Почеток На Кампaњата „Прав(Д)А За Сите“

Денес во Клубот на новинари, Проектот на УСАИД за подобрување на статусот на ЛГБТИ луѓето, имплементиран од страна на ЛГБТИ Центарот за поддршка-Хелсиншкиот комитет за човекови права на Република Македонија со партнерските организации Коалицијата „Сексуални и здравствени права на маргинализирани заедници“ и ЛГБТ Јунајтед Тетово, организираше прослава по повод Меѓународниот ден против хомофобијата, трансфобијата и бифобијата, како и промоција на кампањата „Прав(д)а за сите“. Претставници на ЛГБТИ организации и активисти за човекови права беа присутни на настанот.

За време на настатно, беа испратени охрабрувачки пораки од страна на в.д. г-ѓа Микаела Швајцер Блум, заменичка на мисијата на Соединетите Американски Држави во Македонија, г-ѓа Уранија Пировска, извршна директорка на Хелсиншкиот комитет за човекови права на РМ и г-нот Кочо Андоновски, директор на проектот. Преку овој начин на прослава на Меѓународниот ден против хомофобија, трансфобија и бифобија, како и преку концептот на „Прав(д)а за сите“, учесниците кои беа ангажирани во кампањата, се рефлектираше за состојбите со наружувањето на правта на ЛГБТИ луѓето, но исто така се рефлектираа и можностите за борба и еманципација во македонското општество. Проектот на УСАИД за подобрување на статусот на ЛГБТИ луѓето има за цел да го унапреди интегрирањето на ЛГБТИ луѓето во општеството и да ги унапреди нивните права во Македонија. Овој проект го поддржува остварувањето на човековите права во Македонија и националната стратегија за еднаквост и недискриминација. Проектот почна да се остварува во септември, 2016 година и ќе трае до март, 2018 година.

Фотографија: Билјана Гинова

Извор