Author: admin

12 Feb

На 11.02.2009 ХЕРА, во соработка со Коалицијата за заштита и промоција на сексуалните и здравствените права на маргинализираните групи, Акција Здруженска, СОЖМ, ЕСЕ и Ленка, ја организираше конференцијата „Абортусот е право на избор и репродуктивно право на секоја жена“.

Целта на Конференцијата беше сите граѓанските здруженија чии вредности се темелат на основните човекови права да дадат видлива поддршка за одбрана на правото на жената слободно да одлучува за својот живот, здравје и физички интегритет.

На конференцијата беше потпишана Декларацијата „Абортусот е право на избор и репродуктивно право на секоја жена“ од страна на 41 здружениe на граѓани. Потпишаната Декларација ќе биде испратена до Владата и Собранието на Република Македонија, сите ресорни Министерства и одговорни Собраниски Комисии,  интернационалните организации и пошироката јавност.
Потпишаната Декларација стои во прилог на ова писмо. 

Срдечно
Бојан Јованоски, извршен директор 

04:51 / Кампањи и активности
0 Likes
11 Feb

Извршниот директор на Глобалниот фонд за борба против СИДА, туберкулоза и маларија, Мишел Казачкин  му препорача на претседателот на Комисијата за наркотични дроги на ОН да испрати силна порака за вклучување на сервисите за намалување на штети.

Ова претставува уште еден официјален меѓународен повик усмерен кон делегатите во Виена да се сопрат контроверзите за вклучување на концептот за намалување на штети во политичката декарација за 10 годишната евалуација на UNGASS за која треба да се донесе согласност која ќе важи за Комисијата за наркотични дроги.

07:04 / Свет
0 Likes
04 Feb

Полицијата обвинета за неосновани апсења на геј мажи во продавници за порнографија

(Њујорк, САД) Се зголемува тензијата во врска со зголемувањето на бројот на апсењата на геј луѓе во продавници за порнографски филмови во Менхетн  под обвинение за проституција. Минатата недела градската советничка Кристин Квин се придружи во револтот кон овој случај. Таа изјави дека работи на договор на средба на преставниците на канцеларијата на градоначалникот и началниците на полицијата со преставници на геј заедницита и нивно влучување во истрагата на овој случај.



06:09 / Свет
0 Likes
04 Feb

КАПИСЛА: Независна акција за поддршка на борбата против владините и невладини анти-абортус кампањи

Во среда, на 28.01.2009, со почеток од 22 часот, во ноќниот клуб Ретокс се одржа независна кампања за поддршка на борбата против конзервативната офанзива на македонските државни и невладини институции по однос прашањето на абортусот како легитимно сексуално и репродуктивно права на жените.

Независната кампања опфати “Standing in the way of control” DJ музички сет на Соња Исмаил и Ивана Драгшиќ, изложба на уметнички дела од млади македонски уметници, изложбени и продажни штандови на издавачката куќа Темплум, продукцијата на 103-ка, како  и дистрибуција на промотивни материјали за сексуално здравје од страна на Коалицијата за заштита и промоција на сексуалните и здравствените права на маргинализираните заедници. 


06:02 / Македонија
0 Likes
27 Jan

Fundraiser: каписла е независна акција за борба против конзервативната офанзива на државните и невладините институции, офанзива која упорно ја силува и онака кревката демократија во Република Македонија.

Настанот ќе вклучува:

    * Standing in the Way of Control диџеј сет на Ивана Драгшиќ и Соња Исмаил
    * дела од млади македонски автори, изработени од анти-абортус плакатите со кои што фантомските "невладини" организицаии го контаминираа градот
    * промоција и продажба на македонското издаваштво
    * хенд-мејд уникатни подароци за посетителите


Абортирај го фашизмот! Поддржи го правото на избор!
среда  28-ми јануари 22 h. ::: клуб Retox


04:06 / Македонија
0 Likes
21 Jan

До: Никола Груевски, Премиер на Владата на Република Македонија,

        Михајло Маневски, Министер за правда,

        Џељаљ Бајрами, Министер за труд и социјална политика

        Трајко Славевски, Министер за финансии

        Бујар Османи, Министер за правда

        Ивица Боцевски, Заменик на претседателот на Владата на Република Македонија

Предмет: Реакција по однос тендерот на Владата на Република Македонија за кампања за објаснување на последицита од абортус и Барање за повлекување на истиот или негово изменување

Почитувани,

             Коалицијата за заштита и промоција на сексуалните и здравствените права на маргинализираните заедници (ХЕРА, ХОПС, МАССО, ЕГАЛ, СТАР, ИЗБОР, ММНШ) реагира по однос објавениот владин тендер за објаснување на последиците од абортус, наоѓајќи го притоа истиот како потенцијален иницијатор на серизно  ограничување на сексуалните и репродуктивни права на жените и контрапродуктивен соогласно препораките дадени во “Стратешката проценка на политиката, квалитетот и пристапот до контрацепција и абортус во Република Македонија“ издаден од страна на Министерството за здравство и Републичкиот Завод за здравствена заштита (Октомври 2008) како владинини институции.

07:03 / Кампањи и активности
0 Likes
15 Jan

„Властите да реагираат против зголеменото насилство“

(Њујорк, 12-ти јануари 2009) - Властите во Хондурас треба целосно да го истражат убиството на Синтија Никол, истакнат трансродов борец за човекови права од Хондурас, и останатите насилства врз трансродовата заедница – објави организацијата Хјуман Рајтс Воч. Убиството на Никол е последното во серија насилни напади врз трансродовите луѓе во Хондурас.  

Засега непознати сторилтели ја убија Никол (32) утрото на 9-ти јануари оваа година. Според сведоштавата на други активисти, три непознати лица возејќи се во син автомобил пукале во Никол. Три куршуми завршиле во градите на жртвата, а еден во главата. Убиството се случило во Comayaguela, град кој се наоѓа во непосредна близина на главниот град на Хондурас.

„Синтија Никол неуморно се бореше за обезбедување на основни права за заштита на трансродовите сексуални работници“ – изјави Јулијана Кано Њето, истражувач  на Програмата за права на ЛГБТ популацијата на Хјуман Рајтс Воч. „Властите треба да ги најдат и приведат сторителите  на ова и на предходните напади врз трансродовата заедница“.


06:26 / Свет
0 Likes
02 Jan

Толеранцијатa може да го намали ризикот од самоубиство кај геј тинејџерите

Геј, лезбејските и бисексуалните тинејџери имаат највисока стапка на обиди за самоубиства како и на други здравствени и псхихички проблеми во кои спаѓа и злоупотребата на психоактивни супстанции. Една нова студија покажува дека со прифаќањето и дури и со неутрална позиција од страна на родителите на сексуалната ориентација на своето дете може да се намали оваа висока стапка.

Во истражувањето објавено во магазинот Педиатрикс се покажало дека оние геј, лезбејски и бисексуални тинејџери кај кои постои најголем ризик од обид за самоубиство и кои имаат други здравствени проблеми спаѓаат во групата чии семејства не ја прифаќале нивната сексуална ориентација.

06:30 / Свет
0 Likes
24 Dec

Програмите за размена на стерилен прибор за инјектирање и супституционата терапија треба да бидат во затворите за да се подобри превенцијата на ширењето на ХИВ

Затворите треба да имаат програми за размена на стерилен прибор за инјетирање, терапија со супститут и други превентивни мерки за превенција на ширење на ХИВ помеѓу затворениците. Ова се заклучоците од истражувањето на д-р Ралф Јургенс, консултант за ХИВ/СИДА во Квебек, Канада и негови колеги од Светската здравствена организација


06:24 / Свет
0 Likes
19 Dec

САД изневери во подржувањето на осудата на анти-гај законите


Единствена помеѓу главните западни нации, САД одби да ја потпише декларацијата која повикува на декриминализација на хомосексуалноста на светско рамниште, а која беше презентирана во четвртокот во Обединетите Нации.

Вкупно 66 од 192 земји членки на Обединетите Нации ја потпишаа необврзувачката декларација – чекор што подржувачите на Декларацијата го гледаат како историски успех во убедувањето на Генералното Собрание да се занимава подлабински со анти-геј дискриминација. Повеќе од 70 ОН земји ја казнуваат хомосексуалноста, а во неколку од нив хомосексуалните акти се казниви со екзекуција.

Ко-спонзорирана од Франција и Холандија, декларацијата беше потпишана од сите 27 членки на Европската Унија, како и Јапонија, Австралија, Мексико и триесетина други земји. Имаше широка опозиција од муслиманските земји, и САД исто така одби да ја потпише, индицирајќи притоа дека одредени делови од декларацијата покренуваат правни прашања коишто треба дополнително да бидат прегледани.


06:50 / Свет
0 Likes
19 Dec

На 17-ти декември, датумот на кој се одбележува Меѓународниот ден на борбата против насилството врз сексуалните работници, беше пуштен во употреба веб сајтот www.services4sexworkers.eu кој содржи датабаза на сервиси достапни за сексуалните работници во 25 европски земји.

Вебсајтот е развиен од европската мрежа ТАМПЕР во која членуваат 26 организации во 25 земји од Европската унија, кои работат со сексуалните работници од 1993, и кои се залагаат за правата на сексуалните работници.

Сајтот им нуди информации на сексуалните, здравствените и социјалните работници за недискриминаторска поддршка која им е на расплагање.

Вебсајтот ќе биде дополнуван со информации во следните недели на повеќе јазици, и ќе содржи информации за законските рамки во повеќето земји.


06:36 / Македонија
0 Likes
18 Dec

ГРУПА СЕКСУАЛНИ РАБОТНИЦИ И НИВНИ ПОДДРЖУВАЧИ ВО МАКЕДОНИЈА ВЧЕРА ГО ОДБЕЛЕЖАА 17-ти ДЕКЕМВРИ, МЕЃУНАРОДЕН ДЕН ЗА БОРБА ПРОТИВ НАСИЛСТВОТО ВРЗ СЕКСУАЛНИТЕ РАБОТНИЦИ

Веќе вторпат оваа година во Македонија, Неформалното здружение на активисти за правата на сексуалните работници во Македонија “СТАР“ и Коалицијата за заштита и промоција на сексуалните и здравствените права на маргинализирани заедници, го одбележаа Меѓународниот ден за борба против насилството врз сексуалните работници.


05:02 / Македонија
0 Likes
17 Dec

17ти Декември Меѓународен ден против насилството врз сексуалните работници
 
На овој ден сексуалните работници, нивните поддржувачи и активисти за човекови права ширум светот се собираат и организираат за да укажат на кривичните дела од омраза извршени врз сексуалните работници и да им оддадат почит на жртвите на насилството.

Иницијативата за одбележување на овој ден потекнува од Ани Спринкл (проститутка/порно ѕвезда која подоцна станува сексолог) и Sex Workers Outreach Project USA  како помен и мирен протест во име на жртвите на Убиецот од Грин Ривер во Сиетл, Вашингтон, кој на 18ти Декември 2003 е осуден на 48 доживотни казни затвор и по 10,000 $ за секоја убиена сексуална работничка.


05:01 / Македонија
0 Likes
16 Dec

Ве молиме да го потпишете и препратите ова протестно писмо упатено до минситерката и заменикот министер за внатрешни работи, раководителот на Секторот за внатрешна контрола, министерот за здравство и народниот правобранител во врска со неодамнешниот  случај на приведување на група на сексуални работници.


Властите во Република Македонија неколку пати застанаа во одбрана на полицијата која во овој случај изврши кршење на дел од човековите права на приведените лица, и со тоа намерно придонесоа во создавањето на клима во која владее нетолеранција која ќе го зголеми ризикот за понатамошни прекршувања вклучувајќи го и насилството врз сексуалните работници.


Испратете го вашето име, позиција и името на вашата организација до 16 декември на емејл адресата  schu@aidslaw.ca. Писмото ќе биде испратено на 17 декември, на Меѓународниот ден против насилството врз сексуалните работници.

Симнете го писмото овде.


06:32 / Македонија
0 Likes
15 Dec

Објавено е есенското издание на билтенот на Мрежата на организации кои работат на застапување на правата на сексуалните работници (SWAN).

Од билтенот издвојуваме:

Во фокус : Македонија: Полициски рации, приведувања, принудни СПИ тестови.

Повеќе од 30 сексуални работници, клинети, посредници и еден социјален работник на ХОПС, членка на СВАН, беа приведени во масовна рација. Сексуалните работници биле приморани да направат СПИ тестирања, а граѓанскиот сектор тврди дека имaло сериозни прекршувања на човекови права.

На сексуалните работници во Македонија им е потребана вашата помош: Потпишете го Отвореното писмо до македонската Влада.

Реакција на сексуалните работници и застапниците за нивните права: Што беше сторено?

ЛИНК до Билтенот
05:10 / Свет
0 Likes
05 Dec

СВАН – Мрежа за промоција на правата на сексуалните работници во Централна и Источна Европа и Централна Азија

Отворено писмо до македонската влада по однос на притворот, присилното тестирање и тужбите поднесени против сексуалните работнички во Македонија во ноември, 2008

 

 

Будимпешта, 5ти декември 2008-12-08

 

Почитувани:

 

Г-ѓо Гордана Јанкулоска, Министер за внатрешни работи,

Г-ѓо Анета Станчевска, Вице-Премиер за внатрешни работи и главна на Секторот за внатрешна контрола

Г-дине Иџет Мемети, Народен правобранител

Г-дине Бујар Османи, Министер за здравство

 

Ние, поддржувачи и претставници на интернационалната заедница на сексуални работници и организации и индивидуалци кои ги промовираат човечките права, најостро ги осудуваме актуелните полициски акции и присилното тестирање за СПИ на сексуални работнички во Скопје, Македонија, во ноември 2008.


05:37 / Македонија
0 Likes
03 Dec

Свет

Првите програми со концепт за намалување на штетите се започнати во првата половина и кон средината на ХХ век. Во 1920 година група лекари во Велика Британија доаѓаат до заклучок дека одржувањето со лекови е еден од можните третмани кои се неопходни за да им се помогне на лицата кои употребуваат дроги да водат функционален и стабилен живот. Подоцна во 1950-60-тите години почнува да се применува супституциона терапија со метадон за корисниците на опијати.
Првите програми за намалување на штети се појавуваат на почетокот на 80-тите години на ХХ век во Велика Британија, Холандија и некои држави на САД како одговор на хероинската епидемија и ризикот од проширување на ХИВ/СИДА, хепатитис и други сексуално и крвно преносливи инфекции. Од тој момент програми за намалување на штети почнуваат да се отвораат низ цел свет, а со тоа се појавува и потребата за подобро организирање на меѓународно ниво. Така, во 1990 година, на Првата меѓународна конференција во Ливерпул, Велика Британија, започнува “Движењето за намалување на штетите од употреба на дроги.


06:50 / КД Регион/свет
0 Likes
03 Dec

Концептот на намалување на штети во Македонија почнува да се применува во почетокот на 80-тите години на ХХ век, со примена на метадонот при третман на мала група лица зависни од опијатни дроги, во ЈЗО Психијатриска болница “Скопје”, Скопје. Овој третман како организирана програма почнува да работи во 1994 година, како Центар за превентива и третман на злоупотреба и зависност од дроги во Кисела Вода, во рамките на ЈЗО Психијатриска болница “Скопје”, Скопје.
Како надополнување на работата на Центарот во Кисела Вода, во 1995 година се формира здружението на граѓани Доверба чија мисија е унапредување на лекувањето, рехабилитацијата и ресоцијализацијата на лицата зависни од дроги и други психоактивни супстанции.

Првата програма за размена на прибор за инјектирање е отворена како проект на Фондацијата Институт отворено општество - Македонија, инициран од самите лица кои употребуваат дроги, под името М.А.С.К.А. Веќе од следната 1997 година овие активности ги продолжува ХОПС - Опции за здрав живот од Скопје. Во 2000 и 2001 година се отвораат нови програми за размена на прибор за инјектирање, Избор во Струмица и Виа Вита во Битола. Во текот на 2005 година се отворени уште пет програми за размена на прибор за инјектирање: ХОПС - Куманово во Куманово, Младински клуб во Штип, Зона-Кавадарци во Кавадарци, Опција - Охрид во Охрид и Хелп во Гостивар.

Како резултат на многубројните и разновидни активности наменети за целните групи, програмите за намалување на штетите успеваат да остварат поширока соработка со други институции и организации, во национални и регионални размери и да ја промовираат политиката на намалување на штети. Во 2003 година програмите за намалување на штети се вклучуваат во Националната стратегија за ХИВ/СИДА на Република Македонија. Во јуни 2005 година е формирана Македонската мрежа за намалување на штети во која членуваат повеќе организации, институции и стручни лица кои се занимаваат со намалување на штети, превенција на ХИВ/СИДА и човекови права.
06:46 / КД Македонија
0 Likes
03 Dec

 Намалување на штети

Под намалување на штети се подразбира збир на политики, стратегии и активности кои се стремат да ги намалат штетните последици од употреба на дроги и други психоактивни супстанции врз лицата кои употребуваат дроги, нивните семејства и пошироката општествена заедница. Главното делување е насочено кон неколку основни аспекти кои директно се поврзуваат со употребата на дроги и други психоактивни супстанции:

Здравствени (превенција на ХИВ/СИДА, хепатитис Б, Ц, предозирање, зависност, други здравствени проблеми)§
Социјални (здравствено осигурување, социјални услуги, семејство, заедница)§
Економски (подобрување на економската состојба)§
Правни (човекови права, намалување на криминално однесување)§
Останати последици поврзани со употребата на дрога§

Намалување на штетите е еден од трите комплементарни пристапа врзани за употребата на дрогите, во кои спаѓаат и намалување на понудата и намалување на побарувачката на дрога. Концептот на намалување на штети постојано се проширува и се стреми да опфати и други општествено-маргинализирани и ранливи групи како: комерцијални сексуални работници/чки, луѓе во затвори, луѓе кои живеат со ХИВ/СИДА, мажи кои имаат секс со мажи, ЛГБТ (лезбејки - геј - бисексуалци - трансексуалци).

Принципи

• Главен акцент на прагматични цели. Да се прифати фактот дека дрогите постојат и дека постојат луѓе кои употребуваат дроги кои можат и имаат право да побараат и да добијат помош која одговара на нивните специфични потреби.
• Воспоставување на хиерархија на ризици и краткорочни цели. Намалувањето на штетите воспоставува хиерархија од мали и лесно остварливи чекори кои, доколку се реализираат еден по еден, би воделе кон поздрав живот на корисниците, а и кон поздрава заедница .
• Употреба на повеќе различни стратегии. Не постои единствен пристап кој би бил соодветен за сите. Се вклучуваат стручни лица од различни области кои ќе имплементираат разновидни стратегии за намалување на штетите од употребата на дроги.
• Вклучување на лицата кои употребуваат дроги во самите активности. Активното учество на лицата кои употребуваат дроги е во срцето на програмите за намалување на штетите од употреба на дроги. Тие се незаменлив извор на информации, свесни се за потребите на целната група и имаат лесен пристап до други лица кои употребуваат дроги.
• Почитување на човековите права. Програмите за намалување на штети се залагаат за дестигматизација и ресоцијализација на лицата кои употребуваат дроги и почитување на нивните права на здравствено и социјално осигурување, слободно движење, самоизразување и животен стил и воопшто, правата кои ги има секое човечко битие. Игнорирањето и прекршувањето на нивните човекови и граѓански права, покрај тоа што е противзаконско, ги оневозможува ефикасните интервенции за превенција употребата на дроги и на ХИВ/СИДА, хепатитис и други сексуално и крвно преносливи инфекции.

Програми и интервенции за намалување на штетите

• Достапност и размена на стерилен прибор за инјектирање.
• Супституциски третман.
• Теренска работа и едукација.
• Депенализација на употребата на дроги.
• Медицинска и социјална помош.
• “Ран систем за предупредување” и тестирање на дрогите и психоактивните супстанции.
• Програми за алкохол.
• Програми за никотин.
• Мотивациско интервју.

Историски развој на Програмите за намалување на штети

Свет

Првите програми со концепт за намалување на штетите се започнати во првата половина и кон средината на ХХ век. Во 1920 година група лекари во Велика Британија доаѓаат до заклучок дека одржувањето со лекови е еден од можните третмани кои се неопходни за да им се помогне на лицата кои употребуваат дроги да водат функционален и стабилен живот. Подоцна во 1950-60-тите години почнува да се применува супституциона терапија со метадон за корисниците на опијати.
Првите програми за намалување на штети се појавуваат на почетокот на 80-тите години на ХХ век во Велика Британија, Холандија и некои држави на САД како одговор на хероинската епидемија и ризикот од проширување на ХИВ/СИДА, хепатитис и други сексуално и крвно преносливи инфекции. Од тој момент програми за намалување на штети почнуваат да се отвораат низ цел свет, а со тоа се појавува и потребата за подобро организирање на меѓународно ниво. Така, во 1990 година, на Првата меѓународна конференција во Ливерпул, Велика Британија, започнува “Движењето за намалување на штетите од употреба на дроги.

Република Македонија

Концептот на намалување на штети во Македонија почнува да се применува во почетокот на 80-тите години на ХХ век, со примена на метадонот при третман на мала група лица зависни од опијатни дроги, во ЈЗО Психијатриска болница “Скопје”, Скопје. Овој третман како организирана програма почнува да работи во 1994 година, како Центар за превентива и третман на злоупотреба и зависност од дроги во Кисела Вода, во рамките на ЈЗО Психијатриска болница “Скопје”, Скопје.
Како надополнување на работата на Центарот во Кисела Вода, во 1995 година се формира здружението на граѓани Доверба чија мисија е унапредување на лекувањето, рехабилитацијата и ресоцијализацијата на лицата зависни од дроги и други психоактивни супстанции.
Првата програма за размена на прибор за инјектирање е отворена како проект на Фондацијата Институт отворено општество - Македонија, инициран од самите лица кои употребуваат дроги, под името М.А.С.К.А. Веќе од следната 1997 година овие активности ги продолжува ХОПС - Опции за здрав живот од Скопје. Во 2000 и 2001 година се отвораат нови програми за размена на прибор за инјектирање, Избор во Струмица и Виа Вита во Битола. Во текот на 2005 година се отворени уште пет програми за размена на прибор за инјектирање: ХОПС - Куманово во Куманово, Младински клуб во Штип, Зона-Кавадарци во Кавадарци, Опција - Охрид во Охрид и Хелп во Гостивар.
Како резултат на многубројните и разновидни активности наменети за целните групи, програмите за намалување на штетите успеваат да остварат поширока соработка со други институции и организации, во национални и регионални размери и да ја промовираат политиката на намалување на штети. Во 2003 година програмите за намалување на штети се вклучуваат во Националната стратегија за ХИВ/СИДА на Република Македонија. Во јуни 2005 година е формирана Македонската мрежа за намалување на штети во која членуваат повеќе организации, институции и стручни лица кои се занимаваат со намалување на штети, превенција на ХИВ/СИДА и човекови права.

КОРИСТЕНА ЛИТЕРАТУРА

Влатко ДЕКОВ ет ал.
Намалување на штети и ХИВ. Прирачник. Скопје: ХОПС - Опции за здрав живот, 2006.

Harm Reduction: A British Columbia Community Guide, Ministry of Health, 2005.


06:41 / КД Дефиниции
0 Likes