05 Aug FKA twigs започна иницијатива за поддршка на сексуалните работници за време на КОВИД-19
FKA twigs објави иницијатива за поддршка на сексуалните работници за време на пандемијата на коронавирус.
На Инстаграм, таа откри дека донирала 10.000 фунти на фонд за поддршка на организациите SWARM, Lysistrata и ELSC (East London Strippers Collective), кои им даваат директна финансиска поддршка на стриптизерите и сексуалните работници. FKA twigs често пати танцува на шипка во нејзините спотови, а неодамна објави краток филм кој го покрива нејзиното патување до стриптиз клубот во Атланта Blue Flame.
„Имав 19 години кога го научив првото движење на шипка, научив да се превртам наназад од една стриптизета кога работев како хостеса во џентлменски клуб“, пишува FKA twigs на Инстаграм. „За оние кои не знаат, работата како хостеса претставува кога едно лице плаќа друго лице, за било каква услуга – од разговор за време на вечера до сексуална работа, за што клубот добива дел од хонорарот. Моето животно искуство како многу млада жена во ваква средина не само што ме формираше како силна и сериозна жена, туку и голем дел од мојата работа како музички и визуелен уметник – понекогаш дури и потсвесно. “
„Сметам дека сега е времето кога треба да истапам напред, да оддадам почит и да ги обелоденам предизвиците со кои се соочуваат сексуалните работници, особено во овие неизвесни времиња“, продолжува таа. „Сексуалните работници што ги познавам и сум ги сретнала имаат дисциплина, занает, талент и работна етика – не само што заслужуваат подобра иднина долгорочно, туку и нивниот приход бешее избришан со карантинот и многумина од нив се невидливи за финансиската помош која е достапна за останатите ”
Таа заклучува: „Има уште долг пат во менување на ставовите на јавноста, справување со стигмата и борбата за права и заштита – но денес ве поканувам да ми се придружите во помагање со парични донации за SWARM, Lysistrata и ELSC“.
Покрај донацијата од 10.000 фунти, SWARM, Lysistrata и ELSC ќе ги преземат каналите на социјалните медиуми на FKA twigs.
Овде можете да донирате на заедничкиот фонд на сексуалните работници. Погледнете ја објавата на Инстаграм подолу.