01 Dec ТВ дебата на теми поврзани со правата на ЛГБТ заедницата
Транскрипт од дел од дебатата на ТВ Нова меѓу Димитар Апасиев од Левица и Зоран Илиески од ВМРО ДПМНЕ и новинарот Гоце Михајлоски на теми поврзани со правата на ЛГБТ заедницата. На видеото, овој дел започнува од 18:40 минута.
Новинар: видов во вашата програма, велите дека се залагате за уставно гарантирање дека граѓните во РМ се еднакви во слободите и правата и по основ на сексуална определба и дека ограничувањето на слободите и правата не може да биде дискриминтарско и по основ на сексуална определба. Значи вие се залагате за промена на уставот со цел да се легализираат хомосексуалните бракови.
Апасиев: не, не, не. Ова е импутирање. Значи, ние се залагаме да не се дискриминираат лицата од ЛГБТ заедницат. Ние сме една од 5те партии којашто во предизборната кампања експлицитно има предвидено дека за ЛГБТ заедницата не треба да има понатамошна дискриминација. Законот за заштита од дискриминација…
Новинар: какви слободи и права? Тоа е правото на брак
Апасиев: Ако ми дозволите да ви кажам. Законот за заштита од дискриминација во тие основи за дискриминација не ја предвидува сексуалната ориентација експлицитно под влијание на некаква си демохристијански конзервативни сфаќања. Ние се залагаме дека во тој закон треба да се воведе сексуална ориентација како основ за дискриминација за да луѓето можат и по тој основ да се заштитуваат. На пример, во законот за работни односи ја имате сексуалната ориентација како основ за дискриминација. Зошто тоа не би било случај и во lex generalis, односно во општиот закон за заштита од дискриминација. Значи, тоа се нашите ставови.
Новинар: Што е спорот со нашиот Устав?
Апасиев: Тоа нема никаква врска со уставот.
Новинар: Па, така викате: уставно гарантирање. Тоа е од вашата програма.
Апасиев: Значи во основите каде што се дадени, филозофијата за тоа е дека во основите, дискриминацијата по основ на раса, пол, верска, националан, треба да влезе и сексуална ориентација. ЛГБТ заедницата да не биде дискриминирана.
Новинар: А каков е вашиот став за хомосексуалните бракови со оглед на тоа што ВМРО ДПМНЕ тие уставни измени што ги спомена Илиески предлагаше бракот да се дефинира исклучиво како заедница меѓу маж и жена?
Апасиев: Добро, тие во Македонија предлагаат едно, на Халкидики прават друго, така што веројатно тоа е шизофрена некоја ситуација. Меѓутоа, ние се залагаме за дефинирање на граѓанското партнерство како заедница. Тоа значи, ако две лица од ист пол живеат заедно со години вие морате, како правник зборувам, имотните односи меѓу нив да г решите. Ме сфаќате? Не зборуваме за брачните односи, за интимните односи итн. Зборуваме за имотните односи, за тоа што ќе го стекнат како кола, стан, куќа, викендица. И тоа е граѓанско партнерство. Не е брак.
Новинар: Што е разликата?
Илиески: Не може да биде под брачните услови и закони.
Апасиев: Тоа не е брак.
Апасиев: Значи, ако тие живеат во заедница ќе си ги решат тие нивни имотни односи (не се слуша што зборува натаму)
Апасиев: Сега в моментот не можат да ги решат затоа што ниту вонбрачната заедница не признава…
Илиески: Како не? Ние немаме вонбрачна заедница овде во држават, така?
Апасиев: Како немаме?
Илиески: Значи, ние имаме брак меѓу маж и жена во државата.
Апасиев: И вонбрачна заедница. Вие сте правник?
Илиески: Не сум правник.
Апасиев: Што сте по струка?
Илиески: Дипломиран електроинженер.
Апасиев: Електроинженер? Немате во ВМРО правници да пуштат на дебата? Вонбрачната заедница постои во законот за семејство откако постои законот.
Илиески: Ние одлучуваме кого ќе пуштиме на дебата. Пак би сакал да ви сугерирам кога веќе дискутираме да дискутираме на ниво.
Апасиев: Меѓутоа, стручни се прашањата. Вонбрачната заедница постои во закониот…ако јас и девојка ми живееме повеќе од една година заедно сум исто како во брак, вонбрачна заедница.
Илиески: Со девојката? Меѓутоа ако живееш со дечкото тогаш не си во брак.
Апасиев: така е. Епа, затоа викаме дека треба да има граѓанско партнерство. За имотните односи помеѓу таквите заедници.
Илиески: Од тие причини, ако прифатиме во име на дефнирање на имотните односи тогаш ние на мала врата ги внесуваме заедниците помнеѓу два исти пола како брачна заедница. Од тие причини, ние како демохристијанска партија се залагавме во уставот уште повеќе да се дефинира таа работа дека бракот е заедница меѓу еден маж и една жена.
Апасиев: Па и сега е така. И што? Топла вода измисливте? И сега е така. Земете го законот за семесјтво, сето ова што го зборувате е таму.
Илиески: Не е исто.
Апасиев: Како?
Илиески: така, не е исто. Тоа е едно. Второ, ако е исто тогаш зошто опозицијата не ги поддржа тие измени.
Апасиев: Како?
Илиески: Зошто опозицијата не ги поддржа тие измени.
Апасиев: Прашајте ја опозицијата.
Илиески: Идејат е да се вметне во устав и тоа да биде многу поцврсто дефинирано во општеството. Бидејќи како демохристијанска партија се залагаме за семејни вредности.
Апасиев: Во тие уставни измени што ги предлагавте вие имавте регулација на вонбрачната заедница која ќе биде регистрирана. Што е тоа?
Илиески: Значи, ние…
Апасиев: Какво е тоа регулирање на љубовни односи меѓу луѓе. Љубовта треба да се остави надвор од правна регулација. Кој се сака, кој се мрази треба да се остави надвор од правна регулација.
Илиески: Тоа е филозофско прашање.
Апасиев: Тогаш, што е разликата меѓу брак и регистрираана вонбрачна заедница како што ја предлагавте во уставните измени. Нема разлика. Значи, толку ви се добри правниците што ги прават тие текстови.