомофобијата, сидата и сиромаштијата. Drag е презентиран како комплексен перформанс на родот, класата и расата, во кој може да се оствари идентитетот и желбата низ мноштво од димензии.
Париз гори е непроценлив документарец за крајот на „златната ера“ на баловите во Њујорк, но и промислено истражување на концептот за раса, класа и род во Америка.

По филмот следува дискусија на тема „Како да го запалиш својот идентитет?“ на која воведничар ќе биде Станимир Панајотов, а фасцилитатор Славчо Димитров.

Станимир Панајотов е роден 1982 година во Сливен, Бугарија. Во 2004 година дипломира Филозофија на Универзитетот во Софија, Бугарија. Своето образование го продолжува во Македонија кадешто запишува последипломски студии по Филозофија и род на Институтот Евро Балкан. Од 2003 година публикува научни текстови и рецензии во својата земја, но и во странство. Работи и како преведувач (од англиски, македонски и бугарски јазик) на книги и научни текстови од областа на хуманистичките и општествените науки, родовите студии и квир теоријата (вклучувајќи ги и делата на автори како Венди Браун, Адриен Рич, Ив Сеџвик, Дајана Фас и Дејвид Халперин). Во моментов работи на превод на бугарски на книгата „Санитарна енигма“ од Јасна Котеска. Исто така тој е активист за правата на ЛГБТ популацијата во Бугарија и член на Организациониот комитет на Sofia Pride.

Славчо Димитров дипломирал Општа и компаративна книжевност на Универзитетот „Св. Кирил и Методиј“ и е магистер по Родови студии и филозофија на Институтот Евро Балкан. Во моментов тој е студент на докторските студии на одделот за Род и Филозофија на Институтот Евро Балкан кадешто работи како истражувач, асистент и координатор на проекти. Во последниве години тој координирал неколку проекти кои се занимаваат со човековите права и не-дискриминација на малцински заедници во Македонија. Во моментов тој е директор на Коалицијата „Сексулани и здравствени права на маргинализирани заедници“. Публикувал неколку текстови на теми од книжевната и филмска теорија и интерпретација, род, сексуалност и идентитет и современа уметност во Македонија, во различни публикации од академска и уметничка област во земјата и надвор. Неговите главни теоретски и авторски интереси се поврзани со прашањата за родот, културната теорија, политичката филозофија, идентитетот и нарациите, деконструкција на субјектот и квир теоријата.

09:57 / Македонија
0 Likes
14 Mar

Андреј Куомо, гувернерот од Њујорк, даде изјава на активистите за правата на хомосексуалците дека ќе посвети "целосно внимание" на проблемот на брачната еднаквост. На затворениот состанок, тој изјави дека за него тоа преставува личен проблем.

Според "Њујорк тајмс ", учесниците на состанокот изјавиле дека гувернерот бил "неочекувано силен и страстен" во врска со ова прашање.

За г-динот Куомо се вели дека е внимателен да не избрза со процедурата, како што беше случајот со предлог-законот кој не беше прифатен во Сенатот на САД во 2009-та година.

Во соопштението објавено по средбата, тој рече „За мене ова е повеќе од само еден закон. Се работи за животите на луѓето кои по многу години се без правата кои треба да им бидат загарантирани.“

Во пет држави во САД​ (Масачусетс, Конектикат, Ајова, Њу Хемпшир, Вермонт и Вашингтон) во моментов им е овозможено на хомосексуалните двојки да се венчаат.


06:01 / Свет
0 Likes
07 Mar

Во неколку африкански земји, вклучувајќи ги Боцвана, Кенија, Мозамбик, Нигерија и Зимбабве се одржаа маршеви со кои беше одбележан Меѓународниот ден на правата на сексуалните работници. Во Јужна Африка, маршеви се одржаа во Јоханесбург, Кејптаун и Мусина.

Маршот беше предводен од страна на Sex Workers' Education and Advocacy Task Force (Sweat) и Sisonke Sex Workers Movement, организации што се борат за човековите права на сексуалните работници.

Голем број од демонстрантите на маршот носеа маски за да се заштитат од стигма, вели Kholi Buthelezi, националниот директор на Sisonke .

Учесниците се сретнаа со полицијата во централната полициска станица во Јоханесбург за да и престават меморандум.

Загриженоста изразена во меморандумот се однесува на полициската бруталност врз сексуалните работници, сексуалните прекршоци извршени од страна на полицијата, како и молба да се истражат некои од кривичните дела извршени од страна на полицијата.


12:06 / Свет
0 Likes
03 Mar

Крајниот десничарски српски лидер Младен Обрадовиќ ќе оди на суд под обвинение за предизвикување насилство во текот минатогодишната на геј парада во Белград на која повеќе од сто лица беа повредени.

Минатиот четврток за време на отворањето на судската расправа, Обрадовиќ, предводникот на националистичката организација Образ, негираше дека бил одговорен за случувањата.

Обрадовиќ и уште тринаесет други лица се обвинети за насилно однесување на јавнен собир. Тие се соочуваат со казна до дванаесет години затвор.

Екстремно-десничарската група ја нападна полицијата која ја обезбедувше белградската геј парада минатиот окомври. Прозападната српска влада вети дека ќе ги штити човековите права, доколку сака да добие членство во ЕУ.

15:10 / Свет
0 Likes
27 Feb

Администрацијата на Обама, програмите за размена на прибор за инјектирање ги назначи како дел од третманот на корисниците на дрога, дозволувајќи федералните пари, издвоени за лекување на зависности, да се користат за дистрибуција на чисти шприцеви помеѓу корисниците на дрога.

Оваа одлука означува драматична промена во расправата за програмите за размена на опрема за инјектирање. Пред две години Претседателот Обама ја укина 21-годишната забрана за финасирање на програми за размена на прибор како нужно зло за да се намали ширењето на ХИВ помеѓу корисниците на дрога.

Новата позиција, утврдена од страна на Генералниот хирург на САД, д-р Регина Бенјамин, е дека државите во САД можат да добијат федерални пари за програми кои во третманот вклучуваат размена на прибор на инјектирање.

Бенјамин изјави за Вашингтон Егзаминер дека програмите за размена на игли можат да послужат како портал за третманот од зависност од дрога, ХИВ и други болести.

10:21 / Свет
0 Likes
21 Feb

Фејсбук ги призна граѓанските заедници и домашните партнерства како статус за членовите на социјалната мрежа, потег кој беше поздравен од страна на групите за застапување на правата на ЛГБТ популацијата како силна изјава на поддршка на истополовите парови.

Гигантот на социјалните медиуми ги додаде статусите "во граѓанска заедница" и "во домашно партнерство " на листата на достапни опции за статусот на членовите во САД, Канада, Велика Британија, Франција и Австралија.

„Со новите опции, на корисниците од целиот свет, Фејсбук им испрати јасна порака за поддршката на геј и лезбиските парови ", рече Џарет Бариос, претседател на Gay & Lesbian Alliance Against Defamation.

„Кога милиони корисници на Фејсбук ќе ги видат овие опции за статус, тие ќе се здобијат со поголемо разбирање на правните нееднаквости со кои се соочуваат посветените двојки од ист пол во големиот број на различни земји", тврди Бариос.

GLAAD е една од националните ЛГБТ организации кои се дел од мрежата на Palo Alto firm's Network of Support, формирана минатиот октомври и која прави напори за борба против сајбер-булиингот.

06:47 / Свет
0 Likes
17 Feb

Во нова студија, финансирана од страна на државата, се вели дека денеска новите инфекции со хепатит Ц се многу поретки во САД, во споредба со почетокот на 80-тите години на минатиот век.

Според новата студија на истражувачите од Американскиот центар за контрола на болести и превенција (CDC), во средината на 80-тите години од минатиот век, седумдесет лица од еден милион Американци на секоја година добивале акутен хепатитис Ц.

Помеѓу 1994-тата и 2006-тата година, таа стапка е 90 отсто пониска: само 7 лица од еден милион на годишно ниво.

Со текот на годините, лицата кои инјектираат дрога беа сметани за придонесувачи за поголем дел од случаите на зараза, и нивниот ризик од инфекција останува важен здравствен проблем, тврдат истражувачите на CDC во Архивата на интерна медицина.

Хепатитис Ц се пренесува преку контакт со заразена крв - најчесто преку споделување на валкани игли - иако мал број на случаи се пренесени по сексуален пат или од мајка на бебе за време на породувањето.

Напорите за спречување на пренесувањето на хепатит Ц меѓу лицата кои инјектираат дрога - преку едукација и програми за размена на прибор за инјектирање се покажаа како многу ефикасни, се вели во студијата.


13:00 / Свет
0 Likes
11 Feb

МУМБАИ, - Интерсексуалните лица успеаа во напорите да бидат регистрирани одделено на овогодишниот попис во Махараштра (Индија), така што нивниот број ќе се смета во колоната за род означена како "други", соопшти висок официјален претставник на администрацијата на Махараштра.

"Во новиот прилог на образецот за пописот, интерсексуалците ќе се сметаат како „други", покрај машкиот и женскиот род. И сексуалната работа во колоната за „професија“,  ќе биде одделена од категоријата „питачење“ - изјави Ranjeetsing Deol, раководител на пописот во Махараштра.

-Пописот во Махараштра ќе се одржи од 9-ти до 28-ми февруари и и ќе биде ревидиран во првата недела на март, изјави Deol.

Некои невладини организации и помагаат на Владата во регистрацијата на питачите. Странците кои престојуваат во земјата повеќе од дваесет и еден ден, исто така, ќе бидат вклучени во пописот.


06:16 / Свет
0 Likes
07 Feb

Минатиот четврток, околу двеста геј мажи беа уапсени во кралството Бахреин, кога полицијата спроведе рација на една приватна забава за која се препоставувало дека преставува истополова свадба.

Лицата кои се воглавно жители на Бахреин и земјите во Персискиот залив, беа уапсени под обвинение дека се "однесувале против јавниот морал", а нивните случаи ќе ги застапува генералниот правобранител во земјата, извести Геј НЗ.

Заливскиот Дејли Њуз објави дека забавата се одржувала во сала на Хид спортс клубот Ал Рајан во близина на многу религиозна област. Некои делови од Бахреин се познати како порелаксирани по прашањата на сексуалноста.

Непосредно по апсењата, општинскиот советник Рамзи Ал Џалалиф повика на построга контрола на салите за прославување, соопшти Дејли њуз. Тој тврди дека лицата го излажале менаџерот на местото на случувањето, велејќи му дека во салата ќе се слави роденден.

"Тие треба да бидат внимателни и да ги испитаат околностите пред да се дозволат да се случуваат вакви настани и да ја уништат репутацијата на земјата", рече Ал Џалалиф.


08:19 / Свет
0 Likes
01 Feb

Во македонскиот образовен систем веќе подолг временски период се употребуваат учебници во кои се презентираат хомофобични ставови и сознанија. Голем дел од информациите за сексуалноста и сексуалната ориентација се научно незасновани, застарени и идеолошки обоени. Во учебниците се патологизира хомосексуалноста, а нехетеросексуалците се стигматизираат и квалификуваат со деградирачки и дехуманизирачки дефиниции.

Ваквите содржини не претставуваат само пример на научна игнорантност и слепило. Тие шират хомофобија, говор на омраза и поттикнуваат негативни предрасуди и социјално исклучување на хомосексуалците и другите сексуални малцинства. Наместо да се санкционираат одговорните кои дозволиле хомофобични и дискриминаторски учебници, сведоци сме на обид за замолчување на критичарите на хомофобичните учебници кои генерираат и поддржуваат нееднаквост, нетолеранција, неправда и насилство.

Имено, против Ирена Цветковиќ, истакната активистка за човекови права,колумнистка, блогерка и магистерка по родови студии и социологија, се води кривична судска постапка за навреда и клевета поради јавното критикување на хомофобичните учебници. Да биде иронијата уште поголема, како навредени се најдоа авторките на учебникот по „Педагогија“ за трета година средно оразование, кои ги дискриминираа хомосексуалците опишувајќи ги како “невротични и психотични личности“, “учесницина изопачен, неприроден и ненормален сексуален живот“ и “личности со психички потешкотии и пречки“.

Ваквите обиди за замолчување на критичката мисла се показател дека слободата на говор е доведена под сериозна закана. Со цел да се спречи обидот за помрачување на демократскиот разум, ве повикуваме сите, на 02.02.2011, среда, во 13.00 часот, пред Основен суд Скопје 1, да ни се придружите на мирен протест против хомофобијата во образованието и заштитата на критичкото мислење и активистите за човекови права.


НЕ на хомофобијата во образованието!

СЛОБОДА НА ГОВОРОТ И КРИТИЧКОТО МИСЛЕЊЕ!

05:12 / Македонија
0 Likes
27 Jan

Според изјавите на активистите во Уганда, убиен е познат борец за правата на хомосексуалците, кој минатата година тужеше еден локален весник кој ја објави неговата сексуална ориентација.

Полицијата ја потврди смртта на Дејвид Като, но вели дека ги испитува околностите.

Весникот Ролинг Стоун Уганда објави фотографии од неколку луѓе за кои тврди дека се хомосексуалци над кои стоел насловот "Обесете ги".

Хомосексуалноста е нелегална во Уганда, и се казнува од 14 години во затвор.

Еден пратеник неодамна се обиде да ги зголеми казните со предлогот за воведување на смртна казна во некои случаи.

Хјуман рајтс воч цитира сведоци кои велат дека едно лице влегло во домот на  г-дин Като во близина на Кампала и го застрерало два пати во главата пред да замине. Г-дин Като починал на патот кон болницата.

Хјуман рајтс воч побара брза истрага за смртта на г-дин Като.

"Смртта на Дејвид Като е трагичната загуба на заедницата која се бори за почитување на човековите права ", рече Марија Синтез од Хјуман рајтс воч .

Активистот на организацијата Sexual Minorities Uganda (Smug) имаше кампања против анти-хомосексуалниот закон во Уганда, кој се чини дека не беше усвоен поради бурата од меѓународни критики во времето кога беше предложен во 2009-та година.

15:49 / Свет
0 Likes
24 Jan

Кога минатата сабота, Da Wen го кажа судбоносното „Да“ на Xiao Qiang на нивната свадба во еден ресторан во Пекинг, тоа не преставуваше само акт на спојување на љубовта на две лица, туку и обид за зајакнување на борбата против СИДА-та.

Двајцата мажи кои иако се информирани дека хомосексуалните бракови не се признаени од страна на кинеската легислатива, сепак сакаа во јавноста да ја обелоденат својата врска како пример за другите геј двојки во Кина.

Иако нивниот брак не може да биде официјално регистриран, парот се здоби со сертификат, дополнет со фотографии од двојката и печат на фиктивната организација Кинески комитет за среќни бракови.

Xiao Dong, директор на волонтерскиот тим за превенција на СИДА од Пекинг, вели дека таквите хомосексуални бракови ќе им помогнат на луѓето во геј заедницата во превенцијата на СИДА-та.

Тој вели дека со бракот може да се зацврстат врските помеѓу паровите и да се избегнат брзите промени на сексуалните партнери.

Xiao рече дека факот дека не постои закон за регулација на истополовите бракови во Кина го отежнува процесот во кој хомосексуалните двојки можат да ја одржат својата врска.

Честото менување на сексуалните партнери на луѓето во геј заедниците се должи на отсуството на законска регулатива, со што драматично се зголемува ризикот од зараза од СИДА-та, рече Xiao.


16:13 / Свет
0 Likes
19 Jan

Во соопштението за јавност на УНАИДС објавeно на крајот од минатата година се вели дека во светот постои значителeн пад на бројот на нови лица инфицирани со ХИВ/СИДА.

Во соопштението се вели дека новите ХИВ/СИДА инфекции опаднале за речиси 20 отсто во последните 10 години, а смртните случаи поврзани со СИДА, исто така, се опаднати  скоро 20 проценти. Вкупниот број на лица кои живеат со ХИВ се стабилизира.

Во 59 земји, вклучувајќи ги и 18-те од 25-те земји со највисока преваленца, помалку од 25 отсто од мажите изјавиле дека имале секс со повеќе од еден партнер во последните 12 месеци.

Употребата на кондоми и нивната достапност, исто така, значително се зголеми, а извештаите за употреба на кондоми од страна на сексуалните работници, исто така, се охрабрувачки.

Во 60 земји, повеќе од 60 проценти од сексуалните работници користеле кондом со последниот клиент.

Податоците од 78 земји покажуваат дека употребата на кондоми меѓу мажите кои имаат секс со мажи изнесува повеќе од 50 проценти во 54 земји.

Пристап до третман на ХИВ/СИДА, вклучувајќи и програми за намалување на штети за луѓето кои инјектираат дроги достигна 32 отсто, далеку помалку од она што е потребно за да се заштитат корисниците на дрога од ХИВ/СИДА во целиот свет.

10:57 / Свет
0 Likes
13 Jan

Денес, во познатиот округ Кастро во Сан Франциско се отвора првиот официјален геј музеј во САД.

"Се потрудивме да креираме музеј кој ќе биде богат, разновиден и изненадувачки како и самата ЛГБТ заедница", рече Пол Бонберг, извршен директор на GLBT Historical Society.

Во рамките на постојаната поставка на музејот се наоѓаат розови очила за сонце, свирче, Левис фармерки и други предмети од Харви Милк, кој е првиот хомосексуалец избран за функционер во САД.

"ЛГБТ музејот се наоѓа во срцето на Кастро, населбата која не е посетена само од локалните жители, туку и од повеќе десетици илјади туристи кои секоја година доаѓаат во потрага по квир култура ", рече Бонберг.

"Во нашиот музеј, тие ќе откријат богатства од нашите архиви кои рефлектираат фасцинантни приказни кои опфаќаат речиси еден век на ЛГБТ живот."

Музејот беше најавен како втор од ваков вид, по првиот кој се отвори пред една деценија во Берлин.


07:08 / Свет
0 Likes
07 Jan

Националниот институт за злоупотреба на дрога на САД проценува дека повеќе од пет милиони Американци над 12-годишна возраст употребиле кокаин во 2008-та година. Иако корисниците можат да доживеат голема еуфорија и зголемена енергија, тие исто така можат да го доживеат инфаркт, мозочен удар и напади. Една студија, објавена завчера во оналјн магазинот Molecular Therapy, покажува дека постои можност наскоро да биде создадена вакцина против кокаинската зависност.

Научниците од Weill Cornell медицинскиот колеџ развија вакцина која се состои од супстанција слична на кокаинот и неактивен вирус на настинка. Вакцината ја тестирале на глувци зависни од кокаин. По инјектирањето на вакцината, глувците биле инјектирани со кокаин, но тие не трчале наоколу и не биле хиперактивни како во претходните реакции на кокаинот. Се верува дека вакцината е ефикасна, бидејќи таа се соединувала со кокаинот во крвта, така што кокаинот никогаш не стигнува до мозокот.

Д-р Роналд Кристал, главниот истражувач и професор по генетска медицина на Weill Cornell, рече дека ефектите од вакцината траеле до 13 недели кај експерименталните глувци. Иако не постои терапија за кокаин, сепак оваа вакцина дава голема надеж и се преземаат чекори да се почне со испитувања врз луѓе во текот на следните две години.


07:24 / Свет
0 Likes
03 Jan

Коалиција за заштита и промоција на сексуалните и здравствените права на маргинализираните заедници го објави најновиот број од својот билтен. Изданието во ПДФ верзија може да го превземете овде.

07:29 / Македонија
0 Likes
22 Dec

Претседателот Барак Обама се очекува денес да го потпише документот со кој се укинува забраната за служење во воената служба на геј лицата кои отворено ја декларираат својата сексуална ориентација.

Сенатот на САД во саботата гласаше за законот со кој се укинува 17-годишната „не прашувај, не кажувај“ политика, што значи дека сега законот е подготвен за потписот на преседателот. Сепак, ќе поминат неколку месеци пред законот да стапи на сила.

Укинувањето на оваа одлука значи дека за прв пат геј лицата ќе можат јавно да ја изразат својата сексуална ориентација, без ризик да бидат исфрлени од воените сили.

Откако беше донесен неславниот хомофобичен закон во 1993 година, повеќе од 13.500  членови на воените сили беа отпуштени од служба.

"Сега е време да се затвори ова поглавје на нашата историја", изјави Обама во соопштение за јавноста. "Време е да се признае дека жртвата, храброста и интегритетот не се повеќе дефинирани од страна на сексуалната ориентација, како што не се ни од страна на расата, полот, религија или верувањата."

Укинувањето на "не прашувај, не кажувај" политиката во рамките на американската војска е уште една победа за демократите во рамките на администрацијата на Обама.

09:38 / Свет
0 Likes
17 Dec

Меѓународен ден за борба против насислтвото врз сексуалните работници

17-ти декември е Mеѓународен ден за стоп на насилството врз сексуалните работници, кога илјадници нивни поддржувачи маршираат по улиците насекаде низ светот, и преку свои активности и пренесуваат порака на јавноста со цел да се спречи насилството кое што секојдневно се врши врз секуалните работници. За прв пат овој настан беше организиран со цел да се обрне внимание на криминалните дејства кои се вршат врз сексуалните работници низ целиот свет. Настанот е идеа на д-р Ени Спринкл, а започнат од проектот за разбирање на сексуалните работници во САД како спомен на немилиот настан во кои беа убиени 48 сексуални работнички, жртви на убиецот од Грин Ривер. Денес, по четврти пат невладините и граѓански организации во Република Македонија кои се залагаат за промоција на основите човекови права и вредности на сексуалните работници, низ конкретни активности и кампањи учествуваат во одбележувањето на 17-ти декември.

Живееме во општество каде што секојдневно се продаватат и купуваат услуги. Сексуалната работа е една од тие услуги. Сексуалната услуга не е зло. Еротски танц, нудење на своето тело, еротски масажи и ескорт услуги не се злодела , различноста во изборот на своја професија не треба да иницира ниту насилство, ниту стигматизирање на лицата кои имаат право на свој сопствен избор.

Општеството наметнува''идентитет" и " социјална улога " врз сексуалните работници која оди подалеку од вистинското препознавање на овие лица. Ваквата погрешна перцепција на општеството кон идентитетот на лицата кои се бават со сексуална работа, наметнува истите да се дефинираат  како суштински недостојни и закана за моралот, јавниот и општествениот поредок, етикетирани како грешници, криминалци или жртви.

Сексуалните работници не треба да се сфатат  само како жртви на кои им треба помош, ниту  како криминалци кои треба да бидат уапсени или пак цели за јавните здравствени интервенции. Тие се дел од општеството, со свој потреби и аспирации, со потенцијали кои би направиле вистински и вреден придонес кон својте заедници.


03:56 / Македонија
0 Likes
15 Dec

Минатата недела Министерството за јавна безбедност на Кина предложи нов назив за женските сексуални работници нарекувајќи ги "паднати жени" наместо "проститутки".

Овој акт покажува поголема почит за посебна група на луѓе, а исто така укажува на можноста дека со промена на називот може да има промена на ставовите и однесувањето. Сексуалната работа, најстарата од сите професии, сега речиси има статус на подземена индустрија во Кина. Како социјалистичка земја, Кина секогаш ја негираше легитимноста на сексуалната индустрија во морална и правна смисла.

Сексуалната работа е легална во многу земји во светот и називот за луѓето кои се вклучени во неа е сексуални работници. Во Кина, терминот сексуални работници не се користи, поради отсуството на "морална перспектива." Наместо тоа, тие се нарекуваат "порнографски работници" или "работници во проституцијата."

Но сега кога тие се наречени "паднати жени" наместо проститутки, постои се помалку презир и потсмев, а повеќе симпатии во тонот на изразувањето. На овој случај треба да се гледа како на демонстрација на похумано спроведување на законите.


06:42 / Свет
0 Likes
07 Dec

Кристијан Легиерски стана првиот хомосексуалец избран за функционер во Полска.Сопственик на ноќен клуб, претприемач и активист за правата на ЛГБТ популацијата освои место во Варшавскиот градски совет.

Господинот Легиерски, кој меѓудругото е црнец и претрпе големи напади на расизам и хомофобија, изјави за Gazeta Wyborcza дека иако неговиот избор беше важен чекор за националната политика, жителите на Варшава се повеќе слободоумни.

Тој изјави: "Не можам да се споредувам со Харви Милк, но јас сум среќен што сум првиот хомосексуалец избран за јавна функција во Полска."

Варшава беше домаќин на Јуропрајд минатиот јули, но Полска има мачно минато со правата на хомосексуалците. Земјата е крајно католичката и конзервативна и групите за човекови права велат дека има слаби резултати на полето на геј еднаквоста.

Починатиот претседател Лех Качински, кој загина во авионска несреќа минатиот април, беше обвинет за хомофобија во неколку наврати.

Хомосексуалноста е легализирана во Полска, но паровите не можат да посвојуваат деца и не постои законско признавање на нивните односи.


13:30 / Свет
0 Likes