13 May Пионерското ЛГБТ истражување ги разлути верските конзервативци
Оваа недела Агенцијата за основни права на Европската Унија ќе ги презентира резултатите од двегодишното истражување на дискриминацијата и насилството кое го искусиле лезбејките, геј, бисексуалните и трансродните лица во ЕУ и Хрватска.
Преку безбеден прашалник истражувањето опфатило деведесет и три илјади потврдени одговори на ЛГБТ луѓе. Податоците беа обработени и анализирани од страна на Галуп Европа.
Резултатите ќе бидат презентирани во Хаг на 17-ти мај, на Меѓународниот ден против хомофобијата. На презентацијата ќе присуствуваат Европскиот Комесар за основни права, Вивиен Рединг, неколку министри за еднаквост, членови на Европскиот Парламент и претставници на граѓанското општество.
Конзервативните верски групи, каква што е Институтот „Католичко семејство и човекови права“ од САД го критикуваа истражувањето, жалејќи се дека хетеросексуалците не биле во можност да го одговорат прашалникот и тврдејќи дека статистиките биле измислени.
Европската парламентарка и подпретседателка на ЛГБТ Интергрупата, Сирпа Питкеинен, изјави: „Ји почитувам слободата на мислење на конзервативните католички групи во нивните тврдења за правата на жените и ЛГБТ луѓето, но воопшто не ми се допаѓа начинот на кој го критикуваат истражувањето пред тоа воопшто да биде објавено. Во секој случај, тие не го задржуваат вниманието дури и на парламентарците од десниот-центар“.
Европскиот Дигнити Воч, лоби група која застапува католички политики за ограничување на пристапот до абортус, стопирање на истражувањата со матичните клетки и одземање на правата на ЛГБТ луѓето, минатиот април, исто така, го критикуваше истражувањето.
Групата, за која некои се сомневаат дека е поврзана со американските нео-конзервативци, соопшти дека истражувањето „фабрикувало факти“ и дека резлутатите биле бескорисни поради тоа што истражувањето се спроведувало анонимно.
Софи ин’т Велт, подпретседателот на ЛГБТ Интергрупата и Комитетот за граѓански слободи, додаде: „Мислам дека е тажно што овие групи наоѓаат какви било причини за да ја критикуваат работата на Агенцијата за основни права секогаш кога таа ги промовира правата на жените и ЛГБТ луѓето. Нивниот пристап покажува дека оваа истражување е неопходно, и дека, за жал, еднаквоста се уште има многу непријатели.
Резултатите на ЛГБТ истражувањето ќе бидат достапни онлајн на 17-ти мај.