Macedonia

НЕ! за хомофобијата во образованието

БАРАЊЕ до Министерот за образование

Имајќи предвид дека веќе со години во македонскиот образовен систем (основното, средното и високото образование) се публикуваат учебници кои служат за целите на наставата, а во кои се презентираат ставови и сознанија поврзани со сексуалноста и сексуалната ориентација кои се научно незасновани, застарени и идеолошки обоени;

Имајќи ги предвид 10-та ревизија на Меѓународната Класификација на Болести (МКБ-10), усвоена од страна на Светската здравствена организација – СЗО, во која под ознаката F66 Психолошки растројства на обноските поврзани со сексуалниот развој и ориентација и други растројства експлицитно напоменато стои дека дека ‘сексуалната ориентација сама по себе не се смета за растројство’, како и DSM- IV класификацијата објавена 1973 година од Американското Здружение на Психијатри во која хомосексуалноста исто така не се наоѓа на листата на ментални растројства , а кон кои се придружуваат и одлуките на Македонската лекарска комора и Македонската асоцијација на психијатри;

Имајќи предвид дека ваквите текстови претставуваат опасност и обид за манипулација на образованието за целите на ширење на хомофобија, говор на омраза и поттикнување на негативни предрасуди и социјално исклучување на хомосексуалците;

Имајќи го предвид фактот дека ваквите текстови претставуваат сериозно прекршување на основните национални и интернационални одредби со кои се забранува хомофобијата и најстрого казнува секаков вид на говор на омраза, вклучително со Лисабонскиот Договор, член 5б, каде што експлицитно е нагласено дека “во дефинирањето и имплементирањето на сопствените политики и активности, Унијата ќе се стреми кон борба против дискриминацијата, заснована на пол, раса или етничко потекло, религија или верување, попреченост, возраст и сексуална ориентација“. Во оваа насока и чл. 3 од новоусвоениот Законот за спречување и заштита од дискриминација во Македонија, со кој најстрого е регулирана дискриминацијата на сите граѓани врз многубројни основи, вклучително и врз основа на сексуалната ориентација или родов идентитет, истакнува дека “се забранува секоја директна или индиректна дискриминација, повикување и поттикнување на дискриминација и помагање во дискриминаторско постапување врз основа на пол, раса, боја на кожа, род, припадност на маргинализирана група, етничка припадност, јазик, државјанство, социјално потекло, религија или верско уверување, други видови уверувања, образование, политичка припадност, личен или општествен статус, ментална и телесна попреченост, возраст, семејна или брачна состојба, имотен статус, здравствена состојба или која било друга основа која е предвидена со закон или со ратификуван меѓународен договор“.

Имајќи предвид дека ваквите текстови не ги почитуваат сознанијата, одредбите и прогласите на цела низа релевантни институции во доменот на медицината и психологијата и психијатријата, со чинот на патологизација на хомосексуалноста, а во книги кои се користат како учебник во средното образование, активно учествуваат во дискриминаторската пракса на ширење на хомофобични изјави , и тоа помеѓу лица кои допрва го стекнуваат суштинското образование и кои активно учествуваат во консолидацијата на македонското општество.

Со оглед на сето гореспоменато, ние долупотпишаните организации, установи и индивидуи, бараме од Министерството за образование:

    * итно повлекување на сите учебници од ваков тип од нивна понатамошна употреба во наставно-образовниот процес како нужна превентивна мерка за спречување на идните штети кои произлегуваат од нивната употреба (Костова Марија. Педагогија за трета година гимназиско образование. Скопје: Просветно дело, 2005; Темков Кирил. Етика за втора година гимназиско, Просветно Дело 2004; Чадловски Георги. Психијатрија. Скопје, Просветно дело: 2004; Чадловски Георги. Медицинска психологија. Скопје, Просветно дело: 2004; Шкариќ Олга. Развојна Психологија . Скопје, Филозофски факултет: 2004;)
    * Министерството за образование да спроведе соодветни санкции за авторите и рецензентите на учебниците и да востанови механизми за избегнување на вакви состојби при рецензирањето на нови учебници и да организира и да спроведе обуки на лицата одговорни за одобрување на наставно – образованите програми и соодветните учебници
    * Да воспостави систем за спроведување на санкции за сите кои поттикнуват хомофобични ставови во рамки на наставно-образованиот ситем во Република Македонија.
    * Министерството да спроведе систематска ревизија на целокупните образовни програми со што би се коригирале и спречиле сите можности за хомофобија и секаков друг вид на говор на омраза и дискриминација во образовниот систем.

Со почит,

Коалиција ’Сексуални и здравствени права на маргинализираните  заедници’

Реакција по повод текстот „Знамиња“ објавен во Вечер

Реакција против хомофобичниот говор на омраза на г-нот Драган Павловиќ - Латас

Почитувани,
Коалицијата за сексуални и здравствени права на маргинализираните заедници најостро реагира на колумнистичкиот текст објавен на 18.10.2010 во Вечер со наслов Знамиња, а потпишан од Драган Павловиќ Латас. Коалицијата го осудува хомофобичниот говор на омраза со кој се стигматизираат нехетеросексуалците преку негативно стереотипизирање и креирање на ирационален страв кај општата јавност од истата група луѓе.

Додека Советот на Европа ја слави годишнината од усвојувањето на Европската конвенција за правата на човекот, ние во Македонија со жалење можеме да утврдиме дека принципите на човекови права, еднаквост и недискриминација се сеуште под сериозен удар и закана. Погорепосочениот текст сметаме дека претставува парадигматичен удар врз правото на еднаквост на луѓето со нехетеросексуална ориентација. Во текстот се експлоатираат негативни стереотипи и предрасуди кон хомосексуалците и се поттикнува страв и нетрпеливост кон оваа група на луѓе како „закана“ и „опасност“, не само за граѓаните на Република Македонија, туку и за целиот човечки род. Со ваквиот говор се загрозува  нивната безбедност и право на достоен живот ослободен и заштитен од дискриминација.
Она што посебно загрижува во последниов од низата хомофобични написи на Д.П.Латас е имплицитното одобрување на насилниците кои на најбрутален начин се обидоа да ја попречат Парадата на гордоста во Белград, кои ја нападнаа полицијата, го демолираа центарот на Белград, при што беа повредени стотина полицајци и граѓани.

Конечно, истиов текст не само што ја поттикнува нетрпеливоста и стигматизацијата кон луѓето со поинаква сексуалност - неосновано претставени како преносители на ХИВ и опасност за наталитетот - туку, во исто време го поттикнува и стравот и стигмата кон луѓето кои живеат со ХИВ/СИДА и кон сите индивидуи кои не учествуваат во репродуктивната национална и биолошка матрица.

Коалицијата ги повикува сите државни институции, медиумите и општата јавност одлучно да застанат и да го осудат хомофобичниот говор со кој се подриваат основните демократски принципи, еднаквоста, правдата и недискриминацијата.
Коалицијата бара од Владата да изготви посебна програма за борба против хомофобијата и социјалното исклучување на лицата со поинаква сексуалност, која ќе содржи конкретни активности за борба против хомофобичниот говор на омраза, вклучително и законски измени кои ќе овозможат негово препознавање и санкционирање.

ХОПС доби меѓународна награда

НВО ХОПС ДОБИ НАГРАДА ОД ОБЛАСТА НА ХИВ И ЧОВЕКОВИТЕ ПРАВА
Застапници на правата на сексуалните работници и корисниците на
дрога беа наградени на Меѓународната конференција за СИДА


(Виена, 20 јули, 2010 година) — ХОПС – Опции за здрав живот е добитник на
Меѓународната Награда за ХИВ/СИДА и Човекови Права за 2010 година, објави денес
Канадската Правна Мрежа за ХИВ/СИДА и Хјуман Рајтс Воч (Human Rights Watch).
Наградата со која се одликуваат извонредни поединци и организации кои работат на
заштита на правата и достоинството на луѓе кои се под ризик или влијание на
ХИВ/СИДА, беше доделена во Виена на 20 јули, 2010 година, на XVIII Меѓународна
Конференција за ХИВ/СИДА.

“Сексуалните работници секојдневно се соочуваат со прекршувања на нивните
човекови права, вклучувајќи и дискриминаторско одбивање на здравствени услуги,
произволни приведувања од страна на полицијата, малтретирање, и сексуално и
физичко насилство,” рече Ричард Елиот, извршен директор на Канадската Правна
Мрежа за ХИВ/СИДА (www.aidslaw.ca). “Оваа награда го потврдува огромниот
придонес на ХОПС во потрагата по правда за сексуалните работници и во
подобрувањето на нивниот пристап до здравствени, социјални и правни услуги.”
Почнувајќи од 1997 во Скопје, ХОПС ја отвара првата програма за размена на опрема
за инјектирање во Македонија. Оттогаш, успешно спроведува неколку програми за
намалување на штети, на тој начин спречувајќи го ширењето на ХИВ/СИДА и други
сексуално и крвно преносливи инфекции. Ја поддржува и социјалната реинтеграција и
ре-социјализација на младите и ранливите групи како што се корисниците на дрога,
сексуалните работници и нивните семејства.

Дискриминација во најавата за МОТО Фестивалот

Денес, 17-ти јуни, во 11.00 часот во просториите на Клубот ГЕМ беше одржана прес конференција по повод вршењето и поттикнувањето на дискриминација и ширењето на говор на омраза забележано на најавниот материјал (постери и интернет страна) за 6-от поред интернационален МОТО Фестивал.

Збор на Конференцијата зедоа Славчо Димитров (Коалиција за сексуални и здравствени права на маргинализирани заедници), Наташа Бошкова (Правен застапник за Коалицијата), Мирјана Најчевска (Центар за човекови права и разрешување на конфликти), Кочо Андоновски (Македонски Хелсиншки Комитет) и Жарко Трајаноски (Експерт за човекови права и демократија).

Учесниците на пресот нагласија дека ваквиот акт претставува репрезентативен пример на вршење на дискриминација, не само врз луѓето со нехетеросексуална ориентација, туку воопшто и врз други групи на луѓе, како и атеистите и анти-теистите. Имено, на постерот за фестивалот експлицитно напоменатио стои дека присуството на фестивалот е забрането за: Алкохол, Дрога, Оружје, Животни, 666 и Педераси. Со овој акт се прекршува како Уставот на РМ, така и серија други законски одредби, вклучително со новодонесениот Закон за недискриминација.

Најзагрижувачки е фактот дека веднаш под дискриминаторскиот текст, стојат логоата и на Златен даб и Град Скопје како главен спонзор на фестивалот. Откако Коалицијата за сексуални и здравствени права поднесе иницијатива до Народниот правобранител, од канцеларијата на истиот е поднесена иницијатива за преиспитување на постапката до Град Скопје. После разговори и со претставници на Градот Скопје, истите излегоа со соопштение до јавноста (http://www.skopje.gov.mk/ShowAnnouncements.aspx?ItemID=3442&mid=482&tabId=1&tabindex=0). Јавно се оградија и од Прилепскла пивара кои ја осудуваат дискриминацијата од секаков вид.

На прес конференцијата беше поздравена одлуката и соопштенијата како на Град Скоје, така и на Прилепска пивара. Сепак, побарано е од истите целосно да го повлечат своето лого од постерите и да го повлечат своето спонзорство на фестивалот и на тој начин да го спречат ширењето на дискриминацијата кое со овој постер продолжува и после нивните значајни Соопштенија. Ова е посебно очекувано од Град Скопје кој мора јасно, експлицитно и одлучно да застене во борба против дискриминацијата и во нејзиното спречување, односно превенирање.

На прес конференцијата беше упатен апел и до сите учесници на Фестивалот. Имено, со само учество на фестивалот истите ја подржуваат дискриминацијата и од овие прицини беше упатен јавен повик до сите нив одговорно да го повлечат своето учество и со тоа да застанат против дискриминацијата. Истиот апел беше упатен и до сите граѓани на РМ и градот Скопје, кои во овој момент треба да потврдат дека Скопје е град на солидарноста, а дека истите ги застапуваат принципите на еднаквост, недискриминација и човекови права подеднакво за сите.

Реакција по повод објавен текст во “Вест“

До: Уредничка редакција на дневниот весник “Вест“

Почитувани,
Во четвртокот, 10.06.2010, во вашиот дневен весник е објавена статија со наслов “На курвите им падна цената: Економската криза во Македониајa го погоди и најстариот занает“, кој истовремено е објавен и на насловната страна на весникот.

Коалицијата за сексуални и здравствени права на маргинализираните заедници остро реагира на објавениот текст, односно објавениот наслов кој ја следи и репродуцира непрофесионалната логика на медиумски сензационализам и кој употребува стигматизирачка, дискриминирачка и навредлива терминологија. Користењето на терминологија од ваков тип е во спротивност со Етичкиот кодекс на Здружението на новинари на РМ, но и со одредбите на Европската Асоцијација на новинари. Исто така, употребата на дискриминаторскиов термин е во спротивност со основното право на сите луѓе и заедници да се самоопределуваат и самоименуваат.

Реадакција на неделен весник „Глобус“

Предмет: Реакција во врска со написот „Кондомите предизвикуваат рак на дојката!?“, број 162, од 25.5.2010, потпишан од Наташа Црвенковска

Со ова писмо поднесуваме остра реакција во врска со написот „Кондомите предизвикуваат рак на дојката!?“, број 162, од 25.5.2010, потпишан од Наташа Црвенковска објавен на насловната страна.

Го поздравуваме изборот на вашата редакција да покрие тема од областа на сексуално и репродуктивното здравје, со цел да се подигне свеста за ракот на дојката и да ја стимулира употребата на орална контрацепција. Сепак со ексклузивното и сензационално истакнувањето на ставовите на д-р Ѓоргов „Глобус“ испраќа целосно грешна и опасна порака.

Во земја во која:

- само 34,4% од младите користеле кондом при својот последен сексуален однос[1]

- младите немаат соодветен пристап до услуги за сексуално и репродуктивно здравје

- не постојат соодветни информации за првиот сексуален однос и начините за заштита од сексуално преносливите инфекции во образовниот систем

- превладуваат предрасудите дека македонската нација е здрава и дека сите инфекции асоцирани со сексуалноста доаѓаат од странство

- 1,6 од девојките на возраст од 15 до 19 години користат орална контрацепција[2]

- речиси не постојат квалитетни бесплатни кондоми

испраќате порака со која што го практично ја сатанизирате употребата на кондомот и со тоа учествувате во поттикнување на трендот на ризично сексуално однесување.

Соопштение за јавност

Коалицијата за заштита и промоција на сексуалните и здравствените права на маргинализираните заедници денес, 17-ти мај, одржа прес конференција на отворен простор во Паркот на Жената борец веднаш наспроти Собранието на Република Македонија, местото во кое беше изгласан дискриминаторскиот закон за недискриминација. Одржувањето на е мотиварано од Интернационалниот ден против хомофобија –ИДАХО.

Збор на прес конференцијата зедоа: Славчо Димитров, Кординатор на Коалиција за заштита и промоција на сексуалните и здравствените права на маргинализираните заедници, Жарко Трајаноски, Консултант на Коалицијата за човекови права, и Мирјана Најчевска, експерт за човекови права и претседател на Центар за човекови права и разрешување на конфликти 

Прес конференцијата беше надополнета со свечено објавување на добитниците на благодарници за посебен придонес во борбата против хомофобијата. Благодарница за посебен придонес во развојот на геј порно естетиката му бесе упатена на Драган Павловик Латас; Пофалница за најнадежен студент во областа на правото на "еротската унија" му беше доделена на Влатко Горчев; Благодарница за посебен придонес во развојот на феминистичката мисла и движење во Македонија и беше упатена на Косана Николиќ-Мазнева, и Благодарница за посебен придонес во враќањето на 19-век-овините принципи во Психијатријата-за Доктор Јован Гинев.

На крајот на прес конференцијата во небото на Скопје беа пуштени 100 балони во боја на виножите како симбол за славење на слободата, различностите и еднаквоста.

Секоја година, на 17-ти мај, Интернационалниот ден против хомофобија и трансфобија, ги потсетува сите грагани во светот дека постои огромна потреба за преземанје на акција. Во повеќе од 80 земји ширум светот, хомосексуалните акти се сеуште нелегални. Во одредени ситуации истите законски се казнуваат и со доживотен затвор. Во седум земји сеуште се применува и смртната казна. Во земјите во кои хомосексуалноста не е нелегална, дискриминацијата и физичките напади се сеуште чести појави. Иако во некои земји може да се забележи значаен прогрес, истиот е под постојана закана. Во Македонија новодонесениот закон за спречување и заштита од дискриминација ја исклучи сексуалната ориентација како експлицитно вброен основ за забрана од дискриминација. Истиот закон во последниве неколку месеци бесе искористен за интензивирање и зачестување на хомофобични искази и дискриминација.

Во прилог ви го доставуваме и линкот од видео обракањето на Претстедателот на Европскиот Парламент, Jerzy Buzek: http://www.ilga-europe.org/media_library/ilga_europe/news_item_files/video_message_from_the_president_of_the_european_parliament_jerzy_buzek

Меѓународен ден против хомофобија и трансфобија

Коалицијата за заштита и промоција на сексуалните и здравствените права на мргинализираните заедници има за чест да ве покани на прес конференција која ќе се одржи на 17-ти мај, во 12.30 ч, на отворен простор во Паркот на Жената борец веднаш наспроти Собранието на Република Македонија. Одрзувањето на прес конференцијата е по повод Интернационалниот ден против хомофобија –ИДАХО.

Прес конференцијата ќе биде надополнета со специјален краток настан на истата локација, како и со свечено прогласување на наградите на одредени поединци за посебен придонес во борбата против хомофобијата.


Секоја година, на 17-ти мај, Интернационалниот ден против хомофобија и трансфобија, ги потсетува сите граѓани во светот дека постои огромна потреба за преземање на акција. Во повеќе од 80 земји ширум светот, хомосексуалните акти се сеуште нелегални. Во одредени ситуации истите законски се казнуваат и со доживотен затвор. Во седум земји сеуште се применува и смртната казна. Во земјите во кои хомосексуалноста не е нелегална, дискриминацијата и физичките напади се сеуште чести појави. Иако во некои земји може да се забележи значаен прогрес, истиот е под постојана закана. Во Македонија новодонесениот закон за спречување и заштита од дискриминација ја исклучи сексуалната ориентација како експлицитно вброен основ за забрана од дискриминација. Истиот закон во последниве неколку месеци беше искористен за интензивирање и зачестување на хомофобични искази и дискриминација.


Ве покануваме сите заедно да го одбележиме овој ден и заедно да застанеме во борбата против насилството, хомофобијата и загрозувањето на основните принципи на демократијата и човековите права.Се надеваме дека ќе ни се приклучите на овој скромен, но исклучително значаен настан.

Kампањата за намалување на стигма

Во тек е кампањата за намалување на стигма кон корисници на дрога

Минатиот понеделник започна кампањата за намалување на стигма и  дискриминација кон лицата кои употребуваат дроги, како дел од годишната програма за работа на Локалниот експертски центар за дроги.

Кампањата стваруваше со поставување на постери на автобусите на Јавното сообраќајно претпријатие „ЈСП“- Скопје, прикажување проекции на постери на јавни ѕидни површини во центарот на градот, поставување на билборди на велосипеди кои ќе се движат на различни локации, итн.

Завршниот настан на кампањата ќе биде проследен со проекции на постерите и прикажување на театарска претстава на тема „Стигма“, во организација на театарска група „Сенки и облаци.“

27-мо издание на билтенот на СВАН

Објавено е 27-то издание на билтенот на Мрежата за затапување на сексуалната работа СВАН.

Треба да знаеш за мене- видео за кампањата на македонските секаулни работници

Во Македонија, како и ширум светот, сексуалните работници се турнати на маргините на општеството од страна на комбинација на предрасуди, дискриминација и насилство. Навредите и омразата се секојдевен дел од нивниот живот...Повеќе...

Tais Plus и ХОПС ќе учествуваат на конференцијата за намалување на штети во Ливерпул

Од 25-ти до 29-ти април 2010, во Ливерпул, Англија, каде што и се одржа по прв пат, ќе се одржи 21-та Меѓународна конференција за намалување на штети. Повеќе..

Превземете го билтенот во верзија за печатење овде.

Европратениците до македонскиот Парламент

Не гласајте за нецелосниот  закон за анти-дискриминација
 
БРИСЕЛ, 30 март 2010 - Неколку членови на Европскиот парламент денес му
пишаа на Собранието на Република Македонија, повикувајќи ги пратениците
повторно да рамислат за гласањето на пленарната седница за нецелосниот
закон за анти-дискриминација. Во сегашната нацрт верзија, законот не ја
опфаќа дискриминацијата врз основа на сексуална ориентација.
 
Во писмото се наведува дека предлог-законот, за кој што ќе се гласа
идната недела, оди против европските принципи на сеопфатна
недискриминација. Доколку се изгласа, законот ќе треба да се преиспита во
периодот на пристапување на земјата кон ЕУ - па зошто да не спроведе
сеопфатна легислатива сега, тврдат пратениците. Во писмото, исто така, се
потсетува парламентот на Република Македонија за идните правни обврски на
земјата кога ќе стане полноправна членка на Европската унија.
 
Писмото е потпишано од страна на шестмина членови, вклучувајќи го и ко-
претседателот на Зелените / Европска слободна алијанса, како и двата ко-
претседатели на мешаната група на Европскиот парламент за ЛГБТ права.

ПРЕС-КОНФЕРЕНЦИЈА

Законот за антидискриминација не ги исполнува европските критериуми

Коалицијата за заштита на сексуалните и здравствените права на маргинализираните заедници, во соработка со Фондацијата Институт отворено општество Македонија (ФИООМ), Македонскиот Хелсиншки комитет и ЦИВИЛ, на 23 март организираше прес-конференција на која јавно го критикуваше новиот Закон за заштита и спречување на дискриминација.

Според Наде Наумовска од ФИООМ, прифатените амандмани не придонесуваат за подобар закон за антидискриминација. Во делот каде што се наведени работите кои нема да се сметаат за дискриминација, семејството е дефинирано „како заедница на спротивни полови, односно на еден маж и жена“. Ова е сосема контрадикторно на Законот за семејство, каде што „семејство е животна заедница на родители и деца и други роднини, ако живеат во заедничко домаќинство“.

Наумовска ги повика предлагачите на амандманите да објаснат зашто во предложените амандмани како исклучок од дискриминација се внесува и уставно гарантираното начело на слобода на говорот, јавниот настап, мислење и јавното информирање за исклучок од дискриминација. Ваквите слободи се веќе дефинирани во Уставот на Република Македонија и истите не треба да се земаат како апсолутно право, но  и интервенирањето во овие права е веќе регулирана правна материја согласно кривичниот законик и согласно ратификуваните меѓународни договори.

Предвидената комисија за антидискриминација е исто така спорен дел од Законот. Не е определено времето за нејзино започнување со работа и нејзината организациона структура и начин на постапување, професионалниот карактер на функцијата и неспоиливоста на истата со вршење на друга функција, како и недефинираноста на улогата претседателот на комисијата. И по прифатените амандмани, Комисијата останува оневозможена самата да покренува постапка за спречување, утврдување или заштита од дискриминација.

Коалицијата за заштита на сексуалните и здравствените права на маргинализираните заедници го осуди начинот на кој се водеше дискусијата за овој закон во Собранието на Република Македонија.  Наместо да се афирмираат вредностите кои ги промовира Закон, а кои се засноваат на принципите на еднаквост, недискриминација и универзално почитување на човековите права, актуелната дебата за Законот провоцираше серија хомофобични говори кои доаѓаа од страна на претставници на релевантни институции.

Славчо Димитров, претставник на Коалицијата, изјави дека дебатата за Законот, едновремено, се користи и за директен напад врз граѓанскиот сектор, негова делегитимизација и непосредно посочување и жигосување на граѓанските активисти.

Законот за антидискриминација е еден од поважните закони кои треба да бидат донесени за да може да напредуваме во евроинтеграциите, но законот предложен од владата го нема неопходниот квалитет, заклучи Џабир Дерала од ЦИВИЛ.

МПЦ-ОА шири омраза и суди!

Реакција на соопштениeто за јавност од МПЦ–ОА од 11.03.2010 [1]

Хелсиншкиот Комитет за човекови права на Република Македонија реагира на соопштението за јавност на Синодот на Македонската православна црква – Охридска архиепископија (МПЦ – ОА) од 11.03.2010 година, кое ги нарушува човековите права на одредени групи граѓани во Република Македонија, ја зголемува стигмата кон нив присутна во општеството и спротивно на основното учење кое го проповеда оваа институција, шири омраза и ја презема улогата на судија.

МПЦ–ОА воопшто не е повикана да го признава, како што стои во нејзиното соопштение, туку е должна да го почитува правниот систем на државата. Ова, изречно произлегува од Уставот и од Законот за правната положба на црквите, верските заедници и религиозните групи според кој "црквата ...своите активности ги врши согласно со позитивните законски прописи на Република Македонија[2]"

Уставот на РМ не остава дилеми во однос на релацијата помеѓу државата и црквата, според кој црквата, верската заедница и религиозната група се одвоени од државата и се еднакви пред закон[3], со што се дефинира секуларизмот во едно демократско општество  и секој ваков груб обид за мешање на верските заедници во правниот поредок на државата, истата  мора да го санкционира.

Обидот за дефокусирање на јавноста од нејзините внатрешни проблеми, не смее МПЦ-ОА да го насочува кон сатанизирање на сите останати во општеството. Мешањето во демографската политика, вклучително и приватноста на одлуката колку детно ќе е едно семејство, е во директна контрадикција со залагањето на МПЦ – ОА за приватност на сексуалната ориентација. Небулозата за нарушување на правата на „другите“ со забранување на дискриминација врз основа на сексуалната ориентација, не само што излегува надвор од доменот на експертиза и надлежност на една верска установа туку претставува ширење на дезинформации и страв, дејствија кои се недозволиви во едно демократско општество.

Непознавањето на материјата за човековите права не може да биде изговор за ваквото бескрупулозно навредување  на човековите права на определени групи и ширењето на омраза кое МПЦ – ОА не за првпат ги прави, а спротивно на христијанскиот дух кој треба да го шири. 

Владеење на правото е одлика на едно демократско општество а тоа пак подразбира почитување на законите и правниот поредок од сите и од секого па макар тоа била и најголемата верска заедница во државата.

Ваквиот акт на МПЦ – ОА, во синергија со јавните настапи и акции на Владата на РМ ја потенцира во последно време честата појава на дискриминација и насилство од различен вид кон одредена група граѓани само заради нивната сексуална ориентација, како и нивна злоупотреба заради дневно-политички причини и заради покривање на крупни проблеми во општеството.

Ова уште еднаш ја потврдува потребата од носење на ефикасен и применлив Закон за спречување и заштита од дискриминација поради што апелираме до Собранието на Република Македонија сериозно да пристапи кон процесот на носење на овој круцијален закон, но не во оваа форма предложена од Владата туку да донесе акт кој реално ќе овозможи заштита на граѓаните од дискриминација, која за жал метастазира во секоја пора на нашето општество.[4]

Скопје, 16 март 2010

[1] http://www.mpc.org.mk/vest.asp?id=4274
[2] Член 7, Закон за правната положба на црквите, верските заедници и религиозните групи, Сл. Весник на Р.М. бр.113/07 од 20.09.2007 год.
[3] Член 19 од Устав на РМ
[4] Забелешките на Предлог Законот за спречување и заштита од дискриминација на Хелсиншкиот Комитет за човекови права на Република Македонија можете да ги најдете на www.mhc.org.mk

 

Јавен повик

Лудвиг Болтцман Институтот за Човекови Права – БИМ-ВФ со особено задоволство ги повикува сите граѓански организации кои се активни на полето на намалување на сиромаштијата и социјално вклучување, т.е. НВОи, фондации, синдикати и други релевантни актери, како што се социјалните работници, истражувачи итн. да земат учество во основањето на Македонската Платформа Против Сиромаштија (МППС).

Во рамките на проектот ,,Социјално вклучување и човековите права во Македонија“, кој е финансиран од Австриската Агенција за Развој , БИМ-ФВ ќе го поддржи основањето на една ваква платформа која ќе ја поврзе Република Македонија со остатокот од Европа во борбата против сиромаштијата и социјалната исклученост.

Основањето на Македонската Платформа Против Сиромаштија, која во иднина може да стане членка на Европската Мрежа Против Сиромаштија (www.eapn.org) има и симболично значење, со оглед на тоа дека истата се основа во 2010 -  година која е прогласена за Европска година на борба против сиромаштијата и социјалната исклученост.

Барање до Владата на Република Македонија

Барање до Владата на Република Македонија како предлагач на Законот за спречување и заштита од дискриминација

Имајки го предвид значењето кое што го има донесувањето на легислативата за еднаквост во Република Македонија
Имајки го предвид долгиот процес на развој на ваква легислатива

Имајки го предвид значењето на хармонизацијата на оваа легислатива со ЕУ правото од оваа област и неминовноста дел од промените да се   внесат независно од моменталните размисли на власта или граѓанскиот сектор

Имајки предвид дека Законот за спречување и заштита од дискриминација мора да биде во согласност со ЕУ директивите за еднаквост
Загрижени заради последната верзија на понудениот текст усвоена од страна на Владата и  дадена во собраниска процедура
Загрижени поради фактот што процесот на консултација со граѓанското општество беше изигран и девалвиран со понуда на текст кој не е усогласен со нив и кој веќе е критикуван од страна на Венецијанската комисија

Остра реакција на HUMAN RIGHTS WATCH

HUMAN RIGHTS WATCH испрати писмо до Премиерот и Претседателот на Република, до Министерот за труд и социјална политика, а како остра реакција по повод исклуцуванјето на сексуалната ориентација како основа за застита во последната верзија на Законот за недискриминација усвоен на владина седница.


Letter to the Prime Minister of Macedonia

February 3, 2010
Dear Prime Minister,

Human Rights Watch writes to you in concern over your government's
decision to deny effective protection based on sexual orientation and
gender identity in a proposed new anti-discrimination law. As you are
aware, Human Rights Watch is an independent organization dedicated to
defending and protecting human rights. We investigate and expose human
rights violations and hold abusers accountable.

On January 29, 2010, the government of Macedonia announced a revised
proposal for an anti-discrimination law. Although previous drafts had
referred to "sexual direction" as ground protected against
discrimination, in the present draft such reference has been
eliminated.

The Minister of Labor and Social Policy, Mr. Xhelal Bajrami
acknowledged this change, adding that lesbian, gay, bisexual and
transgender people could still ask for protection as the draft law
also refers to "other grounds" of discrimination.

Human Rights Watch disagrees with this approach. Express mention of
the grounds of discrimination is an essential measure toward
eliminating unequal treatment. We urge you to change the draft law and
make the anti-discrimination framework law compatible with
international human rights standards.

The principles of non-discrimination and equality are at the
foundation of the international human rights system, under which
Macedonia has undertaken clear and obligatory commitments. The
Universal Declaration of Human Rights (UDHR) establishes that "all
human beings are born free and equal in dignity and rights" (art.. 1)
and "everyone is entitled to all the rights and freedoms set forth in
this Declaration, without distinction of any kind" (art. 2(1)). These
principles are reiterated throughout the International Covenant on
Civil and Political Rights and other major treaties to which Macedonia
is a party.[1]

The principle of non- discrimination is thus a core treaty obligation
and a non-derogable norm. The enjoyment of all the rights guaranteed
under the core treaties without discrimination is not subject to
progressive realization; it has been defined as an immediate
obligation.[

Писмо реакција од ИЛГА-Европа

Г-дин Никола Груевски, премиер на Република Македонија
Г-дин Васко Наумовски, вицепремиер за европски прашања
Г-дин Џелал Бајрами, министер за труд и социјална политика
Г-дин Михајло Маневски, министер за правда
Г-дин Трајко Велјановски, претседател на Собранието на Република Македонија
Г-ѓа Благородна Дулиќ, претседател на Законодавно-правната комисија на Собранието на Република Македонија
Г-дин Петар Поп Арсов, претседател на Комисија за европски прашања, Собрание на Република Македонија
Г-ѓа Весна Бендевска, претседател на Постојаната анкетна комисија за заштита на граѓанските слободи и права, Собрание на Република Македонија

Брисел, 1 Февруари 2010

Ваши Екселенции,
 
По извршените консултации со групите на граѓанското општество во Македонија, ви пишуваме вам, како претставници на извршните и законодавните ограноци на Владата на Република Македонија, со цел да ве замолиме да се задржи недискриминацијата врз основа на сексуалната ориентација во сеопфатниот Предлог-закон за анти-дискриминација, кој е на разгледување во Република Македонија.

Длабоко нè загрижува податокот дека сеопфатниот Предлог-закон за борба против дискриминација беше изменет со што беше исклучена сексуалната ориентација како основа за заштита во Законот за анти-дискриминација.

Лезбејките, геј, бисексуалците и трансродовите (ЛГБТ) лица се соочуваат со дискриминација, нивните основни човекови права се негирани во секојдневниот живот и се редовно подложени на насилство во Македонија. Како што потврди Европската комисија во Извештајот за напредокот на Република Македонија од 2009 година, „Закон за не-дискриминација сè уште не е донесен, а постојните правни одредби не се во целост хармонизирани со правото на ЕУ. "[...] „Ниту Уставот, ниту постојното законодавство не ја утврдува сексуалната ориентација како основа за дискриминација. Лезбејките, геј, бисексуалците и трансродовите (ЛГБТ) лица не се заштитени од директна или индиректна дискриминација и се стигматизирани, особено во руралните области“.

Како земја-кандидат за членство во Европската унија, од Република Македонија се  очекува да воведе сеопфатен закон за анти-дискриминација, со кој се утврдува заштита од дискриминација врз основа на 6 основи на дискриминација, вклучувајќи ја и сексуалната ориентација.

Сите 27 земји членки на Европската унија донесоа законодавство за не-дискриминација при вработување, со што конкретно се покрива сексуалната ориентација, во согласност со Директивата 2000/78/EК на Советот. Во повеќето земји-членки заштитата од дискриминација врз основа на сексуална ориентација ги покрива и областите како што се здравствено и социјално осигурување, покрај вработувањето. Земјите кои имаат аспирации да станат членки на ЕУ, како Хрватска, Србија
и Босна и Херцеговина, исто така, усвоија сеопфатни анти-дискриминациони закони кои експлицитно ја покриваат сексуалната ориентација.

Искуството на некои од новите земји-членки (на пример, Латвија) покажа дека вклучувањето на  сексуалната ориентација во заглавјето „други основи“ не е доволно за да се обезбеди заштита од дискриминација врз основа на сексуална ориентација и не е во согласност со правото на ЕУ.

Навистина, без конкретна и силна заштита од анти-дискриминација во законот, ЛГБТ лицата и понатаму ќе се соочуваат со дискриминација и насилство и ќе бидат принудени да живеат под постојаниот
притисок на таинственоста.

Во заклучок, се залагаме Владата на Република Македонија да го задржи  целосниот список на основи на заштита, вклучувајќи ја и сексуалната ориентација во Законот за анти-дискриминација.
 
Со почит,

Евелин Паради,

ИЛГА-Европа, Извршен директор

Превземето го писмото во ПДФ форма овде.

Реакција и Апел

Реакција и Апел по повод говорот на претседателката на Унијата на жени на ВМРО-ДПМНЕ на 12 Годишната конференција на Униjа на жени на ВМРО-ДПМНЕ

На 20.12.2009 беше одржана 12 Годишна конференција на Унија на жени на ВМРО-ДПМНЕ под мотото “Вистински вредности во вистински раце“. Во своето обраќање на конференцијата, претседателката на Унијата,  Косана Николиќ Мазнева потенцирајќи ги нивните заложби за зачувување на “традиционалните семејни вредности“, како и потенцирајќи ги “владините заложби за многудетно семејство и воведување на веронауката во образованието“, промовираше и хомофобичен говор како стратегија на ширење на страв со кој директно и недвосмислено беше нападнат концептот на истополови заедници и брак и истиот беше окарактеризиран како закана за општеството и извор на загрозување на традиционалните семејни вредности.

Коалицијата за заштита и промоција на сексуалните и здравствените права на маргинализираните заедници најостро реагира на ваквиот говор кој претставува манипулација со состојбата и правата на една од најмаргинализираните заедници во општеството, во момент кога треба да се донесе законот за борба против дискриминација и кога допрва во земјата почнува да се иницира дебата и да се крева јавната свест за концептот на недискриминација. Загрижувачка е ситуацијата која засведочува и потврдува една континуирана пракса на ширење на хомофобија од страна на демо-христијанската централно-десничарска владеачка структура, започнувајќи од хомофобичните изјави на актуелниот министер за надворешни работи, Антонио Милошевски, уште во предизборната кампања во 2006 година, па преку актуелниот Претседател на државата во неговата предизборна кампања и конечно со оваа изјава на претседателката на Унијата на жени на ВМРО-ДПМНЕ.

Промоција на документарецот “Треба да Знаеш за Мене”

Денес е 17-ти Декември, Меѓународен ден за борба против насилството врз сексуалните работници.“

Во Македонија, како и низ светот, сексуалните работници се истуркани на маргините од општеството преку комбинација од предрасуди, дискриминација, и насилство. Навредите и омразата ги обременуваат нивните животи, доминираат во медиумските извештаи, и го насочуваат пристапот на институциите кон нив. Но, животот на сексуалните работници се состои од многу повеќе, и продавањето сексуални услуги не го оправдува негирањето на основните човекови права, кои треба им бидат загарантирани на сите луѓе подеднакво.

“Треба да Знаеш за Мене” е приказна за искуствата и желбите на сексуалните работници на и вон улицата, раскажана од прва рака. Справувајќи се со малтретирањето и насилството од клиентите, макроата и полицијата, сексуалните работници се трудат да му се спротивстават на негативниот општествен став со тоа што гласно проговараат и се борат за своите основни права.

Овој филм повикува на нула толеранција за насилството против сексуалните работници, соодветна истрага и гонење на сторителите, и координиран одговор од институциите за вистинските потреби на сексуалните работници.

Погледнете и превземете акција: http://hub.witness.org

Активности по повод 17 -ти декември

По повод 17 Декември-Ден за борба против насилството врз Сексуалните работници/чки и 10 Декември - Ден на човековите права во рамките на Програмата за поддршка на Сексуални работници/чки на ХОПС со цел да се одбележат овие денови се организира Недела на човекови права 10-17 Декември со разни активности во Дневниот центар и на терен.

На 10 декември се спроведе едукативна работилница на која беше прикажан филм со тематика човекови права а потоа имаше кратка презентација за значењето на денот.

Понеделник (14.12) ќе се спроведе работилница - Законска регулатива и СР и придобивките од легализација, вторник (15.12) ќе се прикаже филмот - Треба да знаеш за мене и ќе има психо-социјална работилница за насилството и емоциите поврзани со него.

Во среда (16.12) ќе се изработува постер на тема 17 Декември и човековите права, а во четврток (17.12) повторно ке се прикажува филмот - Треба да знаеш за мене, ќе има презентација за значењето на денот, мала забава организирана од Сексуалните работници/чки по што ќе се делат црвени чадори (акотивностите се од затворен тип).

На терен ќе се дели Манифестот на СР и летоци со кратка приказна за 17 Декември.