Author: admin

04 Dec

Првиот кинески геј-бар поддржан од владата, чија цел е едукација на хомосексуалци за ХИВ/СИДА, остана празен за време на неговото официјално отворање.


Барот кој се наоѓа во градот на Дали, е невообичаен, бидејќи е финансиран од здравственото биро во југозападна провинција Јунан. Тој требаше да се отвори во вторникот по повод Светскиот ден на борба против сидата, но новинската агенција Xinhua објави дека "поради притисок" отворањето е одложено од страна на локалната власт .


Одложувањето беше повод за вчерашниот уводник во кинескиот дневен весник China Daily во кој се повикува на полиберален пристап кон геј баровите во Кина.


07:12 / World
0 Likes
01 Dec

По 21-ви пат, денеска, светот ќе го одбележи меѓунаордниот ден посветен на борбата против СИДА-та. Групата што работи на оваа тематика при Обединетите нации, а во која се обединети напорите на 5-те агенции UNAIDS, UNHCR, WHO, UNFPA и UNIFEM во соработка со невладината мрежа Y-Peer, невладината Х.Е.Р.А и фестивалот ТАКСИРАТ, организира бројни активности во текот на целиот ден.

Целта е да се поддржат напорите за превенција на пандемиското ширење на ХИВ, да се подобрат условите за лекување и услугите, да се елиминира стигматизацијата и дискриминацијата на луѓето кои живеат со ХИВ/СИДА.
 
Темата на Светскиот ден за борба против СИДА-та се фокусира на аспектот на човековите права, под слоганот
“Ги живеам моите права. Стоп за сидата. Одржи го ветувањето”.

Со седум нови случаи од кои шест ХИВ-позитивни и еден заболен, Македонија и на овогодинешниот Меѓународен ден на борба против сидата се смета за земја со ниска преваленција.


03:37 / Macedonia
0 Likes
23 Nov

Членови на геј заедницата во Вашингтон, главниот град на САД, велат дека тие не се над уценување кога станува збор за докажување на својата поента против Архиепископијата на Вашингтон.

Според една статија, хомосексуалците од Вашингтон се организирале за да ги присилат геј свештениците  да излезат надвор од плакарот во знак на протест  против ставовите на католичката црква за хомосексуалните бракови.

Планот, кој беше детално објаснет на вебсајт наречен  Church Outing, ги охрабрува отворено недекларираните геј свештеници да се разоткријат себе си или да ризикуваат да бидат разоткриени.

06:57 / World
0 Likes
17 Nov

Годинава Х.Е.Р.А. ја издаде на македонски јазик „Сексуални права: Декларација Меѓународната федерација за планирано родителство“ (IPPF-International Planned Parenthood Federation). Се работи за документ којшто на најсеопфатен начин во дава преглед на сексуалните права во рамката на човековите права. Сметаме дека принципите и дефинираните права во Декларацијата претставуваат основа за признавање и унапредување на сексуалното и репродуктивното здравје во Македонија.

Затоа имаме чест да ве поканиме на промоцијата на ова издание кое ќе биде попратено со  трибината „Глобалната перспектива на сексуалните права и предизвиците во Македонија“ што ќе се одржи на 19. 11.2009 (четврток) во Точка во 1300 часот. Учесници во дискусијата ќе бидат Силва Пешиќ, национален советник за човекови права при Канцеларијата на постојаниот координатор за ОН, Жарко Трајановски експерт за сексуални права и Драшко Костовски како претставник од Х.Е.Р.А.  Програмата стои во прилог.

Ќе ни биде задоволство ако земете директно учество во дискусијата и ги истакнете искуствата на вашата организација во полето на сексуалните права.

 


06:39 / Macedonia
0 Likes
13 Nov

ХОПС – Опции за здрав живот во соработка со Коалицијата за промоција и заштита на СЗП на маргинализираните заедници, и со поддршка на Набљудувачката мисија на ОБСЕ во Македонија, има чест да Ве покани на панел дискусија:

‘Корисниците на дроги во медиумите – стигма и дискриминација‘

Панел дискусијата ќе се одржи на 17.11.2009 (втроник) во Клуб на Новинари, од 10:30ч до 12:30ч. Свои излагања ќе имаат: Ирена Цветковиќ, истражувач;  Лазар Бундев, активист за правата на корисниците на дроги; Славица Кнежевиќ- Гајдазис, невропсихијатар и субспецијалист за зависности, а средбата ќе биде модерирана од Жарко Трајановски, истражувач, блогер, колумнист и активист.

07:00 / Macedonia
0 Likes
11 Nov

Администрацијата на Барак Обама во САД објави дека ќе го тргне ХИВ-от од листата на болести кои се пречка за влез во земјата. Одлуката почнува да важи на 1 јануари 2010.

Забраната за прв пат била воведена во 1987 година и, меѓу другото, се барало оние кои имаат аспирации да имигрираат во САД да направат ХИВ тестирање.

Во највата за оваа одлука, претседателот Обама изјави дека "ние зборуваме за намалување на стигмата на луѓето кои живеат со ХИВ, но сепак ги третираме како закана".


06:42 / World
0 Likes
03 Nov

Коалицијата за промоција и заштита на сексуалните и здравствените права на маргинализираните заедници (ХОПС, ХЕРА, ЕГАЛ, ММНШ, СТАР, ИЗБОР) во четврток, 05.11, во 12.00 часот, во просториите на НВО Инфоцентар (Никола Т    римпаре бр. 18 1/5) ќе организира прес конференција по  повод објавувањето на Годишниот извештај за ситуацијата со сексуалните и здравствените права на маргинализираните заедници.

Збор на прес конференцијата ќе земат Славчо Димитров, Координатор на Коалицијата и Жарко Трајаноски, експерт за човекови права и автор на Извештајот.

Годишниот извештај е произлезен во согласност со една од долгорочните стратешки цели на Коалицијата, односно да врши постојано мониторирање, документирање и известување за состојбата со сексуалните и здравствените права на припадниците на маргинализираните групи, како што се лезбејките, гејевите, бисексуалците и трансродните лица, мажите кои имаат секс со мажи, корисниците на дроги, сексуалните работници/чки и лицата со ХИВ/СИДА. Како резултат на едногодишниот процес на мониторирање, беа документирани 40 случаи во кои се индицираат флагрантни кршења на сексуалните права и здравствените права на припадниците на наведените групи. За жал, голем дел од лицата кои пријавија индивидуални случаи на повреда на сексуалните и здравствените права не сакаат да поведат никаква постапка, ниту пак да се известува за нивниот случај, затоа што немаат доверба во институциите на системот.
Сознанијата од овој првичен извештај се засновани не само врз документираните индивидуални случаи (кои беа пријавени кај членките од коалицијата, идентификувани од страна на мониторите или дознаени од медиумите), туку и врз постојаното следење на политиките и легислативата која  непосредно или посредно влијае на промоцијата, остварувањето и заштитата на сексуалните и здравствените права на припадниците на маргинализираните групи.

Подетални информации околу конкретни случаи, вклучително со барањата и препораките кои произлегуваат од овој извештај, прв од ваков вид, ќе бидат презентирани на самата прес конференција.

05:32 / Macedonia
0 Likes
02 Nov

Две недели по извештајот на Европската комисија за Македонија во кој беа упатени сериозни забелешки по однос прашањето на недискриминација во земјата (посебно околу дискриминацијата врз основа на сексуална ориентација), Претседателот на Р.М, Ѓорге Иванов му врачи благодарница за посебни заслуги во борбата против дискриминација на весникот и човекот кои во Македонија веќе со традиција го шират најопасниот говор на омраза кон хомосексуалците, Албанците и сите маргинализирани заедници. Да потсетиме, во својата популистички ориентирана предизборна кампања, Иванов го негираше постоењето на дискриминација врз нехетеросекуалците во Македонија и тврдеше дека истите се саможигосуваат.

Уште позагрижувачки е фактот дека оваа благодарница беше доделена од страна на организација која е еден од основачите на Сојузот “Македонија без дискриминација“, во рамки на изложба на фотографии на тема Македонија без дискриминација, организирана во партнерство со Центарот за човекови права и разрешување на конфликти, Македонскиот центар за меѓународна соработка и Министерството за труд и социјална политика.

05:12 / Macedonia
0 Likes
29 Oct

ХОПС – Опции за здрав живот во соработка со Коалицијата за промоција и заштита на СЗП на
маргинализираните заедници, и со поддршка на Набљудувачката мисија на ОБСЕ во Македонија, има
чест да Ве покани на панел дискусија:

„ЛГБТ во медиумите – заштита од говор на омраза“

Панел дискусијата ќе се одржи на 30.10.2009 (петок) во хотел Арка (мала сала), од 10:30ч до
12:30ч. Свои излагања ќе имаат: Славчо Димитров, истражувач;  Беким Кадриу, експерт за човекови
права; Тамара Чаусидис, Совет на честа при здружението на новинари на Македонија; Кочо
Андоновски, активист за правата на ЛГБТ, а средбата ќе биде модерирана од Жарко Трајановски,
истражувач, блогер, колумнист и активист.

06:00 / Macedonia
0 Likes
27 Oct

Новата вакцина за кокаинска зависност еден ден ќе може да им помогне на луѓето кои се зависници
од кокаин, сопирајќи ја нивната употребата и допринесувајќи да ја надминат зависноста.
Експерименталната вакцина против зависност од кокаин функционира на начинот што го подига
нивото на антитела на кокаинот со кои се попречува способноста на дрогата да влијае врз
мозокот.

Истражувачите откриле дека корисниците кои биле третирани со вакцината постигнале двапати
повисоко ниво на антитела. Кај нив постои двапати поголема веројатност да се намали употребата
на кокаин. Третираните корисници имале и поголем број на негативни резултати од тестовите на
урина за разлика од оние со ниско ниво на антитела или оние пациенти кои примиле пласибо
вакцина.


07:19 / World
0 Likes
21 Oct

На 14 октомври 2009 година, Европската комисија ги објави своите извештаи за 2009 година за напредокот на земјите кои аплицираа за членство во ЕУ - Хрватска, Република Македонија, Турција, Албанија, Босна и Херцеговина, Црна Гора, Србија и Косово. Во извештајот се потенцира напредокот направен од страна на овие земји кон ЕУ интеграцијата, како и предизвиците со кои се соочуваат. ИЛГА-Европа со задоволство гледа на референците во извештаите  кои се однесуваат на човековите права на лезбејките, гејовите, бисексуалците и транссексуалците .

ЛГБТ темите се опфатени во сите извештаи и во нив се користат построги критериуми од страна на Комисијата во однос на повредите на човековите права на ЛГБТ луѓето и за неисполнувањето на  стандардите  на европските партнерства од страна на државите - апликанти. Исто така, позитивно што се  забележува дека во извештаите се дадоа конкретни препораки до државите да воведат анти-дискриминаторските закони и политики, кои се во согласност со барањата на ЕУ. Во извештаите, исто така, се потенцира потребата во пракса да се подигне нивото на заштитата против дискриминацијата  во земјите каде што законите се донесени (Хрватска, Србија). Комисијата конкретно ги критикуваше владите за неуспехот да се обезбеди адекватна заштита на учесниците на белградскиот прајд кој доведоа до откажување на настанот, како и за повреда на слободата на изразување и здружување во фамозниот случај на Ламбда од Истанбул, Турција.

05:27 / Macedonia
0 Likes
16 Oct

ХОПС – Опции за здрав живот во соработка со Коалицијата за промоција и заштита на СЗП на маргинализираните заедници, и со поддршка на Набљудувачката мисија на ОБСЕ во Македонија, има чест да Ве покани на панел дискусија:

‘Сексуалните работници во медиумите – правото на приватност е човеково право‘

Панел дискусијата ќе се одржи на 21.10.2009 (среда) во хотел Арка (мала сала), од 10:30ч до 12:30ч. Свои излагања ќе имаат: Жарко Трајановски, истражувач;  Зоран Бојаровски, новинар;  Елена Стојановска, Дирекција за заштита на јавни податоци; Марија Тошева, ХОПС, а средбата ќе биде модерирана од Ирена Цветковиќ, истражувач, колумнист и активист.

03:52 / Macedonia
0 Likes
09 Oct

На 04.10.2009, во Клуб на Новинари во Скопје, ХОПС во соработка со Коалицијата за промоција и заштита на СЗП на маргинализирани заедници,  спроведе работилница со новинари на тема ‘Медиуми, не-дискриминација и маргинализираните заедници‘.

Целта на работилницата беше да новинарите добијат информации за ЛГБТ популацијата, Сексуална  работа и Корисниците на дрога во Македонија, да се воспостави дијалог помеѓу невладиниот сектор и новинарите во врска со наведените теми и да се разгледа  и потенцира  улогата на медиумите во борбата против стигмата и дискриминацијата, особено насочена кон маргинализираните групи.

Настанот е дел од пошироки активности кои опфаќаат истражувачки дел на медиумите и маргинализираните заедници, работилници со новинари и тематски панел дискусии. Активностите финанскиски се поддржани од Набљудувачката Мисија на ОБСЕ во Македонија.

05:09 / Macedonia
0 Likes
01 Oct

Како што Албанија се подготвува да ги легализира хомосексуалните бракови, Владата на Косово вели дека за таквиот потег воопшто не расправа.

На хетерхосексуалните мажи и жени им е дозволено да шетаат по улиците рака под рака, да одат на состаноци во повеќето ресторани во градот, и отворено да флертуваат во барови и кафулиња. Но, кога Аријан излегува на пијалок со својот дечко тие се претставуваат како само пријатели - хомосексуалноста останува табу во Косово.

"Нашата религија ја прогонува хомосексуалноста, екстремистите ги тепаат хомосексуалците. Сум бил физички и емотивно злоупотребуван, па фактот што сум геј го чувам само за себе ", вели Аријан, привлечен млад човек кој живее во Приштина.

Со последниот предлог на албанската влада за легализирање на хомосексуалните бракови, забраната на геј прајдот во Белград минатиот викенд, геј правата станануваат жешка тема на Балканот. Но, дебатата на оваа тема во Косово е пригушена.

06:35 / World
0 Likes
29 Sep

Од 16 до 24ти Септември, во Охрид, Македонија, се одржа третата годишна средба на SWAN, на која учествуваа 50 претставници на организации и групи на сексуални работници од 16 земји во регионот на Источна Европа и Централна Азија.

 

Самата средба претставуваше комбинација од повеќе настани – работилница за самоорганизирани акции на сексуалните работници, стратешко планирање на самата мрежа, обука за документирање на кршење на правата на сексуалните работници, обука за работа со медиуми, дискусии на теми од заеднички интерес на претставниците – промоција на регионален извештај за сексуалните работници и полициското насилство, координирање на регионалната кампања по повод 17ти Декември и слично.


Домаќин и организатор на годинашната средба беше ХОПС – Опции за здрав живот, членка на SWAN уште од самото формирање на мрежата во 2006 година.

 


04:46 / Macedonia
0 Likes
25 Sep

Научниците од Bay Area ги прославија првите ветувачки резултати од најголемото тестирање на вакцина за СИДА, но и предупредија дека е се потребни поголеми истражувања пред вакцината да може  биде дадена на располагање за јавноста.

Веста дека експерименталната вакцина против СИДА тестирана на 16.000 доброволци од Тајланд се покажала како безбедна и скромно ефективнивна, ги изненади истражувачите, кои досега беа навикнати на неуспехот во еднодецениските напори да се најде вакцина за заштита од ХИВ инфекција.
04:52 / World
0 Likes
23 Sep

По повод забраната на Парадата на гордоста во Белград

Коалицијата за заштита и промоција на сексуалните и здравствените права на маргинализираните заедници најостро реагира на одлуката на Министерствотот за внатрешни работи, Државната безбедност и Владата на Република Србија за повлекување на првичната одлука за заштита и подршка на Парадата на гордоста во Белград, којашто требаше да се одржи на 20.09.2009 на Плато пред Философскиот Факултет во Белград.

Имено, ваквата одлука донесена и објавена еден ден пред одржувањето на Парадата претставува сериозен индикатор за колапсот на принципите на недискриминација, човекови права и уставноста на државата пред заканите на клерофашистичките групи и нео-нацистичките формациии во земјата. Сметаме дека ваквата одлука претставува своевиден чин на летимизација на насилството и демонстрација на немоќ на државата пред групи од ваков тип, како и целосно демотивирање и нарушување на вербата во институциите на системот и државата кај веќе маргинализираните, исклучените и ранливите групи како што е ЛГБТИК популацијата.

Уште позагрижувачки е фактот дека одговорните Владини инстанци не презедоа никаква одговорност после забраната на Парадата на гордоста. Изјавите на Министерот за човекови права на националната ТВ Б92 со кои говорот на омраза кој циркулираше насекаде низ јавниот простор во Белград неколку дена пред одржувањето на Парадата беше окарактеризиран како прашање на слобода на говор, а не како повик на насилство, говор на омраза и ширење на нетрпеливост кон одредени групи укажува на опасноста од натамошна летимизација и несанкционирање на изкази од ваков вид, а со тоа и перпетуирање на насилствотот врз ЛГБТ популацијата.



05:06 / World
0 Likes
18 Sep

Српската влада вчера соопшти дека ќе распореди неколку илјади полициски службеници со кои ќе се заштитат учесниците на геј прајот кој екстремистички групи се заканија дека ќе го прекинат.

Оваа изјава доаѓа поради стравувањата дека првиот геј прајд по оној од 2001 година може да еруптира во насилство.

Неколку ултра-десничарски групи се заканија дека ќе го растурат маршот, кој е предвидено да се одржи во недела во Белград, тврдејќи дека и наштетува на Србија, која е  главно конзервативно општество. Екстремистите, наводно, планираат напад врз учесниците, но и врз  обезбедувањето на настанот и полицијата.

05:01 / World
0 Likes
15 Sep

Во индонезиската провинција Aceh е донесен нов закон со кој прељубата се казнува
со каменување до смрт, изјави член на парламентот на покраината.

Со законот, исто така, се наметнуваат строги казни за силување, хомосексуалност,
конзумирањето алкохол и коцкањето.

Противниците се обиделе да го одложат законот, велејќи дека  е потребно повеќе
дебата бидејќи со законот се предвидува смртна казна.

Шеријатскиот закон беше делумно имплеметиран во Aceh во 2001-та година, како дел
од решението на владата да се смират сепаратистички бунтовници.

02:18 / World
0 Likes
11 Sep

Москва - Претседателот на Русија Дмитри Медведев, минатот вторник, ја осуди како закана за националната безбедност употребата на дрога од страна на младите лица и и нареди на владата да изработи програма против употребата на дрога  со која ќе се воведат построги казни за криминалните дела поврзани со дрога.

Тој изјави дека ќе им се изрекуваат подолги казни на луѓето кои продаваат дрога на малолетници, како и за организираните шверцери на дрога и  корумпираните службеници.

„Мораме да ги зголемиме казните за сите криминални дела поврзани со дрога, особено за дистрибуцијата на дрога на јавни места каде што младите се релаксираат“ -  изјави Медведев.

06:36 / World
0 Likes