20 Dec Во петок запопочнува осмото издание на фестивалот Ѕуница
Осмото издание на филмскиот фестивал Ѕуница посветен на филмови кои третираат ЛГБТ теми ќе биде отворен овој петок, 21-ви декември, во 19:30 часот во киното Фросина во Скопје. Фестивалот ќе биде отворен со перформанс на Билјана Космогина, а потоа во 20:00 часот ќе биде прикажан „Џошуа Три, 1951 г.: Портрет на Џејмс Дин“.
Следниот ден, во сабота на 22-ри декември во киното Фросина во 20:00 часот, ќе биде прикажан филмот „Младите мудреци“ во режија на Стивен Коун кој ја третира приказната на тројца другари тинејџери во една баптистичка црковна заедница во Чарлстон, Јужна Каролина. По малку комедија и драма, „Младите мудреци“ е приказна за растењето на ликовите што ги играат инзворедно талентираните млади актери.
Во недела, 23-ти декември, во киното Фросина ќе биде прикажан филмот „Гејбенце“ од 2012-та во режија на Џонатан Лизеки. „Гејбенце“ претставува безочна комедија за пријателството, растењето, сексот, осмаменоста и семејството кое го избираме. Во понеделник на 24-ти декември во 20:00 часот во Менада ќе бидат прикажани филмовите „Во мојата кожа“ на Џенифер Гиломен и хрватскиот „Животот не е хавајска песна“ на Дана Бидисављевиќ.
Фестивалот е во организација на здружението ЕГАЛ – Скопје чија цел е подигнување на сексуалната култура и здравје, како и културата на живеење на ЛГБТ лицата. Фестивалот Ѕуница се одржува по осми пат и има цел да ја подобри и зголеми ЛГБТ културата на ЛГБТ заедницата во Македонија.
Програмата на фестивалот можете да ја проследите на следниов линк: http://egal.org.mk/