ТИШИНА МЕЃУ РЕДОВИ: Безбедноста на бранител(к)ите на човекови права

ПРЕЗЕМИ ТУКА

Во услови на сè поагресивни напади врз феминистичкиот и квир активизам, новата публикација „Тишина меѓу редови: Безбедноста на бранител(к)ите на човекови права“, издадена од Коалиција МАРГИНИ, отвора клучни прашања за безбедноста, дискредитацијата и институционалното исклучување на активист(к)ите кои го штитат човечкото достоинство. Публикацијата нуди и препораки за институции, организации и самите бранител(к)и, насочени кон стратешка колективна заштита. 

 Авторки на студијата се Ирена Цветковиќ и Мања Величковска
Визуелниот дизајн е дело на Емилија Мишева.

 Истражувањето опфаќа анализи на 209 антиродови текстови, три фокус-групи со вкупно 13 учеснички – адвокатки, правни советнички, новинарки, истражувачки, координаторки и давателки на услуги, и спроведен прашалник со 46 индивидуални одговори од засегнати активист(к)и, разоткривајќи:

• кои актери се најчесто цел на вознемирување (бранител(к)и, медиуми, институции, политички партии);
• дискурзивните тактики на напаѓање (морална паника, делегитимација, мизогинија, хомофобија);
• и последиците врз менталното здравје, професионалниот ангажман и општественото учество на засегнатите.

Овој материјал е финансиран од UK International Development и The Kvinna till Kvinna Foundation, кои не нужно се согласуваат со изнесените ставови. Единствено авторките се одговорни за содржината.