Author: admin

22 Aug

23-годишниот Kинез кој се има заразено со вирусот СИДА во неговата младост преку трансфузија на крв и кои оттогаш активно учествува во кампањите за правата на лицата кои живеат со ХИВ/СИДА, беше лишен од слобода минатата сабота.

Tian Xi, кој им се пожалил на другите активисти дека неговите постојани протести ги налутиле властите во Кина, беше притворен во вторникот во болница во градот Henan кој се наоѓа во провинцијата Xincai и потоа бил одведен на непозната локација.

Tian лобираше за надомест на штета на илјадниците Kинези кои како него самиот, се имаат заразено со ХИВ преку инфицирани резерви на крв.

Властите во Кина велат дека најмалку 740.000 луѓе живеат со ХИВ, но активистите велат дека реалните бројка е далеку повисока.

07:26 / Свет
0 Likes
14 Aug

Врховниот суд  во Мексико донесе одлука за признавање на истополвите бракови кои се извршени во Мексико Сити, главниот град на државата. Ова значи дека со оваа одлука секоја од 31-та различни држави во Мексико ќе мора да ги признаат сите геј бракови од Мексико Сити.

Со одлуката не се бара од другите Мексикански држави да дозволат усвојување на истополвите бракови.

Во Врховниот суд се гласаше 9-2  ко корист на одлуката за прифаќање на истополовите бракови од Мексико Сити на национално ниво. Судот наведе уставен закон со кој се бара да се признаваат правните договори основани надвор од границите на сојузините држави.

Како и Вашингтон, главниот град на Мексико е правно одвоен од другите сојузни држави.

Во март, законот за истополови бракови беше усвоен од страна на федерален округ на Мексико Сити, давајќи им ги истополовите парови сите права коио ги уживаат хетеросексуалните парови - вклучувајќи заедничко социјално осигурување и право да посвојуваат деца.


10:27 / Свет
0 Likes
06 Aug

Амандманот 8, кој престауваше деликатна изборна тема, беше одобрен во Калифорнија во ноември 2008-та година со 52 проценти „за„ од вкупниот број на гласови. Гласачите излегоа на референдум, откога државниот Врховен суд донесе одлука со која се дозволуваат истополовите бракови.

Застапниците на истополовите бракови беа воодушевени од одлуката на судот, а противниците покренаа обвиненија за т.н. судски активизам од страна на американскиот Окружен судија Вон Вокер, републиканец кој исто така е отворено геј.

"Хетеросексуалните бракови не се подобри од истополовите,како партнери, истополовите и хетеросексуалните двојки се еднакви", напиша Walker во неговата одлука.

На геј луѓето и на лезбејките не им е дозволено да се венчаат се додека трае  процесот на жалби. Случајот ќе оди на Апелациониот суд, а можеби и на крајот ќе стигне и до американскиот Врховен суд.

11:45 / Свет
0 Likes
30 Jul

Постојат сериозни проблеми во Фиџи поради зголемувањето на бројот на ХИВ-СИДА позитивни случаи и преставниците на Министерството за здравство ги повикуваат жителите да преземат акција и да се спречи ширењето на смртоносниот вирус, откако оваа година на тестовите, три новородчиња се покажале како ХИВ позитивни.

Портпаролот на Министерството за здравство на Фиџи, Peni Namotu, во четвртокот за локалните медиуми изјави дека Министерството сака да ги вклучи сите, и верските организации, и наставниците и родителите, да се преземе акција и да се осигура дека луѓето употребуваат превентивни мерки.

Само минатата година, имаше 43 нови случаи и ова беше еден алармантен податок за население кое брои нешто повеќе од 850.000 луѓе. Најновите статистички податоци покажуваат 21 нови ХИВ позитивни случаи до месец јуни оваа година, со што вкупниот број ХИВ позитивни случаи е 354 лица.

Исто така, се сугерира дека училишниот систем мора да ги имплеметира програмите за сексуална образование и кај помалдите ученици.

11:12 / Свет
0 Likes
26 Jul

Мината сабота во Тел Авив се одржа марш за одбележување на годишнината од вооружениот напад на геј младински центар во градот, во кој загинаа двајца, а 13 лица беа повредени.

Следнот месец делегација на лицата кои биле повредени во пукањето ќе се приклучи на делегацијата на службениците од градот Тел Авив и општините, и израелски претставници на полицијата на средбата во Берлин со претставници на Maneo, група која обезбедува поддршка за геј и бисексуалните мажи кои биле жртви на насилство, со членови на Берлинската полицијата, со германски парламентарци и официјални челници во Берлин.

Берлинскиот модел беше усвоен од страна на други европски градови, како Барселона. Тој се заснова на соработка помеѓу Maneo и властите, особено со полицијата, која има два службеника кои работат со геј заедницата за да се справат со хомофобичните злосторства.

Доколку моделот е донесен во Израел, Hoshen, која претставува работна група за промена на стереотипите во врска со хомосексуалноста и бисексуалност, и спроведува  тренигнзи за професионалци за прашања кои се однесуваат на ЛГБТ луѓето, ќе ја преземе улогата на Maneo.

10:33 / Свет
0 Likes
20 Jul

НВО ХОПС ДОБИ НАГРАДА ОД ОБЛАСТА НА ХИВ И ЧОВЕКОВИТЕ ПРАВА
Застапници на правата на сексуалните работници и корисниците на
дрога беа наградени на Меѓународната конференција за СИДА


(Виена, 20 јули, 2010 година) — ХОПС – Опции за здрав живот е добитник на
Меѓународната Награда за ХИВ/СИДА и Човекови Права за 2010 година, објави денес
Канадската Правна Мрежа за ХИВ/СИДА и Хјуман Рајтс Воч (Human Rights Watch).
Наградата со која се одликуваат извонредни поединци и организации кои работат на
заштита на правата и достоинството на луѓе кои се под ризик или влијание на
ХИВ/СИДА, беше доделена во Виена на 20 јули, 2010 година, на XVIII Меѓународна
Конференција за ХИВ/СИДА.

“Сексуалните работници секојдневно се соочуваат со прекршувања на нивните
човекови права, вклучувајќи и дискриминаторско одбивање на здравствени услуги,
произволни приведувања од страна на полицијата, малтретирање, и сексуално и
физичко насилство,” рече Ричард Елиот, извршен директор на Канадската Правна
Мрежа за ХИВ/СИДА (www.aidslaw.ca). “Оваа награда го потврдува огромниот
придонес на ХОПС во потрагата по правда за сексуалните работници и во
подобрувањето на нивниот пристап до здравствени, социјални и правни услуги.”
Почнувајќи од 1997 во Скопје, ХОПС ја отвара првата програма за размена на опрема
за инјектирање во Македонија. Оттогаш, успешно спроведува неколку програми за
намалување на штети, на тој начин спречувајќи го ширењето на ХИВ/СИДА и други
сексуално и крвно преносливи инфекции. Ја поддржува и социјалната реинтеграција и
ре-социјализација на младите и ранливите групи како што се корисниците на дрога,
сексуалните работници и нивните семејства.

08:25 / Македонија
0 Likes
20 Jul

Групата за човекови права Intact America (IA), во соработка со Меѓународната коалиција за генитален интегритет (ICGI), имаа свое излагање на AIDS 2010-конференцијата во Виена, на кое остро се спротиставија на промовирањето на обрежувањето како средство за превенција од ХИВ.

"Промоцијата на машкиот сунет испраќа погрешна порака, се создава лажно чувство на заштита, и ги изложува жените на поголем ризик од ХИВ. Мажите чекаат на ред да се обрежат, верувјќи дека тие веќе нема да треба да користат кондоми ", рече Georganne Chapin, директорката на Intact America. "Тоа е загрижувачки што ограничените ресурси ќе се потрошат на овој вид на превенција, а новото истражување покажува дека употребата на антиретровирусна терапија (ART) го намалува ширењето на заразата до 92 проценти. Нашите ресурси треба да бидат посветени на антиретровирусна терапија, и на програми со кондоми и вакцини.

Одредена етичка загриженост преставува и неодамнешниот притисок за извршување на сунет на мали деца како превенција на ХИВ. Неонаталниот сунет го уништува ерогеното ткиво и  ги става новороденчињата во непосреден ризик од инфекција, крварење, оштетување на пенисот, па дури и смрт.


08:11 / Свет
0 Likes
16 Jul

Аргентина стана првата земја во Латинска Америка која ги легализира геј браковите, откако во Сенатот на аргентинскиот парламент по 14-часовна жестока дебата беше одобрено донесувањето на законот за брачна заедница меѓу партнери од ист пол.
 
Донесувањето на законот беше поддржано од централно-левичарската влада на претседателката Кристина Фернандез со 33 гласови “за“, 27 гласови “против“ и тројца воздржани, а Католичката црква и другите религиозни групи остро се спротивставија на неговото донесување.

Граѓанските заедници меѓу партнери од ист пол веќе се легализирани во Уругвај и во некои од државите на Бразил и Мексико.

08:41 / Свет
0 Likes
27 Jun

Владата на шпанската покраина Каталонија покрена истрага за клиника во Барселона која наводно нудела третмани за лекување од хомосексуалност.

Поликлиниката Тибидабо, во главниот град на Каталонија, како што јавуваат шпанските медиуми, нуди таблети и психијатриски третмани кои хомосексуалците треба да ги „извади на прав пат“.

„Покрената е истрага за работата на клиниката“, изјави портпаролот на канцеларијата за здравство на регионалната влада, додавајќи дека оттаму сметаат оти хомосексуалноста не е болест.

Клиниката се соочува со парична казна доколку се утврди дека навистина нудела такви третмани.

Хомосексуалноста во Шпанија е легализирана набрзо по смртта на диктаторот, генералот Франциско Франко во 1979 година


05:59 / Свет
0 Likes
17 Jun

Денес, 17-ти јуни, во 11.00 часот во просториите на Клубот ГЕМ беше одржана прес конференција по повод вршењето и поттикнувањето на дискриминација и ширењето на говор на омраза забележано на најавниот материјал (постери и интернет страна) за 6-от поред интернационален МОТО Фестивал.

Збор на Конференцијата зедоа Славчо Димитров (Коалиција за сексуални и здравствени права на маргинализирани заедници), Наташа Бошкова (Правен застапник за Коалицијата), Мирјана Најчевска (Центар за човекови права и разрешување на конфликти), Кочо Андоновски (Македонски Хелсиншки Комитет) и Жарко Трајаноски (Експерт за човекови права и демократија).

Учесниците на пресот нагласија дека ваквиот акт претставува репрезентативен пример на вршење на дискриминација, не само врз луѓето со нехетеросексуална ориентација, туку воопшто и врз други групи на луѓе, како и атеистите и анти-теистите. Имено, на постерот за фестивалот експлицитно напоменатио стои дека присуството на фестивалот е забрането за: Алкохол, Дрога, Оружје, Животни, 666 и Педераси. Со овој акт се прекршува како Уставот на РМ, така и серија други законски одредби, вклучително со новодонесениот Закон за недискриминација.

Најзагрижувачки е фактот дека веднаш под дискриминаторскиот текст, стојат логоата и на Златен даб и Град Скопје како главен спонзор на фестивалот. Откако Коалицијата за сексуални и здравствени права поднесе иницијатива до Народниот правобранител, од канцеларијата на истиот е поднесена иницијатива за преиспитување на постапката до Град Скопје. После разговори и со претставници на Градот Скопје, истите излегоа со соопштение до јавноста (http://www.skopje.gov.mk/ShowAnnouncements.aspx?ItemID=3442&mid=482&tabId=1&tabindex=0). Јавно се оградија и од Прилепскла пивара кои ја осудуваат дискриминацијата од секаков вид.

На прес конференцијата беше поздравена одлуката и соопштенијата како на Град Скоје, така и на Прилепска пивара. Сепак, побарано е од истите целосно да го повлечат своето лого од постерите и да го повлечат своето спонзорство на фестивалот и на тој начин да го спречат ширењето на дискриминацијата кое со овој постер продолжува и после нивните значајни Соопштенија. Ова е посебно очекувано од Град Скопје кој мора јасно, експлицитно и одлучно да застене во борба против дискриминацијата и во нејзиното спречување, односно превенирање.

На прес конференцијата беше упатен апел и до сите учесници на Фестивалот. Имено, со само учество на фестивалот истите ја подржуваат дискриминацијата и од овие прицини беше упатен јавен повик до сите нив одговорно да го повлечат своето учество и со тоа да застанат против дискриминацијата. Истиот апел беше упатен и до сите граѓани на РМ и градот Скопје, кои во овој момент треба да потврдат дека Скопје е град на солидарноста, а дека истите ги застапуваат принципите на еднаквост, недискриминација и човекови права подеднакво за сите.

05:19 / Македонија
0 Likes
14 Jun

Децата од лезбејски родители се подобри од нивните врсници според резултатите од академските и социјалните тестови - ова е исходот на најдолготрајнито истражување на истополовите семејства.

Истражувачите на National Longitudinal Lesbian Family Study велат дека резултатите треба да се влијаат на менувањето на ставовите за посвојување на деца од геј и лезбејски двојки, што е забрането во некои делови на САД.

Ова откритие е се основа врз истражувањето на 78 деца кои биле родени од лезбејски мајки, кои користеле вештачко оплодување и биле интервјуирани и тестирани на 17-годишна возраст.

Новите тестови не оставаат сомнеж за успехот на овие двојки како родители, вели Nanette Gartrell од Универзитетот на Калифорнија, Сан Франциско, која има работено на студијата од самиот почеток на истражувањето во 1986 година.

07:06 / Свет
0 Likes
11 Jun

До: Уредничка редакција на дневниот весник “Вест“

Почитувани,
Во четвртокот, 10.06.2010, во вашиот дневен весник е објавена статија со наслов “На курвите им падна цената: Економската криза во Македониајa го погоди и најстариот занает“, кој истовремено е објавен и на насловната страна на весникот.

Коалицијата за сексуални и здравствени права на маргинализираните заедници остро реагира на објавениот текст, односно објавениот наслов кој ја следи и репродуцира непрофесионалната логика на медиумски сензационализам и кој употребува стигматизирачка, дискриминирачка и навредлива терминологија. Користењето на терминологија од ваков тип е во спротивност со Етичкиот кодекс на Здружението на новинари на РМ, но и со одредбите на Европската Асоцијација на новинари. Исто така, употребата на дискриминаторскиов термин е во спротивност со основното право на сите луѓе и заедници да се самоопределуваат и самоименуваат.

05:31 / Македонија
0 Likes
07 Jun

Предмет: Реакција во врска со написот „Кондомите предизвикуваат рак на дојката!?“, број 162, од 25.5.2010, потпишан од Наташа Црвенковска

Со ова писмо поднесуваме остра реакција во врска со написот „Кондомите предизвикуваат рак на дојката!?“, број 162, од 25.5.2010, потпишан од Наташа Црвенковска објавен на насловната страна.

Го поздравуваме изборот на вашата редакција да покрие тема од областа на сексуално и репродуктивното здравје, со цел да се подигне свеста за ракот на дојката и да ја стимулира употребата на орална контрацепција. Сепак со ексклузивното и сензационално истакнувањето на ставовите на д-р Ѓоргов „Глобус“ испраќа целосно грешна и опасна порака.

Во земја во која:

- само 34,4% од младите користеле кондом при својот последен сексуален однос[1]

- младите немаат соодветен пристап до услуги за сексуално и репродуктивно здравје

- не постојат соодветни информации за првиот сексуален однос и начините за заштита од сексуално преносливите инфекции во образовниот систем

- превладуваат предрасудите дека македонската нација е здрава и дека сите инфекции асоцирани со сексуалноста доаѓаат од странство

- 1,6 од девојките на возраст од 15 до 19 години користат орална контрацепција[2]

- речиси не постојат квалитетни бесплатни кондоми

испраќате порака со која што го практично ја сатанизирате употребата на кондомот и со тоа учествувате во поттикнување на трендот на ризично сексуално однесување.


06:55 / Македонија
0 Likes
04 Jun

Според нов извештај  секоја година се извршуваат  стотици егзекуции на корисинци на дрога, а вистинската бројка би можела да биде повеќе од 1.000, бидејќи некои земји не ја откриваат  вистинската бројка на извршени смртнати казна.

Но, ИХРА, Меѓународната асоцијација за намалување на штети, вели дека бројот на државите кои извршуваат смртни казни за прекршоци поврзани со дрога се во опаѓање.

Според ИХРА, дури и Малезија и Сингапур - познати  по историјата  на смртни казни на престапници поврзани со дрога  - во голема мера го намалиле бројот на егзекуции

Од 32-те држави ширум светот кои имаат законска регулатива која дозволува смртна казна за кривични дела поврзани со дрога, се вели во извештајот, Кина, Иран, Саудиска Арабија, Виетнам, Сингапур и Малезија се земјите кои најмногу ја практикуваат оваа казна. Во Иран, 172 престапници биле егзекутирани во 2009 годинa.

06:48 / Свет
0 Likes
27 May


Конгресот на САД ќе одлучува за тоа дали да се им овозможи на геј луѓето отворено да служат во војската.

Утрово се очекува гласањето по предлог од страна на сенаторот Патрик Марфи, од Пенсилванија - демократ кој служел во војната во Ирак, со кој би се укинал законот од 1993 година познат како "не прашувај, не кажувај“ закон.

Новиот закон, кој претставува компромис со Белата куќа и со кој се согласува и Одделот за одбрана, на војската ќе и даде онолку време колку и е потребно, пред да ја укине забраната.

Според законот, претседателот, секретарот за одбрана и претседателот на Генерал штабот, најпрво мораат да потврдат дека новата политика нема да и наштети на воената способност на војската.

Застапниците на новиот закон се надеваат позитивната клима во Сенатот ќе се пренесе и во Конгресот, каде што неколку конзервативни демократи - вклучително и Џин Тејлор од Мисисипи - се заканија дека ќе се спротивстават на укинувањето на оваа одредба.

03:00 / Свет
0 Likes
22 May

Коалицијата за заштита и промоција на сексуалните и здравствените права на маргинализираните заедници денес, 17-ти мај, одржа прес конференција на отворен простор во Паркот на Жената борец веднаш наспроти Собранието на Република Македонија, местото во кое беше изгласан дискриминаторскиот закон за недискриминација. Одржувањето на е мотиварано од Интернационалниот ден против хомофобија –ИДАХО.

Збор на прес конференцијата зедоа: Славчо Димитров, Кординатор на Коалиција за заштита и промоција на сексуалните и здравствените права на маргинализираните заедници, Жарко Трајаноски, Консултант на Коалицијата за човекови права, и Мирјана Најчевска, експерт за човекови права и претседател на Центар за човекови права и разрешување на конфликти 

Прес конференцијата беше надополнета со свечено објавување на добитниците на благодарници за посебен придонес во борбата против хомофобијата. Благодарница за посебен придонес во развојот на геј порно естетиката му бесе упатена на Драган Павловик Латас; Пофалница за најнадежен студент во областа на правото на "еротската унија" му беше доделена на Влатко Горчев; Благодарница за посебен придонес во развојот на феминистичката мисла и движење во Македонија и беше упатена на Косана Николиќ-Мазнева, и Благодарница за посебен придонес во враќањето на 19-век-овините принципи во Психијатријата-за Доктор Јован Гинев.

На крајот на прес конференцијата во небото на Скопје беа пуштени 100 балони во боја на виножите како симбол за славење на слободата, различностите и еднаквоста.


Секоја година, на 17-ти мај, Интернационалниот ден против хомофобија и трансфобија, ги потсетува сите грагани во светот дека постои огромна потреба за преземанје на акција. Во повеќе од 80 земји ширум светот, хомосексуалните акти се сеуште нелегални. Во одредени ситуации истите законски се казнуваат и со доживотен затвор. Во седум земји сеуште се применува и смртната казна. Во земјите во кои хомосексуалноста не е нелегална, дискриминацијата и физичките напади се сеуште чести појави. Иако во некои земји може да се забележи значаен прогрес, истиот е под постојана закана. Во Македонија новодонесениот закон за спречување и заштита од дискриминација ја исклучи сексуалната ориентација како експлицитно вброен основ за забрана од дискриминација. Истиот закон во последниве неколку месеци бесе искористен за интензивирање и зачестување на хомофобични искази и дискриминација.

Во прилог ви го доставуваме и линкот од видео обракањето на Претстедателот на Европскиот Парламент, Jerzy Buzek: http://www.ilga-europe.org/media_library/ilga_europe/news_item_files/video_message_from_the_president_of_the_european_parliament_jerzy_buzek


12:56 / Македонија
0 Likes
14 May

Коалицијата за заштита и промоција на сексуалните и здравствените права на мргинализираните заедници има за чест да ве покани на прес конференција која ќе се одржи на 17-ти мај, во 12.30 ч, на отворен простор во Паркот на Жената борец веднаш наспроти Собранието на Република Македонија. Одрзувањето на прес конференцијата е по повод Интернационалниот ден против хомофобија –ИДАХО.

Прес конференцијата ќе биде надополнета со специјален краток настан на истата локација, како и со свечено прогласување на наградите на одредени поединци за посебен придонес во борбата против хомофобијата.


Секоја година, на 17-ти мај, Интернационалниот ден против хомофобија и трансфобија, ги потсетува сите граѓани во светот дека постои огромна потреба за преземање на акција. Во повеќе од 80 земји ширум светот, хомосексуалните акти се сеуште нелегални. Во одредени ситуации истите законски се казнуваат и со доживотен затвор. Во седум земји сеуште се применува и смртната казна. Во земјите во кои хомосексуалноста не е нелегална, дискриминацијата и физичките напади се сеуште чести појави. Иако во некои земји може да се забележи значаен прогрес, истиот е под постојана закана. Во Македонија новодонесениот закон за спречување и заштита од дискриминација ја исклучи сексуалната ориентација како експлицитно вброен основ за забрана од дискриминација. Истиот закон во последниве неколку месеци беше искористен за интензивирање и зачестување на хомофобични искази и дискриминација.


Ве покануваме сите заедно да го одбележиме овој ден и заедно да застанеме во борбата против насилството, хомофобијата и загрозувањето на основните принципи на демократијата и човековите права.Се надеваме дека ќе ни се приклучите на овој скромен, но исклучително значаен настан.


05:30 / Македонија
0 Likes
27 Apr

Порториканската полиција врши истрага, откако жена трансвестит беше пронајдена мртва во нејзиниот дом минатата недела. Ashley Santiago Ocasio, 31 годишна сопственичка на салон за разубавување, била застрелана во главата во градот Corozal минатата недела. Незиниот автомобил е исчезнат, иако нема траги од  насилно влегување во нејзиниот дом.

Минатиот ноември, телеото на Jorge Steven Lopez Mercado беше најдено изгорено во распаѓање покрај пат во градот Cayey. Деветнаесетгодишниот геј бил познат како крос-дресер и ноќта кога е убиен бил виден облечен како жена како влегува во колата на некое машко лице.

Осомничениот се терети за убиство од прв степен за убиството на Lopez.  Меѓутоа нема да му се суди за злосторство од омраза.


06:05 / Свет
0 Likes
21 Apr

Во тек е кампањата за намалување на стигма кон корисници на дрога


Минатиот понеделник започна кампањата за намалување на стигма и  дискриминација кон лицата кои употребуваат дроги, како дел од годишната програма за работа на Локалниот експертски центар за дроги.


Кампањата стваруваше со поставување на постери на автобусите на Јавното сообраќајно претпријатие „ЈСП“- Скопје, прикажување проекции на постери на јавни ѕидни површини во центарот на градот, поставување на билборди на велосипеди кои ќе се движат на различни локации, итн.


Завршниот настан на кампањата ќе биде проследен со проекции на постерите и прикажување на театарска претстава на тема „Стигма“, во организација на театарска група „Сенки и облаци.“


07:07 / Македонија
0 Likes