Author: admin

11 Feb

МУМБАИ, - Интерсексуалните лица успеаа во напорите да бидат регистрирани одделено на овогодишниот попис во Махараштра (Индија), така што нивниот број ќе се смета во колоната за род означена како "други", соопшти висок официјален претставник на администрацијата на Махараштра.

"Во новиот прилог на образецот за пописот, интерсексуалците ќе се сметаат како „други", покрај машкиот и женскиот род. И сексуалната работа во колоната за „професија“,  ќе биде одделена од категоријата „питачење“ - изјави Ranjeetsing Deol, раководител на пописот во Махараштра.

-Пописот во Махараштра ќе се одржи од 9-ти до 28-ми февруари и и ќе биде ревидиран во првата недела на март, изјави Deol.

Некои невладини организации и помагаат на Владата во регистрацијата на питачите. Странците кои престојуваат во земјата повеќе од дваесет и еден ден, исто така, ќе бидат вклучени во пописот.


06:16 / World
0 Likes
07 Feb

Минатиот четврток, околу двеста геј мажи беа уапсени во кралството Бахреин, кога полицијата спроведе рација на една приватна забава за која се препоставувало дека преставува истополова свадба.

Лицата кои се воглавно жители на Бахреин и земјите во Персискиот залив, беа уапсени под обвинение дека се "однесувале против јавниот морал", а нивните случаи ќе ги застапува генералниот правобранител во земјата, извести Геј НЗ.

Заливскиот Дејли Њуз објави дека забавата се одржувала во сала на Хид спортс клубот Ал Рајан во близина на многу религиозна област. Некои делови од Бахреин се познати како порелаксирани по прашањата на сексуалноста.

Непосредно по апсењата, општинскиот советник Рамзи Ал Џалалиф повика на построга контрола на салите за прославување, соопшти Дејли њуз. Тој тврди дека лицата го излажале менаџерот на местото на случувањето, велејќи му дека во салата ќе се слави роденден.

"Тие треба да бидат внимателни и да ги испитаат околностите пред да се дозволат да се случуваат вакви настани и да ја уништат репутацијата на земјата", рече Ал Џалалиф.


08:19 / World
0 Likes
01 Feb

Во македонскиот образовен систем веќе подолг временски период се употребуваат учебници во кои се презентираат хомофобични ставови и сознанија. Голем дел од информациите за сексуалноста и сексуалната ориентација се научно незасновани, застарени и идеолошки обоени. Во учебниците се патологизира хомосексуалноста, а нехетеросексуалците се стигматизираат и квалификуваат со деградирачки и дехуманизирачки дефиниции.

Ваквите содржини не претставуваат само пример на научна игнорантност и слепило. Тие шират хомофобија, говор на омраза и поттикнуваат негативни предрасуди и социјално исклучување на хомосексуалците и другите сексуални малцинства. Наместо да се санкционираат одговорните кои дозволиле хомофобични и дискриминаторски учебници, сведоци сме на обид за замолчување на критичарите на хомофобичните учебници кои генерираат и поддржуваат нееднаквост, нетолеранција, неправда и насилство.

Имено, против Ирена Цветковиќ, истакната активистка за човекови права,колумнистка, блогерка и магистерка по родови студии и социологија, се води кривична судска постапка за навреда и клевета поради јавното критикување на хомофобичните учебници. Да биде иронијата уште поголема, како навредени се најдоа авторките на учебникот по „Педагогија“ за трета година средно оразование, кои ги дискриминираа хомосексуалците опишувајќи ги како “невротични и психотични личности“, “учесницина изопачен, неприроден и ненормален сексуален живот“ и “личности со психички потешкотии и пречки“.

Ваквите обиди за замолчување на критичката мисла се показател дека слободата на говор е доведена под сериозна закана. Со цел да се спречи обидот за помрачување на демократскиот разум, ве повикуваме сите, на 02.02.2011, среда, во 13.00 часот, пред Основен суд Скопје 1, да ни се придружите на мирен протест против хомофобијата во образованието и заштитата на критичкото мислење и активистите за човекови права.


НЕ на хомофобијата во образованието!

СЛОБОДА НА ГОВОРОТ И КРИТИЧКОТО МИСЛЕЊЕ!

05:12 / Macedonia
0 Likes
27 Jan

Според изјавите на активистите во Уганда, убиен е познат борец за правата на хомосексуалците, кој минатата година тужеше еден локален весник кој ја објави неговата сексуална ориентација.

Полицијата ја потврди смртта на Дејвид Като, но вели дека ги испитува околностите.

Весникот Ролинг Стоун Уганда објави фотографии од неколку луѓе за кои тврди дека се хомосексуалци над кои стоел насловот "Обесете ги".

Хомосексуалноста е нелегална во Уганда, и се казнува од 14 години во затвор.

Еден пратеник неодамна се обиде да ги зголеми казните со предлогот за воведување на смртна казна во некои случаи.

Хјуман рајтс воч цитира сведоци кои велат дека едно лице влегло во домот на  г-дин Като во близина на Кампала и го застрерало два пати во главата пред да замине. Г-дин Като починал на патот кон болницата.

Хјуман рајтс воч побара брза истрага за смртта на г-дин Като.

"Смртта на Дејвид Като е трагичната загуба на заедницата која се бори за почитување на човековите права ", рече Марија Синтез од Хјуман рајтс воч .

Активистот на организацијата Sexual Minorities Uganda (Smug) имаше кампања против анти-хомосексуалниот закон во Уганда, кој се чини дека не беше усвоен поради бурата од меѓународни критики во времето кога беше предложен во 2009-та година.

15:49 / World
0 Likes
24 Jan

Кога минатата сабота, Da Wen го кажа судбоносното „Да“ на Xiao Qiang на нивната свадба во еден ресторан во Пекинг, тоа не преставуваше само акт на спојување на љубовта на две лица, туку и обид за зајакнување на борбата против СИДА-та.

Двајцата мажи кои иако се информирани дека хомосексуалните бракови не се признаени од страна на кинеската легислатива, сепак сакаа во јавноста да ја обелоденат својата врска како пример за другите геј двојки во Кина.

Иако нивниот брак не може да биде официјално регистриран, парот се здоби со сертификат, дополнет со фотографии од двојката и печат на фиктивната организација Кинески комитет за среќни бракови.

Xiao Dong, директор на волонтерскиот тим за превенција на СИДА од Пекинг, вели дека таквите хомосексуални бракови ќе им помогнат на луѓето во геј заедницата во превенцијата на СИДА-та.

Тој вели дека со бракот може да се зацврстат врските помеѓу паровите и да се избегнат брзите промени на сексуалните партнери.

Xiao рече дека факот дека не постои закон за регулација на истополовите бракови во Кина го отежнува процесот во кој хомосексуалните двојки можат да ја одржат својата врска.

Честото менување на сексуалните партнери на луѓето во геј заедниците се должи на отсуството на законска регулатива, со што драматично се зголемува ризикот од зараза од СИДА-та, рече Xiao.


16:13 / World
0 Likes
19 Jan

Во соопштението за јавност на УНАИДС објавeно на крајот од минатата година се вели дека во светот постои значителeн пад на бројот на нови лица инфицирани со ХИВ/СИДА.

Во соопштението се вели дека новите ХИВ/СИДА инфекции опаднале за речиси 20 отсто во последните 10 години, а смртните случаи поврзани со СИДА, исто така, се опаднати  скоро 20 проценти. Вкупниот број на лица кои живеат со ХИВ се стабилизира.

Во 59 земји, вклучувајќи ги и 18-те од 25-те земји со највисока преваленца, помалку од 25 отсто од мажите изјавиле дека имале секс со повеќе од еден партнер во последните 12 месеци.

Употребата на кондоми и нивната достапност, исто така, значително се зголеми, а извештаите за употреба на кондоми од страна на сексуалните работници, исто така, се охрабрувачки.

Во 60 земји, повеќе од 60 проценти од сексуалните работници користеле кондом со последниот клиент.

Податоците од 78 земји покажуваат дека употребата на кондоми меѓу мажите кои имаат секс со мажи изнесува повеќе од 50 проценти во 54 земји.

Пристап до третман на ХИВ/СИДА, вклучувајќи и програми за намалување на штети за луѓето кои инјектираат дроги достигна 32 отсто, далеку помалку од она што е потребно за да се заштитат корисниците на дрога од ХИВ/СИДА во целиот свет.

10:57 / World
0 Likes
13 Jan

Денес, во познатиот округ Кастро во Сан Франциско се отвора првиот официјален геј музеј во САД.

"Се потрудивме да креираме музеј кој ќе биде богат, разновиден и изненадувачки како и самата ЛГБТ заедница", рече Пол Бонберг, извршен директор на GLBT Historical Society.

Во рамките на постојаната поставка на музејот се наоѓаат розови очила за сонце, свирче, Левис фармерки и други предмети од Харви Милк, кој е првиот хомосексуалец избран за функционер во САД.

"ЛГБТ музејот се наоѓа во срцето на Кастро, населбата која не е посетена само од локалните жители, туку и од повеќе десетици илјади туристи кои секоја година доаѓаат во потрага по квир култура ", рече Бонберг.

"Во нашиот музеј, тие ќе откријат богатства од нашите архиви кои рефлектираат фасцинантни приказни кои опфаќаат речиси еден век на ЛГБТ живот."

Музејот беше најавен како втор од ваков вид, по првиот кој се отвори пред една деценија во Берлин.


07:08 / World
0 Likes
07 Jan

Националниот институт за злоупотреба на дрога на САД проценува дека повеќе од пет милиони Американци над 12-годишна возраст употребиле кокаин во 2008-та година. Иако корисниците можат да доживеат голема еуфорија и зголемена енергија, тие исто така можат да го доживеат инфаркт, мозочен удар и напади. Една студија, објавена завчера во оналјн магазинот Molecular Therapy, покажува дека постои можност наскоро да биде создадена вакцина против кокаинската зависност.

Научниците од Weill Cornell медицинскиот колеџ развија вакцина која се состои од супстанција слична на кокаинот и неактивен вирус на настинка. Вакцината ја тестирале на глувци зависни од кокаин. По инјектирањето на вакцината, глувците биле инјектирани со кокаин, но тие не трчале наоколу и не биле хиперактивни како во претходните реакции на кокаинот. Се верува дека вакцината е ефикасна, бидејќи таа се соединувала со кокаинот во крвта, така што кокаинот никогаш не стигнува до мозокот.

Д-р Роналд Кристал, главниот истражувач и професор по генетска медицина на Weill Cornell, рече дека ефектите од вакцината траеле до 13 недели кај експерименталните глувци. Иако не постои терапија за кокаин, сепак оваа вакцина дава голема надеж и се преземаат чекори да се почне со испитувања врз луѓе во текот на следните две години.


07:24 / World
0 Likes
03 Jan

Коалиција за заштита и промоција на сексуалните и здравствените права на маргинализираните заедници го објави најновиот број од својот билтен. Изданието во ПДФ верзија може да го превземете овде.

07:29 / Macedonia
0 Likes
22 Dec

Претседателот Барак Обама се очекува денес да го потпише документот со кој се укинува забраната за служење во воената служба на геј лицата кои отворено ја декларираат својата сексуална ориентација.

Сенатот на САД во саботата гласаше за законот со кој се укинува 17-годишната „не прашувај, не кажувај“ политика, што значи дека сега законот е подготвен за потписот на преседателот. Сепак, ќе поминат неколку месеци пред законот да стапи на сила.

Укинувањето на оваа одлука значи дека за прв пат геј лицата ќе можат јавно да ја изразат својата сексуална ориентација, без ризик да бидат исфрлени од воените сили.

Откако беше донесен неславниот хомофобичен закон во 1993 година, повеќе од 13.500  членови на воените сили беа отпуштени од служба.

"Сега е време да се затвори ова поглавје на нашата историја", изјави Обама во соопштение за јавноста. "Време е да се признае дека жртвата, храброста и интегритетот не се повеќе дефинирани од страна на сексуалната ориентација, како што не се ни од страна на расата, полот, религија или верувањата."

Укинувањето на "не прашувај, не кажувај" политиката во рамките на американската војска е уште една победа за демократите во рамките на администрацијата на Обама.

09:38 / World
0 Likes
17 Dec

Меѓународен ден за борба против насислтвото врз сексуалните работници

17-ти декември е Mеѓународен ден за стоп на насилството врз сексуалните работници, кога илјадници нивни поддржувачи маршираат по улиците насекаде низ светот, и преку свои активности и пренесуваат порака на јавноста со цел да се спречи насилството кое што секојдневно се врши врз секуалните работници. За прв пат овој настан беше организиран со цел да се обрне внимание на криминалните дејства кои се вршат врз сексуалните работници низ целиот свет. Настанот е идеа на д-р Ени Спринкл, а започнат од проектот за разбирање на сексуалните работници во САД како спомен на немилиот настан во кои беа убиени 48 сексуални работнички, жртви на убиецот од Грин Ривер. Денес, по четврти пат невладините и граѓански организации во Република Македонија кои се залагаат за промоција на основите човекови права и вредности на сексуалните работници, низ конкретни активности и кампањи учествуваат во одбележувањето на 17-ти декември.

Живееме во општество каде што секојдневно се продаватат и купуваат услуги. Сексуалната работа е една од тие услуги. Сексуалната услуга не е зло. Еротски танц, нудење на своето тело, еротски масажи и ескорт услуги не се злодела , различноста во изборот на своја професија не треба да иницира ниту насилство, ниту стигматизирање на лицата кои имаат право на свој сопствен избор.

Општеството наметнува''идентитет" и " социјална улога " врз сексуалните работници која оди подалеку од вистинското препознавање на овие лица. Ваквата погрешна перцепција на општеството кон идентитетот на лицата кои се бават со сексуална работа, наметнува истите да се дефинираат  како суштински недостојни и закана за моралот, јавниот и општествениот поредок, етикетирани како грешници, криминалци или жртви.

Сексуалните работници не треба да се сфатат  само како жртви на кои им треба помош, ниту  како криминалци кои треба да бидат уапсени или пак цели за јавните здравствени интервенции. Тие се дел од општеството, со свој потреби и аспирации, со потенцијали кои би направиле вистински и вреден придонес кон својте заедници.


03:56 / Macedonia
0 Likes
15 Dec

Минатата недела Министерството за јавна безбедност на Кина предложи нов назив за женските сексуални работници нарекувајќи ги "паднати жени" наместо "проститутки".

Овој акт покажува поголема почит за посебна група на луѓе, а исто така укажува на можноста дека со промена на називот може да има промена на ставовите и однесувањето. Сексуалната работа, најстарата од сите професии, сега речиси има статус на подземена индустрија во Кина. Како социјалистичка земја, Кина секогаш ја негираше легитимноста на сексуалната индустрија во морална и правна смисла.

Сексуалната работа е легална во многу земји во светот и називот за луѓето кои се вклучени во неа е сексуални работници. Во Кина, терминот сексуални работници не се користи, поради отсуството на "морална перспектива." Наместо тоа, тие се нарекуваат "порнографски работници" или "работници во проституцијата."

Но сега кога тие се наречени "паднати жени" наместо проститутки, постои се помалку презир и потсмев, а повеќе симпатии во тонот на изразувањето. На овој случај треба да се гледа како на демонстрација на похумано спроведување на законите.


06:42 / World
0 Likes
07 Dec

Кристијан Легиерски стана првиот хомосексуалец избран за функционер во Полска.Сопственик на ноќен клуб, претприемач и активист за правата на ЛГБТ популацијата освои место во Варшавскиот градски совет.

Господинот Легиерски, кој меѓудругото е црнец и претрпе големи напади на расизам и хомофобија, изјави за Gazeta Wyborcza дека иако неговиот избор беше важен чекор за националната политика, жителите на Варшава се повеќе слободоумни.

Тој изјави: "Не можам да се споредувам со Харви Милк, но јас сум среќен што сум првиот хомосексуалец избран за јавна функција во Полска."

Варшава беше домаќин на Јуропрајд минатиот јули, но Полска има мачно минато со правата на хомосексуалците. Земјата е крајно католичката и конзервативна и групите за човекови права велат дека има слаби резултати на полето на геј еднаквоста.

Починатиот претседател Лех Качински, кој загина во авионска несреќа минатиот април, беше обвинет за хомофобија во неколку наврати.

Хомосексуалноста е легализирана во Полска, но паровите не можат да посвојуваат деца и не постои законско признавање на нивните односи.


13:30 / World
0 Likes
02 Dec

Коалицијата ’Сексуални и здравствени права на маргинализираните заедници“ најостро реагира против сензационалистичкото, стереотипизирачко и стигматизирачко пренесување на информациите поврзани со последните податоци за состојбата со ХИВ/СИДА во Македонија, а кои беа објавени во дел од македонскиот медиумски простор на 30.11.2010.

Сензационалистичкиот пристап во пренесувањето на информациите беше евидентен во фактот што голем дел од насловите од весниците ширењето на ХИВ вирусот и СИДА го доведоа во непосредна врска со хомосексуалноста, односно лицата со поинаква сексуална ориентација и идентитет. По однос на ваквата стратегија на информирање и реторика реагираме врз основа на неколку причини.

Прво, податоците кои се пренесени се однесуваат на мал процент на мажи кои имаат секс со мажи, а кои претставуваат категорија во употреба за целите на епидемолошката евиденција и стратегиите на превенција. Мажите кои имаат секс со мажи не може и не смеат да бидат изедначени со хомосексуалците, затоа што во првиот случај станува збор за сексуално однесување и акти, додека во вториот за самоидентификација и самодефиниран сексуален идентитет.

Понатаму, овие бројки сами по себе не пренесуваат никаква квалитативна, нити пак суштински аналитичка информација по однос прашањето за пренос на вирусот, бидејќи истите не се споредени со бројките од претходните години, со бројките во светски размери, и не се воопшто доведени ниту во врска со културните, социјалните, бихевиоралните фактори. Голото повторување на бројки доведува единствено до слепа циркулација на стереотипи и ’факти’ без притоа да се разгледуваат нивните причинители и ефективно да се застане во борба против негативните фактори и структури.

Како трето би сакале да нагласиме дека преносот на вирусот не се поврзува со категории луѓе, карактери и идентитети, туку единствено со видови на однесување. На тој начин, би сакале да повториме уште еднаш, не постојат ризични категории на граѓани, постојат единствено ризични однесувања кои можат да бидат подеднакво присутни кај сите луѓе без разлика на нивните специфики и разлики.

06:29 / Macedonia
0 Likes
01 Dec

И денес, на 1 Декември 2010, Светскиот ден на борбата против СИДА, медиумите не ќе можат да направат јавно интервју со нас, лицата што живеат со ХИВ, поради нашиот основан страв да го откриеме својот личен идентитет. Затоа, го избравме овој начин да ги искажеме јавно нашите ставови во врска со потребите на нашата заедница.

На овој ден, најнапред сакаме да изразиме искрена благодарност до сите организации, здравствени институции – пред сè Клиниката за инфективни болести – како и поединци што работат на полето на ХИВ и СИДА и се залагаат за нашите права. Им искажуваме благодарност на Владата и Министерството за здравство за она што досега е остварено: се разговараше за внесување на лековите од антиретровирусната терапија на позитивната листа и е донесено решение во иднина државата да ги покрива трошоците за нашата терапија, која сè до крајот на оваа година ни беше достапна само благодарение на донациите на Глобалниот Фонд. Искрено го поздравуваме конечното донесување на законот против дискриминација, пред сè во делот што се однесува на забраната на дискриминација врз основа на здравствената состојба, но притоа будно ќе го следиме процесот на неговата примена, ставајќи акцент врз нашата заедница.

За жал, нашава порака мора да ги одбележи и оние состојби што се причина за наша голема загриженост.

Меѓу нив, како прво и најбитно, во земјава сè уште не е воспоставен интегриран државен систем за обезбедување на антиретровирусната терапија. Во нашиот случај, и најмало доцнење или прекин на терапијата може директно да ги загрози нашето здравје и успешноста на истата а со тоа и квалитетот и должината на нашиот живот;



05:23 / Macedonia
0 Likes
29 Nov

Лезбејки, геј, бисексуалци и трансродови лица (ЛГБТ) зедоа учество во третата парада на гордоста во Њу Делхи минатата неделата.

ЛГБТ заедницата тврди дека ситуацијата се подобрила со одлуката на Високиот суд на Делхи да се декриминализира хомосексуалноста со редефинирање Членот 377 на индискиот кривичен законик, но дека тоа за ЛГБТ лицата преставува само почеток.

Amitava Sarkar, трансродов активист, изјави дека постојат многу проблеми со кои се уште се соочуваат хомосексуалците.

"Проблемите, всушност, започнуваат на семејно ниво, а потоа кулминираат на училишно ниво. Ние немаме право на образование, на работно место, па на тој начин никако не можеме да бидеме почитувани во општеството" - вели Sarkar.

Друг трансродов активист Mohnish, пак, рече дека овој концепт на геј парада е истиот оној кој за првпат се појави уште во 1969-та година.

"Ова е концепт кој датира уште од случајот Stone wall во далешната 1969-та година, кога во еден геј бар во Њујорк, била извршена рација од страна на полицијата. Тоа било првиот знак на протест кој се случи уште таа година и потоа секоја година се одржуваа геј паради низ целиот свет. Во Њу Делхи, ова е трето издание на Њу Делхи квир прајд" - изјави Mohnish.


06:29 / World
0 Likes
24 Nov

Користењето на кондом е помало зло од пренесување на ХИВ на сексуален партнер - дури и ако тоа значи дека жената је спречува можната бременост, објави Ватикан во вторникот, означувајќи сеизмичка промена во проповедите на папата.

Ватикан веќе подолго време беше критикуван за своето противење на употребата на кондомите, посебно во Африка, каде што СИДА-та е најприсутна. Најновите толкувања на коментарите на папата Бенедикт за употребата на кондоми, во суштина, значат дека Римокатоличката црква признава дека нејзиниот долгогодишен став против контрацепцијата не оправдува ставање нечиј живот во опасност.

"Ова е точка пресвртница", рече свештеникот Џејмс Мартин. „Признавајќи дека со ставот дека кондомите во сексуалните односи го спречуваат ширењето на ХИВ помеѓу луѓето, папата сосема го измени ставот за кондомите на Католичката црква."

Промената дојде на денот кога службеници на Обединетите Нации објавија дека бројот на нови случаи на ХИВ инфецирани лица значително опадна - благодарение на употребата на кондоми.

"Ова е голем ден за борба против СИДА-та", изјави Мичел Ворен, шефот на Коалицијата за застапување на вакцина за СИДА .

Во Африка, активистите за превенција од СИДА, свештеници и обични Африканците слично аплаудираа на ревидираните коментари на папата.

04:46 / World
0 Likes
19 Nov

По повод Меѓународниот ден на толеранцијата, 16-ти ноември, околу стотина граѓани кои учествуваа на Маршот на толеранција оваа година од Музејот на град Скопје до плоштадот "Мост" на самиот влез на Старата Скопска Чаршија, апелираа за политичка толеранција и конструктивен дијалог помеѓу сите креатори на јавната политика, јавното мислење и вредности.

Организаторите на Маршот кој се одржа под мотото "Правда, слобода, еднаквост" -  Хелсиншкиот комитет за човекови права, Плоштад Слобода,Q, Civica и Цивил побараа меѓуетничка толеранција и почитување на етничките, културните и религиозните разлики во Македонија, и многу поодлучно дејствување за искоренување на дискриминација по сите основи.

Кочо Андоновски од Хелсиншкиот комитет, рече дека "дискриминацијата врз основа на политичките убедувања и припадност беше најжестока" и апелираше за ставање крај на насилството против активистите посветени на борбата за човекови права.

Гордана Несторовска од Хелсиншки комитет ги повика студентите, кои отсуствува од маршот, како група која треба да започнува иницијативи, да се приклучат во борбата за ново демократско општество, ослободено од дискриминација.

"На овој ден, ние имаме изјава од Министерството за труд и социјална политика, што јасно кажува дека хомосексуалноста нема да биде прифатена како нормална појава. Тоа доаѓа од самата институција која треба да ја спречи дискриминацијата и  да го спроведе законот против дискриминација", рече Славчо Димитров од Коалицијата за заштита на маргинализираните заедници.

Претставници на дипломатскиот кор стационирани во Македонија, пратеници од неколку политички партии, претставници на невладини организации и мал број граѓани земаа учество во маршот.

14:07 / Macedonia
0 Likes
11 Nov

Избегнувани од страна на главните текови на општеството, сексуалните работници/чки кои страдаат од болести поврзани со ХИВ во Најроби, најверојатно, нема да добијат помош од своите засегнати соседи. Наместо тоа, некои од нив се згрижени од страна на своите колеги/шки сексуални работници/чки.

Една група од 25 сексуални работници/чки, кои се нарекуваат себеси Knight Nurses, се активни повеќе од една година во сиромашниот кварт Хурума. Тие редовно ги посетуваат и им помагаат на другите членови на групата и нивните членови на семејство кои се ХИВ позитивни и врзани за кревет. Тие, исто така организираат и посети во болницата, за да се осигураат дека ги примаат нивните лекови.

На неделната средба на Knight Nurses, 20-те присутни членови донираа по 20 кениски шилинга и прехранбени продукти за два свои болни членови.

На средбите секогаш се нагласува важноста на безбедниот секс за да се спречи зараза со ХИВ, и се витален извор на информации за присутните кои немаат информации за безбеден секс од владините програми.

07:02 / World
0 Likes
05 Nov

Студент од Вашингтон стана првото транссексуално лице кое игра кошарка во Националната Атлетска Асоцијација (NCAA) во САД.

Kye Allums, 21, од Универзитетот Џорџ Вашингтон, овој месец ќе се врати во тимот на жените, иако тој денес се смета за маж.

На играчот му е дозволено да продолжи да игра во женската дивизија, се додека тој не почне да ја прима хормонската терапија.

Иако тој се смета за маж, Allums ќе продолжи да игра за тимот на жените, од кој ја има добиено својата стипендија. Тој има намера да започне со третман со тестостерон по неговата последна игра за универзитетот.

Од универзитетот велат дека тој има право да игра за тимот се додека ги почитува правилата на NCAA во врска со хормонската терапија и забранетите лекови.


07:46 / World
0 Likes