Author: admin

29 Apr

Коалиција СЕКСУАЛНИ И ЗДРАВСТВЕНИ ПРАВА НА МАРГИНАЛИЗИРАНИ ЗАЕДНИЦИ во
ГЕМ клубот  на 03. 05. 2011 со почеток во 19:30 часот Ве поканува на

Проекција на филмот XXY и
Дискусија на тема: Проблеми со полот/родот
Воведничар: Јасна Котеска
Фасилитатор: Жарко Трајаноски


Како приказна за својот прв филм XXY Аргентинската режисерка Lucía Puenzo го одбира краткиот расказ на својот сопруг Sergio Bizzio во кој се зборува за влезот во адолесценцијата на едно интерсексуално дете. 15-годишната Алекс, родена со хромозоми од двата пола, се соочува со проблеми со родот додека експериментира со својата сексуалност и сексуални однесувања. Алекс е на возраст на која сака да направи избор во врска со родот, но нејзиното семејство, како и пријателот кој е хирург имаат различни идеи и мислења. Сексуалното експериментирање со Алваро (синот на хирургот) отвора преспектива на рефлексија помеѓу двајцата во однос на нивните сексуални улоги.

Филмот ги прикажува превирањата со кои се соочува Алекс, наспроти расказот кој е фокусиран на клиничките детали до тој степен што го прави гледачот многу повеќе љубопитен отколку емпатичен. Кога тројцата хулигани ја напаѓаат на плажа, воајеризмот на гледачот е во соучесништво со целите на напаѓачите.

Филмот XXY успешно ги отвора темите на поврзаноста на родот и сексуалноста на начин на кој се одбиваат брзи и едноставни одговори на познатото прашање: Машко е или женско?

По филмот следува дискусија на тема „Проблеми со полот/родот“ на која воведничар ќе биде Јасна Котеска, а фасилитатор Жарко Трајаноски.

Јасна Котеска е професорка по книжевност, теоретска психоанализа и родови студии на Филолошкиот факултет „Блаже Конески“ во Скопје.  Магистрирала Родови студии на Централниот Европски Универзитет во Будимпешта, а докторирала на Kнижевност и родови студии на Универзитетот Св. Кирил и Методиј во Скопје. Била предавач на школата за род и политика на Институтот Евро Балкан, како и уредник на списанијата Блесок и Идентитети. Работи во областа на теоретската психоанализа (Фројд, Лакан, Кристева, Жижек и др), книжевна теорија и родови студии. Нејзиниот интерес е сосредоточен на различни теми како интимност, санитаризација, феминизам и слично. Исто така повремено пишува колумни во дневните и неделните весници како Дневник, Глобус, Форум и други.
 

Жарко Трајаноски е магистер по човекови права. Неговата магистерсика теза е од областа на сексуалноста и човековите права. Долги години работи како активист за човекови права на маргинализираните заедници. Бил уредник на списанието Идентитети и предавач на школата за род и политика на Институтот Евро Балкан. Во моментов работи како консултант во Коалицијата „Сексуални и здравствени права на маргинализираните заедници“.





06:37 / Macedonia
0 Likes
29 Apr

Европскиот парламент го прифати годишниот извештај за напредокот на Македонија во евроинтегративните процеси, барајќи од државата да ја забрани дискриминацијата врз основа на сексуална ориентација.

Во јануари 2010-та, македонската влада ја отстрани сексуалната ориентација од листата на основи според кои треба граѓаните да бидат заштитени од дискриминација во новиот закон за антидискриминација. Членовите на Европскиот парламент протестираа, а Европската комисија ја потсети Македонија дека приемот во ЕУ е условен од вклучувањето на сексуалната ориентација во законот за антидискриминација.

Во резолуцијата која беше усвоена со големо мнозинство на членовите на Европскиот парламент, се изразува жалење дека во спротивност на европската легислатива, сексуалната ориентација е отстранета од законот како основа за дискриминација. Европскиот парламент повика на брзо услогласување на националните закони од ова поле со европските закони и зајакнување на механизмите за мониторинг, и потенцираше дека тоа е дел од условите за прием во ЕУ.

За жал, резолуцијата на европскиот парламент не препорача забрана на дискриминацијата по основа на родов индентитет.

Улирике Луначек, член на парламетот и копретседател на Меѓугрупата за ЛГБТ правата, реагираше: - Бев дел од сослушувањето за овој закон во Македонскиот парламент во фебруари минатата година и мојата порака останува иста - политиките кои се основаат на неинформираност и страв се погрешни и водат во погрешен правец. Законите за антидискриминација се стожер за еднаквоста во општествата, недискриминацијата е основно право во ЕУ. Македонија треба да престане со замижувањето пред малцинствата и треба да овозможи заштита на сите граѓани без исклучок.

Резолуција ги изрази грижите на полето на еднаквоста, вклучувајќи ја слабата Национална комисија за заштита од дискриминација и ниските ефективни права на жените во земјата.


06:32 / Macedonia
0 Likes
29 Apr

Европскиот парламент го прифати годишниот извештај за напредокот на Македонија во евроинтегративните процеси, барајќи од државата да ја забрани дискриминацијата врз основа на сексуална ориентација.

Во јануари 2010-та, македонската влада ја отстрани сексуалната ориентација од листата на основи според кои треба граѓаните да бидат заштитени од дискриминација во новиот закон за антидискриминација. Членовите на Европскиот парламент протестираа, а Европската комисија ја потсети Македонија дека приемот во ЕУ е условен од вклучувањето на сексуалната ориентација во законот за антидискриминација.

Во резолуцијата која беше усвоена со големо мнозинство на членовите на Европскиот парламент, се изразува жалење дека во спротивност на европската легислатива, сексуалната ориентација е отстранета од законот како основа за дискриминација. Европскиот парламент повика на брзо услогласување на националните закони од ова поле со европските закони и зајакнување на механизмите за мониторинг, и потенцираше дека тоа е дел од условите за прием во ЕУ.

За жал, резолуцијата на европскиот парламент не препорача забрана на дискриминацијата по основа на родов индентитет.

Улирике Луначек, член на парламетот и копретседател на Меѓугрупата за ЛГБТ правата, реагираше: - Бев дел од сослушувањето за овој закон во Македонскиот парламент во фебруари минатата година и мојата порака останува иста - политиките кои се основаат на неинформираност и страв се погрешни и водат во погрешен правец. Законите за антидискриминација се стожер за еднаквоста во општествата, недискриминацијата е основно право во ЕУ. Македонија треба да престане со замижувањето пред малцинствата и треба да овозможи заштита на сите граѓани без исклучок.

Резолуција ги изрази грижите на полето на еднаквоста, вклучувајќи ја слабата Национална комисија за заштита од дискриминација и ниските ефективни права на жените во земјата.


06:30 / Macedonia
0 Likes
05 Apr

The coalition has published the report on sexual and health rights of marginalized communities in Republic of macedonia for 2010. You can download the document in Macedonian and English version here. 
16:00 / Macedonia
0 Likes
05 Apr

Судот кој јa донесе историската одлука со која Масачусетс стана првата држава во САД во која се легализираа браковите од ист пол, постои можност да ја добие својата прва геј судија.

Гувернерот Давал Патрик во понеделникот ја номинирше Барбара Ленк за да го пополни отвореното место на Високиот судски совет на Масачусетс. Ленк е лезбејка и е оженета со нејзината партнерка откако Високиот суд донесе одлука во 2003-та година за укинување на државата забрана за браковите од ист пол, сметајќи ја забраната за неуставна.

Патрик изјави за Ленк дека е високо почитувана поради "нејзините остроумни и квалитетни дела и нејзиното внимателното однесување."

Според нејзината биографија Ленк  дипломирала право на Харвард во 1979 година и се приклучила на адвокатска фирма Brown, Rudnick, Freed & Gesmer, а за да подоцна стане партнер и експерт од областа на темите поврзани со Првиот амандман од уставот на САД.


05:18 / World
0 Likes
30 Mar

Отфрлајќи ја жалбата на осуденикот на доживотен затвор за убиството на сексуален работник, Врховниот суд во Индија ја поттикна владата да обезбеди стручна обука на сексуалните работници за да им помогне во нивната рехабилитација.

"Одредени жени се принудени да влезат во проституцијата не поради задоволство, туку поради сиромаштијата", беше објавено во соопшение на судот минатиот месец. "Ако на жените им е дадена можност да посетат техничка или професионална обука, со таквата стручна подготовка и стекнатите вештини тие ќе бидат во можност да заработат за својот живот, наместо да го продаваат своето тело."

Сексуалните работници не беа импресионирани од ова сооштение.

"Ова преставува лајнова симпатија", за TrustLaw изјави Вина, трансродов сексуален работник. Вина е преставник на унијата на сексуални работници Карнатака во Бангалор, град во јужниот дел на земјата.

Она што најмногу име е потребно на сексуални работници е декриминализација на нивната работа. Во Индија, сексуалната работа не е нелегална, но активностите околу сексуалната работа, како што се подведувањето или водењето на бордел се казнуваат со парични казни, па дури и затвор.

Владата има рок до 4 мај да ги среди деталите за спроведување на стручна обука. Но, едно е сигурно меѓу сексуалните работници - принудните рехабилитации извршени од страна на државата за "спас“ на сексуалните работници не се патот нанапред.

06:32 / World
0 Likes
24 Mar

Соопштението за сексуална ориентација и родов идентитет доби подршка без преседан

(22-ри Март, 2011) Во неверојатен развој за принципите на Универзалната декларација за човекови права, во седиштето на Советот за човекови права при Обединетите нации (UNHRC) во Женева, денес, за време на генералната дебата, Колумбија предаде Заедничко соопштение во која ги повика државите да стават крај на насилство, кривичните санкции и поврзаните кршења на човековите права врз основа на сексуалната ориентација и родовиот идентитет, и го повика Советот за човекови права да ги реши овие важни прашањата. Соопштението беше предадено во име на широка група на 85 земји-членки од сите региони на светот.

Соопштението на тема сексуална ориентација, родов идентитет и човекови права ја доби поддршката на најголемата група на земји до денешен ден. Таа се базира на слично соопштение предадено од страна на Норвешка во Советот за човекови права во 2006-та (во име на 54 членки), како и заедничкото соопштение дадено од страна на Аргентина во Генералното собрание во 2008-та (во име на 66 членки). Јасно е дека секој пат кога станува збор за вакви прашања, се забележуваат мерливи зголемувања на поддршката од страна на членките.

Во текот на истата дебата, Нигерија во име на Африканската група, интервенираше и уште еднаш ја потврди критичната точка дека законите со кои се криминализира сексуалната ориентација треба да се повлечат. Други земји-членки на ОН, на пример, Руската Федерација и Ватикан, исто така, зборуваа против насилство и дискриминација врз основа на сексуална ориентација. Јужна Африка, потписник на заедничкото соопштение, во посебна интервенција истакна дека сексуалната ориентација не е нов проблем за оваа земја, и повика на меѓувладин процес за да се обезбеди отворен дијалог по ова прашање.

За време на шеснаесетата седница на Советот за човекови права, високиот комесар на ОН за човекови права, Navanethem Pillay, изјави: "Ние не се обидуваме да создадеме нови или посебни права. Ние едноставно се обидуваме да одговориме на предизвиците што милиони луѓе се спречени да ги уживаат истите човекови права како останатите граѓани само затоа што тие се лезбејки, геј, бисексуалци или трансродовви лица."

Заедничкото соопштение беше испорачано во име на 119 организации од над 60 земји. Граѓанското општество исто така даде охрабрување за можниот иден дијалог во рамките на Советот, за поддршката на оние земји што сè уште не се чувствуваат во можност да го подржат ова соопштение, но кои ја споделуваат загриженоста на меѓународната заедница за овие системски злоупотреби на човековите права. Тие, исто така, потврдија дека Советот не може да одбие да одговори или да дискутира за кршењето на човековите права на сите поединци.

Група од деветнаесет Национални институции за човекови права, вклучувајќи ги и оние од Кореја, Сенегал и Јужна Африка, исто така, ја потврдија важноста на осудувањето на кршењето на човековите права врз основа на сексуална ориентација и родов идентитет. Овие институции се важни за решавање на повредите на човековите права - вклучувајќи ги и истрагите на претставките, разгледувањата на законите и политиките, покренувањето на национални истраги и едукацијата на јавноста - за подобро да бидат заштититени и промовирани правата на луѓето со нетрадиционални сексуални ориентации.

Во заедничкото соопштение се поддржува она што телата за човекови права на ОН постојано го повторуваа: дека никој не треба да се соочи со повреда на правата поради сексуалната ориентација и родовиот идентитет. Откога Комитетот за човекови права на ОН во 1994 година одлучи дека сексуалната ориентација е категорија која треба да биде заштитена од дискриминација, експертите на Обединетите нации постојано дејствуваа против злоупотребите кои ги таргетираат ЛГБТ луѓето, вклучувајќи убиства, тортура, силување, насилство, исчезнувања, и дискриминацијата во многу области на животот.

Потписнички на заедничкото соопштение при Советот за човекови права се: Албанија, Андора, Аргентина, Ерменија, Австралија, Австрија, Белгија, Боливија, Босна и Херцеговина, Бразил, Бугарија, Канада, Централна Африканска Република, Чиле, Колумбија, Костарика, Хрватска, Куба , Кипар, Чешка Република, Данска, Доминика, Доминиканска Република, Еквадор, Ел Салвадор, Естонија, Фиџи, Финска, Франција, Грузија, Германија, Грција, Гватемала, Хондурас, Унгарија, Исланд, Ирска, Израел, Италија, Јапонија, Латвија, Лихтенштајн, Литванија, Луксембург, Малта, Маршалови Острови, Мексико, Микронезија, Монако, Монголија, Црна Гора, Науру, Непал, Холандија, Нов Зеланд, Никарагва, Норвешка, Палау, Панама, Парагвај, Полска, Португалија, Романија, Руанда, Самоа, Сан Марино, Србија, Сејшели, Сиера Леоне, Словачка, Словенија, Јужна Африка, Шпанија, Шведска, Швајцарија, Тајланд, Источен Тимор, Тувалу, Украина, Обединетото Кралство на Велика Британија и Северна Ирска, САД, Уругвај, Вануату, Венецуела, и Македонија

06:03 / World
0 Likes
21 Mar

Геј и лезбејските активисти се шокирани од апликацијата за Епловите производи iPhone и iPad, за која се тврди дека може да ја „излекува“ хомосексуалноста.

Бесплатната апликација, развиена од страна на анти-геј христијанската организација Exodus International, наводно можела да ги научи корисниците "да се ослободат од хомосексуалноста преку силата на Исус".

Апликацијата, која беше објавена на 15 февруари на iTunes, од страна на Епл и бил даден рејтинг од 4+, што значи дека станува збор за апликација за која се смета дека не се содржи непристојна содржина.

"Со искуство од повеќе од 35 години, Exodus е посветена на охрабрување, едукација и опремување на Телото Христово да одговори на прашањето на хомосексуалноста со благодат и вистина" – се вели во описот на апликацијата.

Организацијата, наводно, се залага за техники како што се апстиненција и зајакнување на чувството за машки и женски идентитет кај хомосексуалците кои би требало да бидат решение за нивниот „проблем“.


06:09 / World
0 Likes
17 Mar

Коалиција СЕКСУАЛНИ И ЗДРАВСТВЕНИ ПРАВА НА МАРГИНАЛИЗИРАНИ ЗАЕДНИЦИ Ве поканува, во вторник, 22.03, во 19.30, во клубот ГЕМ на:

Проекција на филмот ПАРИЗ ГОРИ и
Дискусија на тема: Како да го запалиш својот идентитет?
Воведничар: Станимир Панајотов
Фасцилитатор: Славчо Димитров

Вашето присуство и придонес кон дискусијата ќе ни претставува посебно задоволство и огромна чест.


Париз гори е документарен филм од 1990 година во режија на Џени Ливингстон. Сниман во втората половина од 80те години на минатиот век, овој филм претставува хроника на т.н. ball култура (култура на балови) во Њујорк и различните етницитети вклучувајќи ги Афроамериканците, Латино геј луѓето и трансродовата заедница во нивни рамки.

Џени Ливингстон посветува 7 години на создавање на овој филм во кој е сконцентрирана на интервјуа со клучните фигури од светот на баловите кои фрлаат различни светла врз културата на баловите, но и врз нивните личности. Во филмот, насловите (куќа, мајка, читање и други) покажуваат како субкултурата која филмот ја отсликува ги извлекува зборовите од белиот и хетеронормативен свет и ги исполнува со алтернативни значења. Филмот, исто така, истражува како субјектите во него се справуваат со расизмот, хомофобијата, сидата и сиромаштијата. Drag е презентиран како комплексен перформанс на родот, класата и расата, во кој може да се оствари идентитетот и желбата низ мноштво од димензии.
Париз гори е непроценлив документарец за крајот на „златната ера“ на баловите во Њујорк, но и промислено истражување на концептот за раса, класа и род во Америка.

По филмот следува дискусија на тема „Како да го запалиш својот идентитет?“ на која воведничар ќе биде Станимир Панајотов, а фасцилитатор Славчо Димитров.

Станимир Панајотов е роден 1982 година во Сливен, Бугарија. Во 2004 година дипломира Филозофија на Универзитетот во Софија, Бугарија. Своето образование го продолжува во Македонија кадешто запишува последипломски студии по Филозофија и род на Институтот Евро Балкан. Од 2003 година публикува научни текстови и рецензии во својата земја, но и во странство. Работи и како преведувач (од англиски, македонски и бугарски јазик) на книги и научни текстови од областа на хуманистичките и општествените науки, родовите студии и квир теоријата (вклучувајќи ги и делата на автори како Венди Браун, Адриен Рич, Ив Сеџвик, Дајана Фас и Дејвид Халперин). Во моментов работи на превод на бугарски на книгата „Санитарна енигма“ од Јасна Котеска. Исто така тој е активист за правата на ЛГБТ популацијата во Бугарија и член на Организациониот комитет на Sofia Pride.

Славчо Димитров дипломирал Општа и компаративна книжевност на Универзитетот „Св. Кирил и Методиј“ и е магистер по Родови студии и филозофија на Институтот Евро Балкан. Во моментов тој е студент на докторските студии на одделот за Род и Филозофија на Институтот Евро Балкан кадешто работи како истражувач, асистент и координатор на проекти. Во последниве години тој координирал неколку проекти кои се занимаваат со човековите права и не-дискриминација на малцински заедници во Македонија. Во моментов тој е директор на Коалицијата „Сексулани и здравствени права на маргинализирани заедници“. Публикувал неколку текстови на теми од книжевната и филмска теорија и интерпретација, род, сексуалност и идентитет и современа уметност во Македонија, во различни публикации од академска и уметничка област во земјата и надвор. Неговите главни теоретски и авторски интереси се поврзани со прашањата за родот, културната теорија, политичката филозофија, идентитетот и нарациите, деконструкција на субјектот и квир теоријата.

09:57 / Macedonia
0 Likes
14 Mar

Андреј Куомо, гувернерот од Њујорк, даде изјава на активистите за правата на хомосексуалците дека ќе посвети "целосно внимание" на проблемот на брачната еднаквост. На затворениот состанок, тој изјави дека за него тоа преставува личен проблем.

Според "Њујорк тајмс ", учесниците на состанокот изјавиле дека гувернерот бил "неочекувано силен и страстен" во врска со ова прашање.

За г-динот Куомо се вели дека е внимателен да не избрза со процедурата, како што беше случајот со предлог-законот кој не беше прифатен во Сенатот на САД во 2009-та година.

Во соопштението објавено по средбата, тој рече „За мене ова е повеќе од само еден закон. Се работи за животите на луѓето кои по многу години се без правата кои треба да им бидат загарантирани.“

Во пет држави во САД​ (Масачусетс, Конектикат, Ајова, Њу Хемпшир, Вермонт и Вашингтон) во моментов им е овозможено на хомосексуалните двојки да се венчаат.


06:01 / World
0 Likes
07 Mar

Во неколку африкански земји, вклучувајќи ги Боцвана, Кенија, Мозамбик, Нигерија и Зимбабве се одржаа маршеви со кои беше одбележан Меѓународниот ден на правата на сексуалните работници. Во Јужна Африка, маршеви се одржаа во Јоханесбург, Кејптаун и Мусина.

Маршот беше предводен од страна на Sex Workers' Education and Advocacy Task Force (Sweat) и Sisonke Sex Workers Movement, организации што се борат за човековите права на сексуалните работници.

Голем број од демонстрантите на маршот носеа маски за да се заштитат од стигма, вели Kholi Buthelezi, националниот директор на Sisonke .

Учесниците се сретнаа со полицијата во централната полициска станица во Јоханесбург за да и престават меморандум.

Загриженоста изразена во меморандумот се однесува на полициската бруталност врз сексуалните работници, сексуалните прекршоци извршени од страна на полицијата, како и молба да се истражат некои од кривичните дела извршени од страна на полицијата.


12:06 / World
0 Likes
03 Mar

Крајниот десничарски српски лидер Младен Обрадовиќ ќе оди на суд под обвинение за предизвикување насилство во текот минатогодишната на геј парада во Белград на која повеќе од сто лица беа повредени.

Минатиот четврток за време на отворањето на судската расправа, Обрадовиќ, предводникот на националистичката организација Образ, негираше дека бил одговорен за случувањата.

Обрадовиќ и уште тринаесет други лица се обвинети за насилно однесување на јавнен собир. Тие се соочуваат со казна до дванаесет години затвор.

Екстремно-десничарската група ја нападна полицијата која ја обезбедувше белградската геј парада минатиот окомври. Прозападната српска влада вети дека ќе ги штити човековите права, доколку сака да добие членство во ЕУ.

15:10 / World
0 Likes
27 Feb

Администрацијата на Обама, програмите за размена на прибор за инјектирање ги назначи како дел од третманот на корисниците на дрога, дозволувајќи федералните пари, издвоени за лекување на зависности, да се користат за дистрибуција на чисти шприцеви помеѓу корисниците на дрога.

Оваа одлука означува драматична промена во расправата за програмите за размена на опрема за инјектирање. Пред две години Претседателот Обама ја укина 21-годишната забрана за финасирање на програми за размена на прибор како нужно зло за да се намали ширењето на ХИВ помеѓу корисниците на дрога.

Новата позиција, утврдена од страна на Генералниот хирург на САД, д-р Регина Бенјамин, е дека државите во САД можат да добијат федерални пари за програми кои во третманот вклучуваат размена на прибор на инјектирање.

Бенјамин изјави за Вашингтон Егзаминер дека програмите за размена на игли можат да послужат како портал за третманот од зависност од дрога, ХИВ и други болести.

10:21 / World
0 Likes
21 Feb

Фејсбук ги призна граѓанските заедници и домашните партнерства како статус за членовите на социјалната мрежа, потег кој беше поздравен од страна на групите за застапување на правата на ЛГБТ популацијата како силна изјава на поддршка на истополовите парови.

Гигантот на социјалните медиуми ги додаде статусите "во граѓанска заедница" и "во домашно партнерство " на листата на достапни опции за статусот на членовите во САД, Канада, Велика Британија, Франција и Австралија.

„Со новите опции, на корисниците од целиот свет, Фејсбук им испрати јасна порака за поддршката на геј и лезбиските парови ", рече Џарет Бариос, претседател на Gay & Lesbian Alliance Against Defamation.

„Кога милиони корисници на Фејсбук ќе ги видат овие опции за статус, тие ќе се здобијат со поголемо разбирање на правните нееднаквости со кои се соочуваат посветените двојки од ист пол во големиот број на различни земји", тврди Бариос.

GLAAD е една од националните ЛГБТ организации кои се дел од мрежата на Palo Alto firm's Network of Support, формирана минатиот октомври и која прави напори за борба против сајбер-булиингот.

06:47 / World
0 Likes
17 Feb

Во нова студија, финансирана од страна на државата, се вели дека денеска новите инфекции со хепатит Ц се многу поретки во САД, во споредба со почетокот на 80-тите години на минатиот век.

Според новата студија на истражувачите од Американскиот центар за контрола на болести и превенција (CDC), во средината на 80-тите години од минатиот век, седумдесет лица од еден милион Американци на секоја година добивале акутен хепатитис Ц.

Помеѓу 1994-тата и 2006-тата година, таа стапка е 90 отсто пониска: само 7 лица од еден милион на годишно ниво.

Со текот на годините, лицата кои инјектираат дрога беа сметани за придонесувачи за поголем дел од случаите на зараза, и нивниот ризик од инфекција останува важен здравствен проблем, тврдат истражувачите на CDC во Архивата на интерна медицина.

Хепатитис Ц се пренесува преку контакт со заразена крв - најчесто преку споделување на валкани игли - иако мал број на случаи се пренесени по сексуален пат или од мајка на бебе за време на породувањето.

Напорите за спречување на пренесувањето на хепатит Ц меѓу лицата кои инјектираат дрога - преку едукација и програми за размена на прибор за инјектирање се покажаа како многу ефикасни, се вели во студијата.


13:00 / World
0 Likes