Македонија

17 May

Коалицијата ’Сексуални и здравствени права на маргинализирани заедници’, денес, 17-ти мај, вторник, на плоштад Македонија (до книжара Култура, пред споменикот на Александар Македонски во изградба), а по повод Интернационалниот ден за борба против хомофобијата и трансфобијата, одржа прес конференција. Прес конференцијата беше истовремено придружена со изложба на отворено, ’Слики против хомофобијата’, која е дел од заедничкиот проект на Charles Meacham и Sarah Baxter - ’Чекори со гордост’. Изложбата симултано се одржува во 20-тина светски градови, вклучително и нејзино поставување во Европскиот парламент.

Како и минатата година, и оваа година во чест на ИДПХ (IDAHO), и годинава Коалицијата „Сексуални и здравствени права на маргинализирани заедници“ доделува благодарници за особен придонес кон еднаквоста на сексуалните малцинства.

   1. Благодарница за „геј-френдли“ пејач (без пружање рака) му доделуваме на Ламбе за изјавата: „Нема да дозволам да ми се пушти или да ми се приближи некој, ако се случи такво нешто, да ме допре некој, ќе остане без рака".

   2. Му доделуваме благодарница и на водителот Тони Михајловски – „Скенерот“, за неговата моќ на препознавање геј и стрејт филмови како и геј и стрејт балади на „Македонски идол“.

   3. Благодарница за апликација на современите квир политички стратегии и најангажирана фото-сторија со наслов „Ороспии со гордост“ му доделуваме на „Вечер“.

   4. Благодарница за најдобра колумна во која ја брани „каузата државата да ги партиципира операциите за промена на полот“ му доделуваме на Јанко Илковски, за колумната „Лепа Брена мења пол“.

Годинава, на МПЦ решивме да и доделиме неколку благодарници:

Прво, заради иницијативата на МПЦ уставно да се забранат хомосексуални бракови, со која демонстрираше дека е во противуставен брак со владејачката партија.

Второ, му доделуваме посебна благодарница и на г-дин Стефан не само за неговите заложби „да се згрижат хомосексуалците“ туку и за неговата православна теорија на еволуцијата, според која Господ не создал човек од „два машки мајмуни или два женски мајмуни“.

Трето, на сите свештеници и монаси од МПЦ им доделуваме благодарница за нивните секојдневни активности за промоција на традиционалното македонско многудетно семејство, не само со зборови, туку и со дела.

Уште еднаш, на сите споменати им благодариме. Без вашиот придонес, Македонија немаше да успее да го допре дното од листата европски земји во однос на почитувањето на еднаквоста кон ЛГБТ-луѓето. Ви благодариме, оти без вашиот придонес, немаше зад нас да бидат само Молдова, Белорусија и Украина.

Секоја година, на 17-ти мај, Интернационалниот ден против хомофобија и трансфобија ги потсетува граѓаните во целиот свет дека постои сеуште голема потреба за преземање акција. Во повеќе од 80 земји во светот истополовите сексуални акти сеуште се нелегални, а во одредени ситуации истите се казнуваат и со смртна казна и доживотен затвор. Во земјите во кои хомосексуалноста е нелегална дискриминацијата и физичкото насилство се сеуште чести и загрижувачки појави. Иако во некои земји во светот се забележува значителен прогрес, сепак истиот е постојано под закана.

Од почетокот на годинава во Македонија стапи во сила и новодонесениот Закон за спречување и заштита од дискриминација, закон кој ја исклучи сексуалната ориентација и родовиот идентитет како основа за забрана на дискриминација. И покрај овој легалистички акт, во Македонија сеуште е сериозно изразено отсуството на афирмативна и позитивна политичка атмосфера и свесност за почитување на сексуалните и човековите разлики, како и за борбата против насилството и дискриминацијата кои се случуваат врз основа на истите.

Истиот настан, со вечерна програма, со почеток во 19.30ч, во клубот ГЕМ, ќе биде збогатен со проекција на филмот ’Оттаде розевата завеса’, дискусија на тема ’Национализам, хомофобија и насилство’, настап на хорот Распеани скопјани, како и поставување на изложбата.

 


05:04 / Македонија
0 Likes
12 May

На 17-ти мај 2011 во клубот ГЕМ со почеток од 19.30 часот, Коалиција СЕКСУАЛНИ И ЗДРАВСТВЕНИ ПРАВА НА МАРГИНАЛИЗИРАНИ ЗАЕДНИЦИ Ве поканува на Настан по повод светскиот ден на борбата против хомофобијата и трансфобијата:· Настап на Скопскиот уличен хор: Распеани Скопјани· Проекција на филмот Отаде розевата завеса и Дискусија на тема: Национализам, хомофобија, насилствоВоведничари: Катерина Колозова и Станимир ПанајотовФасилитатор: Жарко Трајаноски· Мини коктелКрајот на комунизмот во Европа донесе обновена слобода за милиони граѓани од Источна Европа. Хомосексуалноста стана легализирана, но хомофобијата се` уште останува вкоренета како институционална практика во овој дел од светот. Други филмови го документираат овој проблем во регионот. Тие ја опишуваат Розевата завеса како замена на Железната завеса и покажуваат како Геј Прајдовите се претвораат во паради на насилството. Но, овие филмови ја игнорираат хомофобијата во Западните општества. Ваквите погрешни дистинкции ја прескокнуваат можноста од меѓусебно подучување на Западот и Истокот во насока на борбата за еднаквост. Ја забораваме моќта, но и одговорноста на ЕУ да не` заштити. Сексуалноста и хомофобијата ја надминуваат националноста. Оттука, границите не треба да дозволат хомофобијата да преовлада: Ние треба да гледаме Отаде Розовата завеса.Катерина Колозова е професорка по филозофија, родови студии и епистемологија во Институтот за општествени науки и хуманистичкиистражувања „Евро-Балкан“ во Скопје како и на други универзитети во земјава и надвор. Авторка е на повеќе трудови од областа на филозофијата и родовите студии. Во моментов е деканка на одделот за последипломски студии на Институтот „Евро-Балкан“. Работи какоистражувач, а повремено пишува колумни во  дневни весници.Станимир Панајотов е роден 1982 година во Сливен, Бугарија. Во 2004 година дипломира Филозофија на Универзитетот во Софија, Бугарија. Своето образование го продолжува во Македонија кадешто запишува последипломски студии по Филозофија и род на Институтот Евро Балкан. Од 2003 година публикува научни текстови и рецензии во својата земја, но и во странство.  Работи и како преведувач (од англиски, македонски и бугарски јазик) на книги и научни текстови од областа на хуманистичките и општествените науки,  родовите студии и квир теоријата. Тој е активист за правата на ЛГБТ популацијата во Бугарија и член на Организациониот комитет на Sofia Pride.Жарко Трајаноски е магистер по човекови права. Неговата магистерсика теза е од областа на сексуалноста и човековите права. Долги години работи како активист за човекови права на маргинализираните заедници. Бил уредник на списанието Идентитети и предавач на школата за род и политика на Институтот Евро Балкан. Во моментов работи како консултант во Коалицијата „Сексуални и здравствени права на маргинализираните заедници“.
04:24 / Македонија
0 Likes
29 Apr

Коалиција СЕКСУАЛНИ И ЗДРАВСТВЕНИ ПРАВА НА МАРГИНАЛИЗИРАНИ ЗАЕДНИЦИ во
ГЕМ клубот  на 03. 05. 2011 со почеток во 19:30 часот Ве поканува на

Проекција на филмот XXY и
Дискусија на тема: Проблеми со полот/родот
Воведничар: Јасна Котеска
Фасилитатор: Жарко Трајаноски


Како приказна за својот прв филм XXY Аргентинската режисерка Lucía Puenzo го одбира краткиот расказ на својот сопруг Sergio Bizzio во кој се зборува за влезот во адолесценцијата на едно интерсексуално дете. 15-годишната Алекс, родена со хромозоми од двата пола, се соочува со проблеми со родот додека експериментира со својата сексуалност и сексуални однесувања. Алекс е на возраст на која сака да направи избор во врска со родот, но нејзиното семејство, како и пријателот кој е хирург имаат различни идеи и мислења. Сексуалното експериментирање со Алваро (синот на хирургот) отвора преспектива на рефлексија помеѓу двајцата во однос на нивните сексуални улоги.

Филмот ги прикажува превирањата со кои се соочува Алекс, наспроти расказот кој е фокусиран на клиничките детали до тој степен што го прави гледачот многу повеќе љубопитен отколку емпатичен. Кога тројцата хулигани ја напаѓаат на плажа, воајеризмот на гледачот е во соучесништво со целите на напаѓачите.

Филмот XXY успешно ги отвора темите на поврзаноста на родот и сексуалноста на начин на кој се одбиваат брзи и едноставни одговори на познатото прашање: Машко е или женско?

По филмот следува дискусија на тема „Проблеми со полот/родот“ на која воведничар ќе биде Јасна Котеска, а фасилитатор Жарко Трајаноски.

Јасна Котеска е професорка по книжевност, теоретска психоанализа и родови студии на Филолошкиот факултет „Блаже Конески“ во Скопје.  Магистрирала Родови студии на Централниот Европски Универзитет во Будимпешта, а докторирала на Kнижевност и родови студии на Универзитетот Св. Кирил и Методиј во Скопје. Била предавач на школата за род и политика на Институтот Евро Балкан, како и уредник на списанијата Блесок и Идентитети. Работи во областа на теоретската психоанализа (Фројд, Лакан, Кристева, Жижек и др), книжевна теорија и родови студии. Нејзиниот интерес е сосредоточен на различни теми како интимност, санитаризација, феминизам и слично. Исто така повремено пишува колумни во дневните и неделните весници како Дневник, Глобус, Форум и други.
 

Жарко Трајаноски е магистер по човекови права. Неговата магистерсика теза е од областа на сексуалноста и човековите права. Долги години работи како активист за човекови права на маргинализираните заедници. Бил уредник на списанието Идентитети и предавач на школата за род и политика на Институтот Евро Балкан. Во моментов работи како консултант во Коалицијата „Сексуални и здравствени права на маргинализираните заедници“.





06:37 / Македонија
0 Likes
29 Apr

Европскиот парламент го прифати годишниот извештај за напредокот на Македонија во евроинтегративните процеси, барајќи од државата да ја забрани дискриминацијата врз основа на сексуална ориентација.

Во јануари 2010-та, македонската влада ја отстрани сексуалната ориентација од листата на основи според кои треба граѓаните да бидат заштитени од дискриминација во новиот закон за антидискриминација. Членовите на Европскиот парламент протестираа, а Европската комисија ја потсети Македонија дека приемот во ЕУ е условен од вклучувањето на сексуалната ориентација во законот за антидискриминација.

Во резолуцијата која беше усвоена со големо мнозинство на членовите на Европскиот парламент, се изразува жалење дека во спротивност на европската легислатива, сексуалната ориентација е отстранета од законот како основа за дискриминација. Европскиот парламент повика на брзо услогласување на националните закони од ова поле со европските закони и зајакнување на механизмите за мониторинг, и потенцираше дека тоа е дел од условите за прием во ЕУ.

За жал, резолуцијата на европскиот парламент не препорача забрана на дискриминацијата по основа на родов индентитет.

Улирике Луначек, член на парламетот и копретседател на Меѓугрупата за ЛГБТ правата, реагираше: - Бев дел од сослушувањето за овој закон во Македонскиот парламент во фебруари минатата година и мојата порака останува иста - политиките кои се основаат на неинформираност и страв се погрешни и водат во погрешен правец. Законите за антидискриминација се стожер за еднаквоста во општествата, недискриминацијата е основно право во ЕУ. Македонија треба да престане со замижувањето пред малцинствата и треба да овозможи заштита на сите граѓани без исклучок.

Резолуција ги изрази грижите на полето на еднаквоста, вклучувајќи ја слабата Национална комисија за заштита од дискриминација и ниските ефективни права на жените во земјата.


06:32 / Македонија
0 Likes
29 Apr

Европскиот парламент го прифати годишниот извештај за напредокот на Македонија во евроинтегративните процеси, барајќи од државата да ја забрани дискриминацијата врз основа на сексуална ориентација.

Во јануари 2010-та, македонската влада ја отстрани сексуалната ориентација од листата на основи според кои треба граѓаните да бидат заштитени од дискриминација во новиот закон за антидискриминација. Членовите на Европскиот парламент протестираа, а Европската комисија ја потсети Македонија дека приемот во ЕУ е условен од вклучувањето на сексуалната ориентација во законот за антидискриминација.

Во резолуцијата која беше усвоена со големо мнозинство на членовите на Европскиот парламент, се изразува жалење дека во спротивност на европската легислатива, сексуалната ориентација е отстранета од законот како основа за дискриминација. Европскиот парламент повика на брзо услогласување на националните закони од ова поле со европските закони и зајакнување на механизмите за мониторинг, и потенцираше дека тоа е дел од условите за прием во ЕУ.

За жал, резолуцијата на европскиот парламент не препорача забрана на дискриминацијата по основа на родов индентитет.

Улирике Луначек, член на парламетот и копретседател на Меѓугрупата за ЛГБТ правата, реагираше: - Бев дел од сослушувањето за овој закон во Македонскиот парламент во фебруари минатата година и мојата порака останува иста - политиките кои се основаат на неинформираност и страв се погрешни и водат во погрешен правец. Законите за антидискриминација се стожер за еднаквоста во општествата, недискриминацијата е основно право во ЕУ. Македонија треба да престане со замижувањето пред малцинствата и треба да овозможи заштита на сите граѓани без исклучок.

Резолуција ги изрази грижите на полето на еднаквоста, вклучувајќи ја слабата Национална комисија за заштита од дискриминација и ниските ефективни права на жените во земјата.


06:30 / Македонија
0 Likes
05 Apr

Промоција на “Годишен извештај за сексуалните и здравствените права на маргинализираните заедници во Р. Македонија 2010“ Коалицијата ’Сексуалните и здравствените права на маргинализираните заедници’ денес, 05.04, во 11.00 часот, во просториите на НВО Инфоцентар (Никола Тримпаре бр. 18 1/5) одржа прес конференција по  повод објавувањето на Годишниот извештај за ситуацијата со сексуалните и здравствените права на маргинализираните заедници.Збор на прес конференцијата зедоа Славчо Димитров, Извршен директор на Коалицијата, Ирена Цветковиќ, Координаторка на Коалицијата  и Жарко Трајаноски, експерт за човекови права и автор на Извештајот.Годишниот извештај е произлезен во согласност со една од долгорочните стратешки цели на Коалицијата, односно да врши постојано мониторирање, документирање и известување за состојбата со сексуалните и здравствените права на припадниците на маргинализираните групи, како што се лезбејките, гејевите, бисексуалците и трансродните лица, мажите кои имаат секс со мажи, корисниците на дроги, сексуалните работници/чки и лицата со ХИВ/СИДА. Како резултат на едногодишниот процес на мониторирање, Коалицијата документираше 40-тина случаи во кои се индицираат кршења на сексуалните права и здравствените права на припадниците на маргинализираните групи.
16:00 / Македонија
0 Likes
17 Mar

Коалиција СЕКСУАЛНИ И ЗДРАВСТВЕНИ ПРАВА НА МАРГИНАЛИЗИРАНИ ЗАЕДНИЦИ Ве поканува, во вторник, 22.03, во 19.30, во клубот ГЕМ на:

Проекција на филмот ПАРИЗ ГОРИ и
Дискусија на тема: Како да го запалиш својот идентитет?
Воведничар: Станимир Панајотов
Фасцилитатор: Славчо Димитров

Вашето присуство и придонес кон дискусијата ќе ни претставува посебно задоволство и огромна чест.


Париз гори е документарен филм од 1990 година во режија на Џени Ливингстон. Сниман во втората половина од 80те години на минатиот век, овој филм претставува хроника на т.н. ball култура (култура на балови) во Њујорк и различните етницитети вклучувајќи ги Афроамериканците, Латино геј луѓето и трансродовата заедница во нивни рамки.

Џени Ливингстон посветува 7 години на создавање на овој филм во кој е сконцентрирана на интервјуа со клучните фигури од светот на баловите кои фрлаат различни светла врз културата на баловите, но и врз нивните личности. Во филмот, насловите (куќа, мајка, читање и други) покажуваат како субкултурата која филмот ја отсликува ги извлекува зборовите од белиот и хетеронормативен свет и ги исполнува со алтернативни значења. Филмот, исто така, истражува како субјектите во него се справуваат со расизмот, хомофобијата, сидата и сиромаштијата. Drag е презентиран како комплексен перформанс на родот, класата и расата, во кој може да се оствари идентитетот и желбата низ мноштво од димензии.
Париз гори е непроценлив документарец за крајот на „златната ера“ на баловите во Њујорк, но и промислено истражување на концептот за раса, класа и род во Америка.

По филмот следува дискусија на тема „Како да го запалиш својот идентитет?“ на која воведничар ќе биде Станимир Панајотов, а фасцилитатор Славчо Димитров.

Станимир Панајотов е роден 1982 година во Сливен, Бугарија. Во 2004 година дипломира Филозофија на Универзитетот во Софија, Бугарија. Своето образование го продолжува во Македонија кадешто запишува последипломски студии по Филозофија и род на Институтот Евро Балкан. Од 2003 година публикува научни текстови и рецензии во својата земја, но и во странство. Работи и како преведувач (од англиски, македонски и бугарски јазик) на книги и научни текстови од областа на хуманистичките и општествените науки, родовите студии и квир теоријата (вклучувајќи ги и делата на автори како Венди Браун, Адриен Рич, Ив Сеџвик, Дајана Фас и Дејвид Халперин). Во моментов работи на превод на бугарски на книгата „Санитарна енигма“ од Јасна Котеска. Исто така тој е активист за правата на ЛГБТ популацијата во Бугарија и член на Организациониот комитет на Sofia Pride.

Славчо Димитров дипломирал Општа и компаративна книжевност на Универзитетот „Св. Кирил и Методиј“ и е магистер по Родови студии и филозофија на Институтот Евро Балкан. Во моментов тој е студент на докторските студии на одделот за Род и Филозофија на Институтот Евро Балкан кадешто работи како истражувач, асистент и координатор на проекти. Во последниве години тој координирал неколку проекти кои се занимаваат со човековите права и не-дискриминација на малцински заедници во Македонија. Во моментов тој е директор на Коалицијата „Сексулани и здравствени права на маргинализирани заедници“. Публикувал неколку текстови на теми од книжевната и филмска теорија и интерпретација, род, сексуалност и идентитет и современа уметност во Македонија, во различни публикации од академска и уметничка област во земјата и надвор. Неговите главни теоретски и авторски интереси се поврзани со прашањата за родот, културната теорија, политичката филозофија, идентитетот и нарациите, деконструкција на субјектот и квир теоријата.

09:57 / Македонија
0 Likes
01 Feb

Во македонскиот образовен систем веќе подолг временски период се употребуваат учебници во кои се презентираат хомофобични ставови и сознанија. Голем дел од информациите за сексуалноста и сексуалната ориентација се научно незасновани, застарени и идеолошки обоени. Во учебниците се патологизира хомосексуалноста, а нехетеросексуалците се стигматизираат и квалификуваат со деградирачки и дехуманизирачки дефиниции.

Ваквите содржини не претставуваат само пример на научна игнорантност и слепило. Тие шират хомофобија, говор на омраза и поттикнуваат негативни предрасуди и социјално исклучување на хомосексуалците и другите сексуални малцинства. Наместо да се санкционираат одговорните кои дозволиле хомофобични и дискриминаторски учебници, сведоци сме на обид за замолчување на критичарите на хомофобичните учебници кои генерираат и поддржуваат нееднаквост, нетолеранција, неправда и насилство.

Имено, против Ирена Цветковиќ, истакната активистка за човекови права,колумнистка, блогерка и магистерка по родови студии и социологија, се води кривична судска постапка за навреда и клевета поради јавното критикување на хомофобичните учебници. Да биде иронијата уште поголема, како навредени се најдоа авторките на учебникот по „Педагогија“ за трета година средно оразование, кои ги дискриминираа хомосексуалците опишувајќи ги како “невротични и психотични личности“, “учесницина изопачен, неприроден и ненормален сексуален живот“ и “личности со психички потешкотии и пречки“.

Ваквите обиди за замолчување на критичката мисла се показател дека слободата на говор е доведена под сериозна закана. Со цел да се спречи обидот за помрачување на демократскиот разум, ве повикуваме сите, на 02.02.2011, среда, во 13.00 часот, пред Основен суд Скопје 1, да ни се придружите на мирен протест против хомофобијата во образованието и заштитата на критичкото мислење и активистите за човекови права.


НЕ на хомофобијата во образованието!

СЛОБОДА НА ГОВОРОТ И КРИТИЧКОТО МИСЛЕЊЕ!

05:12 / Македонија
0 Likes
03 Jan

Коалиција за заштита и промоција на сексуалните и здравствените права на маргинализираните заедници го објави најновиот број од својот билтен. Изданието во ПДФ верзија може да го превземете овде.

07:29 / Македонија
0 Likes
17 Dec

Меѓународен ден за борба против насислтвото врз сексуалните работници

17-ти декември е Mеѓународен ден за стоп на насилството врз сексуалните работници, кога илјадници нивни поддржувачи маршираат по улиците насекаде низ светот, и преку свои активности и пренесуваат порака на јавноста со цел да се спречи насилството кое што секојдневно се врши врз секуалните работници. За прв пат овој настан беше организиран со цел да се обрне внимание на криминалните дејства кои се вршат врз сексуалните работници низ целиот свет. Настанот е идеа на д-р Ени Спринкл, а започнат од проектот за разбирање на сексуалните работници во САД како спомен на немилиот настан во кои беа убиени 48 сексуални работнички, жртви на убиецот од Грин Ривер. Денес, по четврти пат невладините и граѓански организации во Република Македонија кои се залагаат за промоција на основите човекови права и вредности на сексуалните работници, низ конкретни активности и кампањи учествуваат во одбележувањето на 17-ти декември.

Живееме во општество каде што секојдневно се продаватат и купуваат услуги. Сексуалната работа е една од тие услуги. Сексуалната услуга не е зло. Еротски танц, нудење на своето тело, еротски масажи и ескорт услуги не се злодела , различноста во изборот на своја професија не треба да иницира ниту насилство, ниту стигматизирање на лицата кои имаат право на свој сопствен избор.

Општеството наметнува''идентитет" и " социјална улога " врз сексуалните работници која оди подалеку од вистинското препознавање на овие лица. Ваквата погрешна перцепција на општеството кон идентитетот на лицата кои се бават со сексуална работа, наметнува истите да се дефинираат  како суштински недостојни и закана за моралот, јавниот и општествениот поредок, етикетирани како грешници, криминалци или жртви.

Сексуалните работници не треба да се сфатат  само како жртви на кои им треба помош, ниту  како криминалци кои треба да бидат уапсени или пак цели за јавните здравствени интервенции. Тие се дел од општеството, со свој потреби и аспирации, со потенцијали кои би направиле вистински и вреден придонес кон својте заедници.


03:56 / Македонија
0 Likes
02 Dec

Коалицијата ’Сексуални и здравствени права на маргинализираните заедници“ најостро реагира против сензационалистичкото, стереотипизирачко и стигматизирачко пренесување на информациите поврзани со последните податоци за состојбата со ХИВ/СИДА во Македонија, а кои беа објавени во дел од македонскиот медиумски простор на 30.11.2010.

Сензационалистичкиот пристап во пренесувањето на информациите беше евидентен во фактот што голем дел од насловите од весниците ширењето на ХИВ вирусот и СИДА го доведоа во непосредна врска со хомосексуалноста, односно лицата со поинаква сексуална ориентација и идентитет. По однос на ваквата стратегија на информирање и реторика реагираме врз основа на неколку причини.

Прво, податоците кои се пренесени се однесуваат на мал процент на мажи кои имаат секс со мажи, а кои претставуваат категорија во употреба за целите на епидемолошката евиденција и стратегиите на превенција. Мажите кои имаат секс со мажи не може и не смеат да бидат изедначени со хомосексуалците, затоа што во првиот случај станува збор за сексуално однесување и акти, додека во вториот за самоидентификација и самодефиниран сексуален идентитет.

Понатаму, овие бројки сами по себе не пренесуваат никаква квалитативна, нити пак суштински аналитичка информација по однос прашањето за пренос на вирусот, бидејќи истите не се споредени со бројките од претходните години, со бројките во светски размери, и не се воопшто доведени ниту во врска со културните, социјалните, бихевиоралните фактори. Голото повторување на бројки доведува единствено до слепа циркулација на стереотипи и ’факти’ без притоа да се разгледуваат нивните причинители и ефективно да се застане во борба против негативните фактори и структури.

Како трето би сакале да нагласиме дека преносот на вирусот не се поврзува со категории луѓе, карактери и идентитети, туку единствено со видови на однесување. На тој начин, би сакале да повториме уште еднаш, не постојат ризични категории на граѓани, постојат единствено ризични однесувања кои можат да бидат подеднакво присутни кај сите луѓе без разлика на нивните специфики и разлики.

06:29 / Македонија
0 Likes
01 Dec

И денес, на 1 Декември 2010, Светскиот ден на борбата против СИДА, медиумите не ќе можат да направат јавно интервју со нас, лицата што живеат со ХИВ, поради нашиот основан страв да го откриеме својот личен идентитет. Затоа, го избравме овој начин да ги искажеме јавно нашите ставови во врска со потребите на нашата заедница.

На овој ден, најнапред сакаме да изразиме искрена благодарност до сите организации, здравствени институции – пред сè Клиниката за инфективни болести – како и поединци што работат на полето на ХИВ и СИДА и се залагаат за нашите права. Им искажуваме благодарност на Владата и Министерството за здравство за она што досега е остварено: се разговараше за внесување на лековите од антиретровирусната терапија на позитивната листа и е донесено решение во иднина државата да ги покрива трошоците за нашата терапија, која сè до крајот на оваа година ни беше достапна само благодарение на донациите на Глобалниот Фонд. Искрено го поздравуваме конечното донесување на законот против дискриминација, пред сè во делот што се однесува на забраната на дискриминација врз основа на здравствената состојба, но притоа будно ќе го следиме процесот на неговата примена, ставајќи акцент врз нашата заедница.

За жал, нашава порака мора да ги одбележи и оние состојби што се причина за наша голема загриженост.

Меѓу нив, како прво и најбитно, во земјава сè уште не е воспоставен интегриран државен систем за обезбедување на антиретровирусната терапија. Во нашиот случај, и најмало доцнење или прекин на терапијата може директно да ги загрози нашето здравје и успешноста на истата а со тоа и квалитетот и должината на нашиот живот;



05:23 / Македонија
0 Likes
19 Nov

По повод Меѓународниот ден на толеранцијата, 16-ти ноември, околу стотина граѓани кои учествуваа на Маршот на толеранција оваа година од Музејот на град Скопје до плоштадот "Мост" на самиот влез на Старата Скопска Чаршија, апелираа за политичка толеранција и конструктивен дијалог помеѓу сите креатори на јавната политика, јавното мислење и вредности.

Организаторите на Маршот кој се одржа под мотото "Правда, слобода, еднаквост" -  Хелсиншкиот комитет за човекови права, Плоштад Слобода,Q, Civica и Цивил побараа меѓуетничка толеранција и почитување на етничките, културните и религиозните разлики во Македонија, и многу поодлучно дејствување за искоренување на дискриминација по сите основи.

Кочо Андоновски од Хелсиншкиот комитет, рече дека "дискриминацијата врз основа на политичките убедувања и припадност беше најжестока" и апелираше за ставање крај на насилството против активистите посветени на борбата за човекови права.

Гордана Несторовска од Хелсиншки комитет ги повика студентите, кои отсуствува од маршот, како група која треба да започнува иницијативи, да се приклучат во борбата за ново демократско општество, ослободено од дискриминација.

"На овој ден, ние имаме изјава од Министерството за труд и социјална политика, што јасно кажува дека хомосексуалноста нема да биде прифатена како нормална појава. Тоа доаѓа од самата институција која треба да ја спречи дискриминацијата и  да го спроведе законот против дискриминација", рече Славчо Димитров од Коалицијата за заштита на маргинализираните заедници.

Претставници на дипломатскиот кор стационирани во Македонија, пратеници од неколку политички партии, претставници на невладини организации и мал број граѓани земаа учество во маршот.

14:07 / Македонија
0 Likes
30 Oct

БАРАЊЕ до Министерот за образование

Имајќи предвид дека веќе со години во македонскиот образовен систем (основното, средното и високото образование) се публикуваат учебници кои служат за целите на наставата, а во кои се презентираат ставови и сознанија поврзани со сексуалноста и сексуалната ориентација кои се научно незасновани, застарени и идеолошки обоени;

Имајќи ги предвид 10-та ревизија на Меѓународната Класификација на Болести (МКБ-10), усвоена од страна на Светската здравствена организација – СЗО, во која под ознаката F66 Психолошки растројства на обноските поврзани со сексуалниот развој и ориентација и други растројства експлицитно напоменато стои дека дека ‘сексуалната ориентација сама по себе не се смета за растројство’, како и DSM- IV класификацијата објавена 1973 година од Американското Здружение на Психијатри во која хомосексуалноста исто така не се наоѓа на листата на ментални растројства , а кон кои се придружуваат и одлуките на Македонската лекарска комора и Македонската асоцијација на психијатри;

Имајќи предвид дека ваквите текстови претставуваат опасност и обид за манипулација на образованието за целите на ширење на хомофобија, говор на омраза и поттикнување на негативни предрасуди и социјално исклучување на хомосексуалците;

Имајќи го предвид фактот дека ваквите текстови претставуваат сериозно прекршување на основните национални и интернационални одредби со кои се забранува хомофобијата и најстрого казнува секаков вид на говор на омраза, вклучително со Лисабонскиот Договор, член 5б, каде што експлицитно е нагласено дека “во дефинирањето и имплементирањето на сопствените политики и активности, Унијата ќе се стреми кон борба против дискриминацијата, заснована на пол, раса или етничко потекло, религија или верување, попреченост, возраст и сексуална ориентација“. Во оваа насока и чл. 3 од новоусвоениот Законот за спречување и заштита од дискриминација во Македонија, со кој најстрого е регулирана дискриминацијата на сите граѓани врз многубројни основи, вклучително и врз основа на сексуалната ориентација или родов идентитет, истакнува дека “се забранува секоја директна или индиректна дискриминација, повикување и поттикнување на дискриминација и помагање во дискриминаторско постапување врз основа на пол, раса, боја на кожа, род, припадност на маргинализирана група, етничка припадност, јазик, државјанство, социјално потекло, религија или верско уверување, други видови уверувања, образование, политичка припадност, личен или општествен статус, ментална и телесна попреченост, возраст, семејна или брачна состојба, имотен статус, здравствена состојба или која било друга основа која е предвидена со закон или со ратификуван меѓународен договор“.

Имајќи предвид дека ваквите текстови не ги почитуваат сознанијата, одредбите и прогласите на цела низа релевантни институции во доменот на медицината и психологијата и психијатријата, со чинот на патологизација на хомосексуалноста, а во книги кои се користат како учебник во средното образование, активно учествуваат во дискриминаторската пракса на ширење на хомофобични изјави , и тоа помеѓу лица кои допрва го стекнуваат суштинското образование и кои активно учествуваат во консолидацијата на македонското општество.

Со оглед на сето гореспоменато, ние долупотпишаните организации, установи и индивидуи, бараме од Министерството за образование:

    * итно повлекување на сите учебници од ваков тип од нивна понатамошна употреба во наставно-образовниот процес како нужна превентивна мерка за спречување на идните штети кои произлегуваат од нивната употреба (Костова Марија. Педагогија за трета година гимназиско образование. Скопје: Просветно дело, 2005; Темков Кирил. Етика за втора година гимназиско, Просветно Дело 2004; Чадловски Георги. Психијатрија. Скопје, Просветно дело: 2004; Чадловски Георги. Медицинска психологија. Скопје, Просветно дело: 2004; Шкариќ Олга. Развојна Психологија . Скопје, Филозофски факултет: 2004;)
    * Министерството за образование да спроведе соодветни санкции за авторите и рецензентите на учебниците и да востанови механизми за избегнување на вакви состојби при рецензирањето на нови учебници и да организира и да спроведе обуки на лицата одговорни за одобрување на наставно – образованите програми и соодветните учебници
    * Да воспостави систем за спроведување на санкции за сите кои поттикнуват хомофобични ставови во рамки на наставно-образованиот ситем во Република Македонија.
    * Министерството да спроведе систематска ревизија на целокупните образовни програми со што би се коригирале и спречиле сите можности за хомофобија и секаков друг вид на говор на омраза и дискриминација во образовниот систем.

Со почит,

Коалиција ’Сексуални и здравствени права на маргинализираните  заедници’


12:07 / Македонија
0 Likes
20 Oct

Реакција против хомофобичниот говор на омраза на г-нот Драган Павловиќ - Латас

Почитувани,
Коалицијата за сексуални и здравствени права на маргинализираните заедници најостро реагира на колумнистичкиот текст објавен на 18.10.2010 во Вечер со наслов Знамиња, а потпишан од Драган Павловиќ Латас. Коалицијата го осудува хомофобичниот говор на омраза со кој се стигматизираат нехетеросексуалците преку негативно стереотипизирање и креирање на ирационален страв кај општата јавност од истата група луѓе.

Додека Советот на Европа ја слави годишнината од усвојувањето на Европската конвенција за правата на човекот, ние во Македонија со жалење можеме да утврдиме дека принципите на човекови права, еднаквост и недискриминација се сеуште под сериозен удар и закана. Погорепосочениот текст сметаме дека претставува парадигматичен удар врз правото на еднаквост на луѓето со нехетеросексуална ориентација. Во текстот се експлоатираат негативни стереотипи и предрасуди кон хомосексуалците и се поттикнува страв и нетрпеливост кон оваа група на луѓе како „закана“ и „опасност“, не само за граѓаните на Република Македонија, туку и за целиот човечки род. Со ваквиот говор се загрозува  нивната безбедност и право на достоен живот ослободен и заштитен од дискриминација.
Она што посебно загрижува во последниов од низата хомофобични написи на Д.П.Латас е имплицитното одобрување на насилниците кои на најбрутален начин се обидоа да ја попречат Парадата на гордоста во Белград, кои ја нападнаа полицијата, го демолираа центарот на Белград, при што беа повредени стотина полицајци и граѓани.

Конечно, истиов текст не само што ја поттикнува нетрпеливоста и стигматизацијата кон луѓето со поинаква сексуалност - неосновано претставени како преносители на ХИВ и опасност за наталитетот - туку, во исто време го поттикнува и стравот и стигмата кон луѓето кои живеат со ХИВ/СИДА и кон сите индивидуи кои не учествуваат во репродуктивната национална и биолошка матрица.

Коалицијата ги повикува сите државни институции, медиумите и општата јавност одлучно да застанат и да го осудат хомофобичниот говор со кој се подриваат основните демократски принципи, еднаквоста, правдата и недискриминацијата.
Коалицијата бара од Владата да изготви посебна програма за борба против хомофобијата и социјалното исклучување на лицата со поинаква сексуалност, која ќе содржи конкретни активности за борба против хомофобичниот говор на омраза, вклучително и законски измени кои ќе овозможат негово препознавање и санкционирање.

04:39 / Македонија
0 Likes
20 Jul

НВО ХОПС ДОБИ НАГРАДА ОД ОБЛАСТА НА ХИВ И ЧОВЕКОВИТЕ ПРАВА
Застапници на правата на сексуалните работници и корисниците на
дрога беа наградени на Меѓународната конференција за СИДА


(Виена, 20 јули, 2010 година) — ХОПС – Опции за здрав живот е добитник на
Меѓународната Награда за ХИВ/СИДА и Човекови Права за 2010 година, објави денес
Канадската Правна Мрежа за ХИВ/СИДА и Хјуман Рајтс Воч (Human Rights Watch).
Наградата со која се одликуваат извонредни поединци и организации кои работат на
заштита на правата и достоинството на луѓе кои се под ризик или влијание на
ХИВ/СИДА, беше доделена во Виена на 20 јули, 2010 година, на XVIII Меѓународна
Конференција за ХИВ/СИДА.

“Сексуалните работници секојдневно се соочуваат со прекршувања на нивните
човекови права, вклучувајќи и дискриминаторско одбивање на здравствени услуги,
произволни приведувања од страна на полицијата, малтретирање, и сексуално и
физичко насилство,” рече Ричард Елиот, извршен директор на Канадската Правна
Мрежа за ХИВ/СИДА (www.aidslaw.ca). “Оваа награда го потврдува огромниот
придонес на ХОПС во потрагата по правда за сексуалните работници и во
подобрувањето на нивниот пристап до здравствени, социјални и правни услуги.”
Почнувајќи од 1997 во Скопје, ХОПС ја отвара првата програма за размена на опрема
за инјектирање во Македонија. Оттогаш, успешно спроведува неколку програми за
намалување на штети, на тој начин спречувајќи го ширењето на ХИВ/СИДА и други
сексуално и крвно преносливи инфекции. Ја поддржува и социјалната реинтеграција и
ре-социјализација на младите и ранливите групи како што се корисниците на дрога,
сексуалните работници и нивните семејства.

08:25 / Македонија
0 Likes
17 Jun

Денес, 17-ти јуни, во 11.00 часот во просториите на Клубот ГЕМ беше одржана прес конференција по повод вршењето и поттикнувањето на дискриминација и ширењето на говор на омраза забележано на најавниот материјал (постери и интернет страна) за 6-от поред интернационален МОТО Фестивал.

Збор на Конференцијата зедоа Славчо Димитров (Коалиција за сексуални и здравствени права на маргинализирани заедници), Наташа Бошкова (Правен застапник за Коалицијата), Мирјана Најчевска (Центар за човекови права и разрешување на конфликти), Кочо Андоновски (Македонски Хелсиншки Комитет) и Жарко Трајаноски (Експерт за човекови права и демократија).

Учесниците на пресот нагласија дека ваквиот акт претставува репрезентативен пример на вршење на дискриминација, не само врз луѓето со нехетеросексуална ориентација, туку воопшто и врз други групи на луѓе, како и атеистите и анти-теистите. Имено, на постерот за фестивалот експлицитно напоменатио стои дека присуството на фестивалот е забрането за: Алкохол, Дрога, Оружје, Животни, 666 и Педераси. Со овој акт се прекршува како Уставот на РМ, така и серија други законски одредби, вклучително со новодонесениот Закон за недискриминација.

Најзагрижувачки е фактот дека веднаш под дискриминаторскиот текст, стојат логоата и на Златен даб и Град Скопје како главен спонзор на фестивалот. Откако Коалицијата за сексуални и здравствени права поднесе иницијатива до Народниот правобранител, од канцеларијата на истиот е поднесена иницијатива за преиспитување на постапката до Град Скопје. После разговори и со претставници на Градот Скопје, истите излегоа со соопштение до јавноста (http://www.skopje.gov.mk/ShowAnnouncements.aspx?ItemID=3442&mid=482&tabId=1&tabindex=0). Јавно се оградија и од Прилепскла пивара кои ја осудуваат дискриминацијата од секаков вид.

На прес конференцијата беше поздравена одлуката и соопштенијата како на Град Скоје, така и на Прилепска пивара. Сепак, побарано е од истите целосно да го повлечат своето лого од постерите и да го повлечат своето спонзорство на фестивалот и на тој начин да го спречат ширењето на дискриминацијата кое со овој постер продолжува и после нивните значајни Соопштенија. Ова е посебно очекувано од Град Скопје кој мора јасно, експлицитно и одлучно да застене во борба против дискриминацијата и во нејзиното спречување, односно превенирање.

На прес конференцијата беше упатен апел и до сите учесници на Фестивалот. Имено, со само учество на фестивалот истите ја подржуваат дискриминацијата и од овие прицини беше упатен јавен повик до сите нив одговорно да го повлечат своето учество и со тоа да застанат против дискриминацијата. Истиот апел беше упатен и до сите граѓани на РМ и градот Скопје, кои во овој момент треба да потврдат дека Скопје е град на солидарноста, а дека истите ги застапуваат принципите на еднаквост, недискриминација и човекови права подеднакво за сите.

05:19 / Македонија
0 Likes
11 Jun

До: Уредничка редакција на дневниот весник “Вест“

Почитувани,
Во четвртокот, 10.06.2010, во вашиот дневен весник е објавена статија со наслов “На курвите им падна цената: Економската криза во Македониајa го погоди и најстариот занает“, кој истовремено е објавен и на насловната страна на весникот.

Коалицијата за сексуални и здравствени права на маргинализираните заедници остро реагира на објавениот текст, односно објавениот наслов кој ја следи и репродуцира непрофесионалната логика на медиумски сензационализам и кој употребува стигматизирачка, дискриминирачка и навредлива терминологија. Користењето на терминологија од ваков тип е во спротивност со Етичкиот кодекс на Здружението на новинари на РМ, но и со одредбите на Европската Асоцијација на новинари. Исто така, употребата на дискриминаторскиов термин е во спротивност со основното право на сите луѓе и заедници да се самоопределуваат и самоименуваат.

05:31 / Македонија
0 Likes
07 Jun

Предмет: Реакција во врска со написот „Кондомите предизвикуваат рак на дојката!?“, број 162, од 25.5.2010, потпишан од Наташа Црвенковска

Со ова писмо поднесуваме остра реакција во врска со написот „Кондомите предизвикуваат рак на дојката!?“, број 162, од 25.5.2010, потпишан од Наташа Црвенковска објавен на насловната страна.

Го поздравуваме изборот на вашата редакција да покрие тема од областа на сексуално и репродуктивното здравје, со цел да се подигне свеста за ракот на дојката и да ја стимулира употребата на орална контрацепција. Сепак со ексклузивното и сензационално истакнувањето на ставовите на д-р Ѓоргов „Глобус“ испраќа целосно грешна и опасна порака.

Во земја во која:

- само 34,4% од младите користеле кондом при својот последен сексуален однос[1]

- младите немаат соодветен пристап до услуги за сексуално и репродуктивно здравје

- не постојат соодветни информации за првиот сексуален однос и начините за заштита од сексуално преносливите инфекции во образовниот систем

- превладуваат предрасудите дека македонската нација е здрава и дека сите инфекции асоцирани со сексуалноста доаѓаат од странство

- 1,6 од девојките на возраст од 15 до 19 години користат орална контрацепција[2]

- речиси не постојат квалитетни бесплатни кондоми

испраќате порака со која што го практично ја сатанизирате употребата на кондомот и со тоа учествувате во поттикнување на трендот на ризично сексуално однесување.


06:55 / Македонија
0 Likes