03 Jun Del LaGrace Volcano на Skopje Pride Weekend 2019
8 јуни (сабота)
22:30 ч.
Супкултурен центар „Shortbus“
Диџеј-сет и забава проследени со:
Проекција на фотографии и изложба Љубов, копнеж и завештание: 40 години квир служба посветена на каузата (Love, Lust & Legacy: 40 Years of Queer Service to the Cause)
Дел Лагрејс Волкано
ЉУБОВ, КОПНЕЖ & ЗАВЕШТАНИЕ: 40 ГОДИНИ КВИР СЛУЖБА ПОСВЕТЕНА НА КАУЗАТА е резултат на фотографии направени во период од четири децении на лица кои егзистираат надвор од биполарните бинарности на полот и родот. Сликите не претставуваат само документи за едно „квир време и место“ туку и исконски завештанија на љубовта, копнежот и страсната желба да им се пркоси на силите што настојуваат да нè уништат, не нè почитуваат и деактивираат. Од (Кети) Акер до (Моџисола) Адебајо, (Барбара) Хамер до (Џек) Халберстам, (Исак) Џулиен до (Дерек) Џарман, (Пратиба) Пармар, (Пол) Пресијадо, (Лесли) Фајнберг, (Зеки) Ахмат, (Ени) Спринкл, (Џејмс) Грин и многу други, Волкано ги поврзува и соработува со сите нив.
Не испуштајте ја оваа ретка можност да го искусите висцералниот приказ во прво лице на ЛГБТКИ+ теоријата преточена во волшебен техниколор.
„И јас сум уметник со интересна приказна. Некои ќе речат дека се работи за гласишта, а можеби е и така. Како Хозе Муњоз, и јас исто така сум познат по перчењето.“
Дел Лагрејс Волкано е визуелен уметник и културен продуцент, работи со телото и со идентитетските претстави од социјални, политички и лични причини. Студира на Институтот за уметност во Сан Франциско од 1979 до 1981 година, каде што се здобива со магистерска титула по фотографски студии на Универзитетот во Дерби во 1992 година. Меѓу неговите позначајни публикации се: Love Bites (1991), The Drag King Book, со Џек Халберстам (1999), Sublime Mutations (2000), Sex Works, со Беатрис Пресијадо (2005) и Femmes of Power: Exploding Queer Femininities, со Улрика Дал (2008). Меѓу позначајните негови изложби се: Street Style во Музејот „Алберт и Викторија“, Лондон (1994); Corpus Queer: Тела на отпор во Центарот за современа уметност „Le Transpalette“ во Бурж, Франција (2005); Das Achte Feld: The Eighth Square, Музејот „Лудвиг“, Келн, Германија (2006); и En Todas Partes: Politicas de la Diversidad En El Arte (Everywhere: Sexual Diversity Policies in Art), Centro Galego De Arte Contemporanea во Сантјаго де Компостела, Шпанија (2009); и sh(OUT) во Музејот на модерна уметност во Глазгов, Шкотска (2009). Изложбата Corpus Queer: Тела на отпор беше претставена во Музејот на современа уметност во Скопје во 2018 година и во Галеријата „Хејвард“ во Лондон во 2019 година. Делата на Волкано беа прикажани на соло-изложбата насловена Del LaGrace Volcano: A Mid-Career Retrospective во Музејот за геј и лезбејска уметност „Лесли-Ломан“ во 2011 година, а истовремено е редовно присутен во академски публикации, телевизиски програми и филмови за визуелната уметност, квир и феминистичката теорија.
