08 Aug Обама ги извиси ЛГБТ правата на самитот на африканските лидери
Претседателот на САД, Барак Обама, не зборуваше директно за ЛГБТ правата во неговото завршно обраќање на самитот на американските и африканските лидери кој се оддржа минатата среда во Вашингтон Д.Ц..
Во неговите забелешки претседателот рече: „Некои африкански нации направија импресивен напредок, но забележавме и загрижувачки рестрикции на универзалните права. Па, денешниот ден претставува можност да се потенцира значењето на владеењето на правото, на отворените и одговорните институции, силните граѓански општества и заштитата на човековите права на сите граѓани и заедници“.
Обама повторно многу генерално зборуваше за човековите права во одговорот на прашањето упатено од страна на кенијски весник за време на неговото обраќање на самитот.
Тој рече: „Сметаме дека во некои случаи со пристапувањето кон одредена земја која е добар партнер, но која не се однесува добро кога станува збора за сите различни форми на човековите права, можеме да бидеме ефикасни преку заедничка работа, а на одредени полиња да ги критикувме и да се обидеме да ги примораме да се подобрат на други полиња“. Дури во земјите кои имаат добра историја на полето на човековите права, има полиња каде постојат проблеми. Патем, ситуацијата е таква и во САД“.
За време на самитот, Обама ја спомна потребата од еднаков третман на луѓето од различните раси и луѓето со различни сексуални ориентации.
За време на вечерата, Обама ги спомена и „активистите кои се борат за правда“ и оние кои работат на полето на застапувањето и истражувањето на ХИВ-от и СИДА-та.
На самитот беа присутни педесет африкански лидери.
Хомосексуалноста е сè уште криминализирана во повеќе од триесет африкански земји. Во некои региони, истополовиоте сексуални односи се казнуваат со смртна казна.
Извор: Pink News