World

19 May

Нов Зеланд се смета за една од првите земји во светот која има воведено размена на прибор за инјектирање, сервис преку кој корисниците на дрога кои инјектираат можат да го заменат своите шприцеви и игли за нови, стерилни. Деневиве се одбележува 21-годишнина од првичното воведување.

Кога екипата на Nightline пристигна во центарот за размена на прибор Wellington, од почетокот на денот веќе 500 корисници поминале во центарот да разменат прибор, а сеуште не е беше поминатапобладневниот метеж.

„ Стереотипот за валкан „џанкер“ сеуште постои, но мислам дека е далеку од реалната престава“ – вели менаџерот на центарот Charles Henderson. 

06:17 / World
0 Likes
17 May

Полицијата во Русија го растури протестот на активистите за права на гејовите во Москва, чија цел беше да привлече внимание поради забраната на геј парадата која требаше да се одржи за време на Евровизискиот избор на песна.

Околу 30 лица биле собрани во близина на универзитотот за да изразат протест кон забраната на геј парадата во Москва. Повеќето од нив биле одвлечкани од полицијата за време на скандирањето на слогани. Британскиот активист за геј права, Peter Tatchell, беше еден од приведените.

Контра-протестот на националистичките и религиозните групи не беше попречен од властите и се одржа во друг дел на руската престолнина.

Групата која протестираше за геј права, вееше знамиња и скандираше слогани во кои се бараа еднакви права и се осудува третманот на гејовите и лезбејките во Русија.

Најмалку 20-тина беа уапсени кога полцијата го разбивала протестот.

11:28 / World
0 Likes
12 May

Њујорк, САД – Римокатоличкиот архибискуп Rembert Weakland, кој се повлече од служба во 2002-та поради финансиски и секс скандал, напиша мемоари во кои зборува за својата борба во врска со неговата сексуална ориентација.

Книгата насловена „A Pilgrim in a Pilgrim Church: Memoirs of a Catholic Archbishop" треба да биде објавена во јуни и од страна на издавачот е опишана како автоанализа на психолошкиот, духовниот и сексуалниот развој на Rembert Weakland.

„Во текот на неколку изминати месеци, почнав да се соочувам со колку фактот дека сум под тензија и дека живеам без радост“ – пишува Weakland  - „Се чувстував како најголемиот лицемер на светот.

06:27 / World
0 Likes
08 May

Според студијата „Nowhere to go: How stigma limits the options of female drug users after release from jail“, жените кои употребуваат алкохол и дрога, а се на заминување од затвор, се соочуваат со многу предизвици за успешна реинтеграција во општеството и сериозно се попречени од стигмата врз  корисници на дрога и поранешните затвореници.

Квалитативната студија била спороведена преку индивидуални интервјуа и фокус групи составени од 17 жени кои неодамна излегле од затвор и кои се справуваат со предизвикот на повторно адаптирање во општеството.

Резултатите се организирани во три главни теми, од кои секоја од нив е поврзана со пребродувањето на влијанијето на стигмата: опстанок (работа и домување), пристап до севиси за треман, и реинтеграција во семејството.

07:04 / World
0 Likes
06 May

Багдад – Генерално насилството во Багдад е во опаѓање, но не и за една малцинска група. Геј популацијата е на мета на вооружени групи во бранот на убиства во текот на минатиот месец, во која беа убиени 25 млади мажи.

„Знаат дека сум геј. Не знам дали ќе бидам убиен, тоа зависи само од Бог“ – вели Moyad, 38-годишен жител на Багдад кој не сакаше да открие своето презиме поради тоа што е загрижен за својата безбедност.

Видно исплашен, тој вели дека дека има многу пријатели кои биле садистички измачувани, некои дури и убиени. „Една од методите на тортура се и ставање лепило во анусите, некои болници одбиваат да ги третираат. Дали ова е војна против хомосексуалците?“ – прашува тој.


07:25 / World
0 Likes
30 Apr

Повик за декриминализација пред Светското првенство во 2010-та

Лоби групата Sweat - Sex Worker Advocacy Taskforce побара од владата на Јужно Африка да ја
забрза постапката за декриминализација на сексуалната работа пред Светското првенство во фудбал
во 2010 година. Групата истакна правата на сексуалните работници треба да бидат признати и
заштитени, не само за време на Светското првенство.

Координаторот на Sweat, Vivienne рече дека сексуалните работници можат да имаат корист од
Светското првенство само доколку индустријата е декриминализирана и регулирана. „Свесни сме
станува збор за долг процес, но се надеваме дека Светското првенство ќе ја забрза постапката за
декриминализација на индустријата“- вели Lalu.

Суспендираниот полициски началник Jackie Selebi предизвика бура од реакции во јавноста кога
преложи легализација на проституцијата и консумирањето алкохол во јавност за време на Светското
првенство.


05:34 / World
0 Likes
28 Apr

На 11-тата по ред геј прајд парада во Тел Авив следново лето, ќе се случи настан за кој организаторите веруваат дека е прв од таков вид во светот и секако во Израел – станува збор за две венчавки, едната на геј, а другата на лазбејски пар.

На веб сајтот gogay.co.il ќе биде објавена кампања на која ќе можат да се пријават парови кои се заинтересирани  нивната венчавка да биде дел од овој настан.

Комитет од центарот на градската геј заедница ќе одлучи кои два пара ќе учествуваат во овој историски момент.

„Генералната идеја е да бидат венчани и геј и лезбејски пар во една од етапите на парадата“ – вели Yaniv Weizman, советник на телавивскиот градоначалник Ron Huldai и член на градскиот совет. Тој додава дека правото на брак се наоѓа на самиот врв на агендата на геј заедницата, особено откако партијата на министерот за надворешни работи Avigdor Lieberman's, Yisrael Beiteinu покажа особено внимание за правата на граѓанските здруженија.

05:06 / World
0 Likes
23 Apr

Пренатрупаноста и употребата на дрога во затворите претставува ризик за ширење на ХИВ

Antonio Maria CostaШирењето на ХИВ вирусот е најизразено во пренатрупаните затвори ширум светот, што претставува ризик по здравјето во заедниците во кои поранешните затвореници се осободувани, изјави Антонио Мариа Коста, челник на Канцеларијата за дроги и криминал при Обединатите нации, минатата недела.
 
Коста рече дека ширењето на вирусот преку употреба на дрога е битен проблем. и посочи дека околу 30 милиони луѓе  во целиот свет мометално се наоѓаат во затвор.

Според Коста, пуштањето на голем број на ХИВ позитивни затвореници ќе резултира со сериозни последици по здравјето на популацијата на заедниците во кои се осободени.

05:38 / World
0 Likes
15 Apr

На 12-ти април, на 58-годишна возраст почина Eve Kosofsky Sedgwick, теоретичарка која  од многумина е сметана за еден од основачите на квир теоријата.

Во 1991-та на Sedgwick и беше дијагностициран рак на градите. Таа предаваше Англиски јазик на неколку различни институции како на Бостонскиот универзитет, Универзитетот на Калифорнија – Беркли, како и на Универзитетот Дјук.

Според тврдењата на нејзината пријателка Cathy Davidson, Sedgwick починала во присуство на нејзиниот партнер Hal.

05:54 / World
0 Likes
13 Apr

Њујоршкиот пар чија видео свадбена снимка, претседателот на Полска Lech Kaczynski минатата година ја искористи за пропагадна за ширење на хомофибија, е повторно поканета да ја посети Варшава. Конзервативниот претседател Kaczynski ја искористи нивната видео снимка за да предизвика страв од прифаќањето на една европска повелба која нуди административна заштита за гејовите и лезбејките, предупредувајќи дека со тоа би можело да се отвори вратата за истополовите бракови во Полска која, генерално, претствавува католичка земја.

Откако дознале дека снимката од нивната свадба, на која сопружниците се љубат, била искористена без нивна дозвола, Brendan Fay и Tom Moulton се пожалија во Полскиот конзулат во Њујорк и побараа извинување и лична средба со претседателот Kaczynski.



06:23 / World
0 Likes
13 Apr

Њујоршкиот пар чија видео свадбена снимка, претседателот на Полска Lech Kaczynski минатата година ја искористи за пропагадна за ширење на хомофибија, е повторно поканета да ја посети Варшава. Конзервативниот претседател Kaczynski ја искористи нивната видео снимка за да предизвика страв од прифаќањето на една европска повелба која нуди административна заштита за гејовите и лезбејките, предупредувајќи дека со тоа би можело да се отвори вратата за истополовите бракови во Полска која, генерално, претствавува католичка земја.

Откако дознале дека снимката од нивната свадба, на која сопружниците се љубат, била искористена без нивна дозвола, Brendan Fay и Tom Moulton се пожалија во Полскиот конзулат во Њујорк и побараа извинување и лична средба со претседателот Kaczynski.



06:23 / World
0 Likes
03 Apr

Вашингтон, САД – Во текот на оваа недела се очекува администрацијата на Обама да го отпочне процесот на оповикување на одредбите донесени од претходната администрација кои можат да бидат искористени за дискриминација врз гејови, луѓе кои живеат со ХИВ/СИДА и жени коишто сакаат да абортираат.

Со овие одредби се заштитуваат работничките права на лекарите и медицинските лица кои одбиваат да дадат медицински услуги поради своите религиозни убедувања.

Организациите за заштита на човековите права тврдат дека овие одредби се однесуваат пристапот на ЛГБТ пациентите до медицински сервиси доколку се интерпретираат на начин на кој ќе им се дозволи на медицинските лица да ги избираат своите пациенти врз основа на нивната сексуална ориентација, родов идентитет или семејна структура.

Овие одредби исто така ги загрозуваат пристапот на жените кон медицинска нега со тоа што им се дозволува на фармацефтите да не издаваат контрацептивни средства дури и во услови кога со таквиот акт им се наштетува на пациентите, или пак се дозволува одбивање на учество во спотан абортус, дури и во услови кога животот на пациентката се донесува под ризик.

06:07 / World
0 Likes
31 Mar

Лондон, 30-ти март – Повеќе од 100 затвореници во Ирак ќе бидат погубени оваа недела, а за голема група од нив се верува дека се осудени за „злосторството“ што се геј, објави Ирачката ЛГБТ група, чие седиште се наоѓа во Лондон.

Според Али Хили, претставник на оваа ЛГБТ група, ирачките власти планираат да ги погубат во групи од 20 лица. Според Хили, барем едно лице од овие групи е член на Ирачката ЛГБТ група.

Упатени се повици до Британската влада, меѓународните групи за заштита на човековите права и Комисијата за човекови права на Обединетите Нации во Женева да брзо да интервенираат за да се спречи „оваа трагично и погрешно спроведување на правдата“.

„Имаме информации и извештаи за членови на нашата заедница кои се уапсени и осудени на смрт поради нивната хомосексуалност - изјави г-дин Хили за UK Gay News. На ирачката ЛГБТ група и е забрането да спроведува активности на територијата на Ирак.

07:26 / World
0 Likes
27 Mar

Белград, Србија – Минатиот четврток српските законодавци со тесно мнозинство го усвоија законот за анти-дискриминација кој претставува дел од прозападните реформи. Српската православна црква и останатите конзерватици во земјата остро се противеа на донесувањето на овој закон.

Парламентот го усвои законот со тесно мнозинство од 127 гласови за наспроти 59-те против. Само еден глас помалку и законот немаше да биде усвоен од страна на парламентот кој содржи 250 членови, од кои 64 не беа присутни на гласањето.

Со овој закон се забранува секој вид на дискриминација, без разлика дали се основа на раса, религија, сексуална ориентација, род или други фактори.

Законот е дел од реформите со кои ќе се усогласи српското законодавство со законодавствто на Европската унија и беше од круцијално значење за симнувањето на шенгенскиот визнен режим за граѓаните на Србија.


08:31 / World
0 Likes
25 Mar

Папата Бендедикт за време на својот престој во Африка изјави дека постои подобар начин на борба против СИДА-та отколку употребата на кондоми.

- СИДА-та е трагедија која не може да се надмине само со пари и која не може да се надмине само со дистрибуција на кондоми – изјави 81-годишниот Папа на неговиот лет од  Рим.

Решението лежи во „духовно и човеково будење“ и „ пријателство кон тие што страдаат“ – вели Папата Бендедикт кој исто така ќе ја и Ангола за време на еднонеделното патување.

Од 1980-та година до денеска СИДА им ги одзема животите на 25 милиони луѓе, во најголем дел во субсахарскиот дел од Африка, а 22 и пол милиони живеат со ХИВ.


05:45 / World
0 Likes
19 Mar

Вашингтон, САД  - Претседателот Обама ќе ја поддржи декларацијата на Обединетите нации со која се повикува на декриминилизација на хомосексуалноста во целиот свет.

Со декларацијата која е спонзорирана од Франција ќе им се забрани на земјите во светот да ја сметаат хомосексуалноста за противзаконска.

Поранешниот претседател Буш одби да ја потише декларацијата за време на неговиот мандат, со што САД претставуваше единствена земја од западот која ја нема потпишано оваа декларацијата.

Властите во САД тогаш тврдеа дека  САД се противат на дискриминацијата на основа на сексуалната ориентација, но дека некои делови од декларацијата покренуваат законски прашања кои треба подетално да се разгледаат.

08:03 / World
0 Likes
16 Mar

Унгарското здружение за граѓански слободи во акција

Минатата среда Унгарското здружение за граѓански слободи  организираше протест пред влезот на Виенскиот меѓународен центар, зградата каде што се одржа средбата на високо ниво на ОН во врска со прашањето на дрогите.

На 11-ти и 12-ти март владините делегати се сретнаа за да дискутираат за ефикасноста на досегашните политики за контрола на дрогите и за да усвојат нова Политичка декларација во врска со дрогите.

И покрај доказите за неуспехот и непресметливите последици од глобалната војна против дрогите, и пред средбата беше јавна тајна дека владите нема да отстапат стариот ригиден пристап кон прашањето за дрогите.    

Во работната верзија на текстот на декларацијата воопшто не се спомнуваше намалувањето на штети кое претставува најефикасна алатка за намалување на болестите и смртните случаи поврзани со употреба на дрога.


07:26 / World
0 Likes
11 Mar

Српската влада го стопира законот за антидискриминација

Мината недела на владата на Република Србија и беше порачано да го врати на агендата предложениот закон за антидискримиација. Драфт верзијата на законот била повлечена непосредно пред гласањето во српскиот парламент поради притисок од Српската Православна Црква.

„Во земја која се стреми стане членка на ЕУ, неприфатливо е малцинствата да бидат подложени на дискриминација вклучувајќи ја и дискриминацијата врз основа на сексуална ориентација“ – изјави Michael Cashman, претседателот на сепартиската група за ЛГБТ права.
Тој вели дека доколку српската влада е сериозна во врска со својата ЕУ апликација, би требало да го вратат законот на гласање во Парламетот.  

„Ова, исто така, претставува прашање за демократијата и владеењето на законот. Една земја не може да се смета за демократска доколку нејзината влада не го следи својот устав, во кој јасно е нагласена одделеноста на црквата и државата.“ - вели Cashman.
„Законот за антидискриминација е предложен во отворен и фер процес во кој сите парии учествуваа подеднакво. Во секој случај не е демократски да се стопира законот поради интервенција на црквата во последен момент “ - додава Cashman.

07:20 / World
0 Likes
05 Mar

Ставот на Ватикан за политиката на дроги на ОН е „ризичен по живот“

Ватикан е обвинет за ставање под ризик на илјадници животи со тоа што се обидува да влијае на политиката на дроги на Обединетите нации во пресрет на донесувањето на битна меѓународна декларација.

Приговорите на Ватикан за стратегииите за намалување на штети, какви што се размената на прибор за инјектирање, предизвика жестока дебата помеѓу САД и ЕУ во врска со тоа како треба да му се пристапи на проблемот со дрогите.

Новата декларација на ОН треба да биде потпишана на 11-ти март. Меѓутоа, постојат големи несогласувања помеѓу земјите членки дали обврзувањето кон намалувањето на штети треба да биде вклучено во документот, кој се објавува на секои десет години.


07:32 / World
0 Likes
03 Mar

Вирусот кој предизвикува СИДА рапидно се шири помеѓу геј и бисексуалните мажи во Азија поради избегнувањето на употреба на кондоми од страна на помладата популација и неуспехот на властите во ширењето на свест за оваа болест.

Епидемијата драматично ќе се прошири во следните години доколку не се подобри едукацијата и не се појави послилна политичка волја за борба против оваа болест, преупреди Massimo Ghidinelli, регионалниот советник за ХИВ/СИДА на Светската здравствена организација.

Неговите коментари беа објавени по еден семинар во Хонг Конг на кој регионалните експерти за СИДА дискутираа за растечкиот тренд.

06:21 / World
0 Likes